Complementarias

Alumnado de 1º e 2º Bacharelato de Ciencias asistiu á conferencia "Explorando o Universo" impartida pola Dra. Begoña Vila

Xov, 14/11/2024 - 22:23 — IES de Valga

O xoves 14 de novembro e na Biblioteca, o alumnado de 1º e 2º do Bacharelato de Ciencias asistiu á conferencia "Observando o Universo", impartida pola Dra. Begoña Vila Costas, astrofísica e enxeñeira Principal de Sistemas no Centro Espacial Goddard da NASA. Tamén estivo presente, como convidado ao acto, o alumnado de Ciencias de Bacharelato do IES Macías o Namorado de Padrón. A actividade foi posible pola participación de Begoña Vila no XXXVII Congreso ENCIGA que se celebra no noso centro do 14 ao 16 de novembro.

Celebramos o Magosto

Mar, 12/11/2024 - 18:57 — IES de Valga

O luns 11 de novembro, nas horas lectivas da tarde, celebramos un Magosto. A degustación de castañas e outros doces, xunto cos xogos populares e unha actividade do programa TEI na Biblioteca, centraron as actividades dunha xornada de diversión da comunidade educativa do Centro.
A celebración serviu tamén para entregar os premios aos concursos “Portas de Samaín” e “Doces de Outono”.
No “Concurso Portas de Samaín”, foron gañadoras as aulas de 1º ESO A na categoría do primeiro ciclo da ESO e a aula de 1º Ciclo Básico de Xardinaría e Composicións Florais, na categoría do segundo ciclo da ESO e ciclos básicos. O alumnado gañador ten como premio uns pinchos na cafetaría.
No “Concurso Doces de Outono”, o xurado, composto por membros da comunidade educativa, proclamou gañadora á alumna Luana Miguens de 2º ESO C, que recibiu un premio de 60€, xentileza da ANPA; tamén houbo un 2º premio para as alumnas de 4º ESO B, Uxía Bejo e Lía Rodríguez, que recibiron un premio de 40€, tamén xentileza da ANPA.
Parabéns a todos os participantes e, en especial, aos premiados!!!.

Celebramos o Samaín

Xov, 31/10/2024 - 17:38 — IES de Valga

Os últimos días do mes de outubro serviron para ambientar o noso centro cara á celebración do Samaín. Xunto á decoración de aulas e outros espazos como a Biblioteca, o mércores 30 de outubro e co gallo desta celebración, o alumnado de Música de 4º ESO B, xunto a súa profesora Ilda Luaces, animou as aulas coa súa música e bailes. Ademais o alumnado de 1º e 3º ESO celebrou o Samaín dentro do programa TEI, cunha actividade titulada: "Relatos terroríficos do Samaín", organizada polo programa de Titoría entre Iguais (TEI); nesta actividade o alumnado de 3º ESO, dividido en grupos espallados por dez espazos diferentes do noso centro, contou relatos de terror ao alumnado de 1º ESO.