Actividades

Alumnado de 1º do CB de Agroxardinaría colabora co proxecto "Protexe o teu medio"

Mér, 22/05/2024 - 23:09 — IES de Valga

O alumnado de 1º do Ciclo Básico de Agroxardinaría e Composicións Florais colabora no proxecto “Protexe o teu medio”, no que está a analizar a influencia dos parámetros que definen a calidade do aire, solo e auga sobre a saúde humana e na nosa contorna. A actividade está organizada dende o departamento de Física e Química.

Alumnado de 1º do CB de Agroxardinaría colabora no proxecto "Protexe o teu medio"

Alumnado de 2º Bacharelato asiste á charla "Ciencia, Tecnoloxía, Bacharelato e Universidade"

Ven, 26/04/2024 - 09:24 — IES de Valga

O xoves 25 de abril e na aula de Audivisuais, o alumnado dos itinerarios Científico-tecnolóxico e Biosanitario de 2º Bacharelato asistiu á charla: "Ciencia, Tecnoloxía, Bacharelato e Universidade" impartida polo catedrático e físico da Univeridade de Vigo Claudio Cerdeiriña Álvarez. O profesor da Escola de Enxeñaría Aeronáutica e do Espazo explicoulle ao alumnado as posibles opcións dos graos relacionados cos itinerarios elexidos neste curso académico que están a rematar. A actividade foi organizada polo departamento de Física e Química.

Alumnado do STEMbach 2021-2023 presenta o seu proxecto final

Mar, 06/06/2023 - 10:20 — IES de Valga

O mércores 31 de maio, o alumnado de 2º Bacharelato: Naim Aynaoui Tobío e Letizia Lafuente Fernández presentaron o seu proxecto final do STEMbach 2021-2023: “Creación de servidor web para acceder a datos de localización, temperatura e altitude a tempo real”. Foi na aula de Ciencias e entre os asistentes estaban o director do noso centro, Eliseu Mera, o profesor do CITIUS da USC, José Ramón Ríos Viqueira e o profesorado de Stembach Loli Rego e Jaime Oviedo. Este é o primeiro dos traballos finais que presenta o alumnado que cursou o Bacharelato Stem (STEMbach) na promoción 2021-2023 e que terá continuidade en vindeiras semanas.

Alumnado de 4º ESO visitou Galiciencia 2023, a Facultade de Enxeñaría Aeroespacial e as Termas de Outariz

Xov, 11/05/2023 - 23:26 — IES de Valga

Alumnado de 4º ESO de Ciencias visitou o xoves 11 de maio o Parque Tecnolóxico de Galicia-Tecnópole, San Cibrao Das Viñas, Ourense, para estar en Galiciencia 2023. Alí viron a maior feira científica que se celebra en Galicia desde 2006, co obxectivo principal de achegar a ciencia á sociedade. Consiste na organización e desenvolvemento dun certame científico que ten como público obxectivo estudantes de Primaria, Secundaria, Bacharelato e que permanece aberto ao público xeral. Neste evento puideron participar nos talleres relacionados co tema central desta edición: a Aeronáutica e Aeroespacial. Tamén visitaron, nesta saída, a Facultade de Enxeñaría Aeroespacial e as Termas de Outariz. A actividade foi organizada polo departamento de Física e Química.

Alumnado de 2º ESO visita os museos científicos en A Coruña

Mér, 26/04/2023 - 16:54 — montejano

O alumnado de 2º ESO realizou o pasado luns 24 de abril unha visita á cidade de A Coruña. Nesta cidade fixo un percorrido polos Museos Científicos Coruñeses, un servizo do concello desta cidade que comprende tres museos de ciencia interactivos: a Casa das Ciencias, o Planetario e o Aquarium Finisterrae. O seu obxectivo é dar estímulos e recursos para incorporar a ciencia e a súa cultura, para comprender mellor o mundo no que vivimos a estas xeracións novas. A actividade foi organizada polo departamento de Física e Química en colaboración co de Tecnoloxía. Foron acompañados por profesorado Silvia Bouzón, Mar Tejero, Diego Botana e Jaime Oviedo.