Complementarias

O alumnado de 1º, 2º, 3º e 4º ESO asistiu, durante a mañá do martes 14 de febreiro, na aula de Audiovisuais a unha serie de charlas preventivas incluídas dentro do Plan Director do Ministerio do Interior español para a convivencia e mellora da seguridade nos centros educativos e os seus contornos. En sesión dunha hora lectiva, persoal da Garda Civil explicou ao alumnado de 1º ESO  como detectar, e actuar en casos de acoso escolar. Pola súa parte, o alumnado de 3º ESO coñeceu, entre outros contidos,  como detectar, e actuar en casos da violencia de xénero ou fomentar as relacións sanas.
O alumnado de 4º ESO soubo das especialidades da Garda Civil e aspectos sobre a incorporación da muller ao mundo laboral e, finalmente, o alumnado de 2º ESO  foi informado sobre a prevención dos perigos sobre adicións ao alcol e as drogas.
A actividade foi organizada pola departamento de Orientación.

O mércores 1 e o xoves 2 de febreiro tivo lugar no noso centro unhas charlas didácticas sobre "o mundo do Ciclismo" a cargo de persoal do Club Ciclista Padronés Cortizo. O alumnado da ESO, 1º Bacharelato e dos Ciclos Básicos de Agroxardinaría e de Fabricación e Montaxe puido coñecer diferentes aspectos do deporte do ciclismo e tamén facetas técnicas e mecánicas relacionadas con el, ademais de aprender diversos aspectos da seguridade vial. Participaron como relatores deste club ciclista: o director deportivo Marcos Serrano, o preparador físico, José Abalo, o youtuber padronés e colaborador do CC Padronés, Alfonso Blanco, e os ciclistas: Alejandro Paz, Aaron Wade e Iñaki Errazkin.

O luns 28 de novembro, o alumnado participante no plan "Titoría entre Iguais" realizou unha marcha con pistas entre o IES e a Lagoa de Campaña para seguir coas actividades de convivencia entre o alumnado de 1º e 3º da ESO. A actividade foi organizada polo Equipo TEI.