Actividades

Alumnado de 1º e 2º do Ciclo Básico e 1º de Ciclo Medio de Agroxardinaría asistiu a unha demostración de maquinaría

Dom, 10/11/2024 - 17:38 — IES de Valga

O venres 8 de novembro, a empresa Avant desenvolveu unha demostración de maquinaría, da que é especialista, para o traballo nas áreas da xardinaría ou espazos forestais. Técnicos desta marca mostraron a oferta en maquinaria, así como ensinaron o funcionamento dalgunhas destas máquinas. Asistiron a esta demostrración alumnado dos curso de 1º e 2º do Ciclo Básico de Agroxardinaría, así como o de 1º do Ciclo Medio de Xardinaría e Floraría DUAL.
A actividade foi organizada polo departamento de Agroxardinaría.

AULAS DE EMPRENDEMENTO: alumnado do CB de Agroxardinaría e Composicións Florais participaron nun "Obradoiro de Arte Floral"

Mér, 19/06/2024 - 08:02 — IES de Valga

Para rematar as actividades do programa Aulas de Emprendemento, o alumnado de 1º e 2º do CB de Agroxardinaría e Composicións Florais participaron nun "Obradoiro de Arte Floral", o martes 18 de xuño no noso centro.
O obxectivo do mesmo foi mellorar as súas habilidades profesionais, coa elaboración de composicións florais de nova tendencia con flores naturais e valorar a importancia de mellorar competencias como a iniciativa individual, a creatividade, motivación e o traballo en equipo, factores clave do perfil emprendedor.
Comentar que o resultado do seu traballo decorará o noso centro e os actos de graduación de Bacharelato e Ciclos Formativos deste curso, no que o grupo de 2º participará.
A persoa encargada de impartilo foi Miriam Iglesias Mondragón, florista especializada da empresa O forno Garden, empresa da nosa contorna e colaboradora na FCT do noso alumnado.
Esta actuación inclúese no Plan de Modernización de la Formación Profesional e está enmarcada na compoñente 20 –Plan Estratéxico de Impulso da Formación Profesional– do Plan de Recuperación, Transformación e Resiliencia, financiada polo Ministerio de Educación, Formación Profesional y Deporte e pola Unión Europea - NextGenerationEU.

Alumnas do 2º curso do CB de Agroxardinaría visitou a cidade portuguesa de Coimbra

Dom, 14/04/2024 - 18:53 — IES de Valga

As alumnas do 2º curso do Ciclo Básico de Agroxardinaría e Composicións Florais realizaron os días 12 e 13 de abril unha viaxe cultural a Coimbra. Nesta saída puideron coñecer o Museo de Ciencias Naturais e os Xardíns da Universidade, xunto a outros espazos emblemáticos desta cidade portuguesa como a súa Catedral. Foron acompañadas polas profesoras Iria Villar e Loli Rego.

Alumnado do CB de Agroxardinaría realizou prácticas no CPI O Progreso de Catoira

Lun, 05/02/2024 - 22:31 — IES de Valga

O alumnado de 1º e 2º do Ciclo Básico de Agroxardinaría e Composicións Florais desprazouse na mañá do luns 5 de febreiro ao CPI O Progreso de Catoira para realizar unha serie de prácticas e, ademais colaborar co centro educativo catoirense. As alumnas e alumnos realizaron labores de mantemento de xardíns, poda ornamental de camelias, así como mantemento de zonas de xardín comestible. O alumnado foi acompañado polo seu profesorado Iria Villar e Xabier Loureiro.

Alumnado de 2º do CB de Agroxardinaría realiza novos traballos no "Xardín IES Plurilingüe de Valga"

Xov, 01/02/2024 - 19:40 — IES de Valga

O alumnado do Ciclo Básico de Agroxardinaría e Composicións Florais realizou novos traballos no "Xardín IES Plurilingüe de Valga"". Entre as tarefas realizadas estivo a creación de socalcos para o encontro do ribazo do xardín e, o camiño de entrada á pista cuberta. Estes socalcos vanse a preparar con diferentes plantas de tempada e algunha definitiva. Adenais, nivelouse o terreo, colocáronse as vigas de madeira cunha pendente determinada, seguindo a liña natural do terreo, realizouse o careado das mesmas e, a colocación de estacas de ferro corrugado, preparadas polo alumnado de Fabricación Mecánica.