Proxecto dinamización

Calendario curso escolar IES Valga 2024-2025

Lun, 07/10/2024 - 09:46 — IES de Valga

Para consultar o calendario escolar do noso Centro e para este curso 2024-2025, prema aquí.

O EDLG presentou a campaña “Eu son do equipo”

Xov, 27/06/2024 - 12:58 — IES de Valga

O pasado xoves 20 de xuño o EDLG despediu o curso 2023/24 e presentou a campaña “Eu son do equipo”. Fixo unha xuntanza co alumnado máis activo e implicado coas actividades do instituto. O obxectivo é crear un equipo de voluntariado que espalle, difunda e conte da mellor maneira o que nos importa en temas de Lingua, Igualdade, Convivencia... O profesorado presente na reunión explicoulles en que consistiría o equipo e como podían contribuír coa súa participación. Tamén houbo sorpresa...unha marabillosa merendola. A próxima cita do EDLG xa será no comezo do curso 2024/25…en setembro cunha variedade de actividades!

O EDLG desexa un bo verán a toda a comunidade educativa!!!

O EDL convoca un Certame de Videopoemas para celebrar o Día de Rosalía de Castro 2024

Ven, 16/02/2024 - 21:18 — IES de Valga

Logo EDLG

As bases para participar neste concurso no ficheiro adxunto ou picando na imaxe.

1 adxunto

Exposición: O Entroido en Galicia polo alumnado da ESO, organizada polo EDLG

Xov, 08/02/2024 - 00:05 — IES de Valga

O Equipo de Dinamización da Lingua Galega en colaboración co departamento de Educación Plástica elaborou co alumnado da ESO unha exposición sobre o Entroido en Galicia, que xa pode ollarse no corredor da planta baixa. Nela, represéntase unha mostra das principais figuras do entroido galego así como os lugares onde se celebran. Parabéns!!! polo traballo realizado.

Alumnas premiadas no "IV Concurso literario contra a violencia machista"

Mar, 28/11/2023 - 11:27 — IES de Valga

Logo EDLG

O pasado venres 24 de novembro dentro do acto que tivo lugar para lembrar o "Día Internacional contra a Violencia Machista", as profesoras Ana Castro e Paula Otero, en representación do Equipo de Igualdade e o Equipo de Dinamización da Lingua Galega, deron os premios ao IV CONCURSO LITERARIO CONTRA A VIOLENCIA MACHISTA. Todas as premiadas recibiron un vale para a cafetaría do noso centro ou para a librería Cativos Ademais as gañadoras leron os seus relatos polas aulas ao alumnado presente na cuarta hora lectiva do luns 27 de novembro.
Resultaron gañadoras deste concurso: Andrea Herrero Suárez de 1º ESO, Irene Monteagudo Castiñeiras e Xiana Bouzón Rey (accésit, 1º e 2º premio da categoría: 1º, 2º, 3º ESO e 1º Ciclo Básico); Adriana Galindo Tarrío, Lucía Abeledo Cordo e Ana Santiago Sanmiguel (accésit, 1º e 2º premio na categoría: 4º ESO, 1º e 2º Bacharelato, 2º Ciclo Básico, Ciclo Medio e Superior). Parabéns ás gañadoras!!!