O alumnado de 1º e 2º da ESO explorou esta Guía de Orientación interactiva na hora de titoría, xunto coa orientadora do centro.

Nela recóllense aspectos básicos sobre a elección de materias na etapa,  a avaliación, a promoción e a titulación. Tamén inclúe unha batería de test de orientación vocacional para ir coñecendo os seus intereses e aptitudes. 

Deixámosvos aquí un enlace, para que tamén a podades consultar en familia.

https://www.canva.com/design/DAFyXxUAC4k/dClXHCZpEWcnFhGsVvdpHQ/edit?utm_content=DAFyXxUAC4k&utm_campaign=designshare&utm_medium=link2&utm_source=sharebutton

A semana pasada realizáronse diversas actividades no centro como conmemoración do Día Internacional da Eliminación da Violencia contra a Muller.

Dúas charlas integradas dentro do Plan Director da Convivencia.

Para o alumando de 5º e 6º de primaria sobre a importancia da Igualdade, a libertade das mulleres e a loita contra os prexuízos de xénero. E para o alumnado de 1º e 2º de ESO con máis énfase na identificación dos signos da Violencia de xénero, o control, o abuso e características das relacións tóxicas.

Un taller didáctico para o alumando de 3º e 4º de ESO "Pola igualdade de xénero" impartidos por Candela Fraga e Sandra García, Enfermeiras de Familia e da comunidade, quenes de forma entretida e amena fixeron reflexionar ao alumnado a través do roll playing, videos, curtas e cancións sobre os estereotipos de xénero, o mito do amor romántico e a violencia de xénero ainda presentes na nosa sociedade.

Asemande, quixeron compartir con nós estes interesantes recursos cos que o alumnado poderá seguir reflexionando dende as horas de titorías no centro, e dende as súas casas, sobre a necesidade da eliminación da violencia contra a muller.

Moitas grazas polo voso traballo! Xuntas faise comunidade!

E como actividade final, o venres 24 o alumnado da ESO realizou un mural obituario cos nomes e a historia das mulleres asasinadas no que vai de ano.

O alumnado de 5º e 6º de primaria recibiu unha charla este luns sobre Seguridade Vial a cargo de Daniel Prada, ponete e colaborador da asociación AESLEME de Galicia (Asociación para o Estudio da Lesión Medular), quen lles transmitiu a importancia da prevención de accidentes como peatóns, usuarios de bicicletas e monopatín, normas básicas de seguridade e hábitos incorrectos que debemos evitar.  

O pasado mécores tivo lugar a primeira sesión da escola de nais e pais Barallando Xunt@s deste curso. Recibimos información e consellos moi importantes sobre a promoción do uso responsable do móbil en familia, da man de Lorena e María de Alar Galicia.

Tal e como vos prometemos na sesión déixovos aquí uns interesantes enlaces sobre ferramentas para o control parental:

• Ferramentas para o control parental (INCIBE) Instituto Nacional de Ciberseguridade: guía, apps para redes sociais, control parental, bloqueo de compras en línea, límites de uso de tempo.
• Family Link: app de Google que permite coñecer cánto tempo se emprega o dispositivo, configuración da privacidade, ubicación... 

Vémonos na vindeira xuntanza cara finais do mes de novembro cunha actividade en familia (pais/nais e fillas/os) da que máis adiante vos daremos detalle.

O próximo mércores 18 ás 17:30h comeza a Escola de Pais e Nais deste curso cunha interesantísima charla sobre o Uso responsable dos teléfonos móbiles na rapazada que desenvolverá a asociación Alar Galicia. Abordaranse estratexias útiles para a súa xestión na familia, detección de posibles condutas aditivas e o manexo ante as mesmas.

Non volo perdades!!!

Lembrade que, un ano mais disporemos de servizo de gardería na biblioteca para as vosas fillas e fillos mentres dura a charla.

Mencionar tamén que o centro estableceu un convenio coa asociación Alar a través do Programa Morpheo, e que aquelas familias que detecten condutas de risco aditivo ao móbil en fillos ou fillas maiores de 12 anos, poderán solicitar intervención psicolóxica individualizada e gratuita na asociación. A solicitude poderase realizar a través da mediación do centro ou directamente na asociación Alar.

E por último, coa finalidade de axustarnos o máximo posible aos vosos intereses este curso, podedes cubrir esta breve enquisa, e seleccionar en menos dun minuto e de xeito anónimo as actividades e temáticas que vos interesa que abordemos. Faremos todo o posible por levalas a cabo.

Agardámosvos o vindeiro mércores!

Esta tarde na escola de nais e pais aprendemos sobre alimentación saudable da man da Nutricionista e divulgadora Ángeles Novo.

Ao longo da charla, trasladounos a importancia de aprender a comer en familia e construír hábitos sostibles no tempo xa dende a infancia, coidando o que comemos e valorando o aporte nutricional de froitas, verduras e legumes. 

Desmontou algún dos grandes mitos e concepcións erróneas que temos sobre a idea de alimentos saudables, como por exemplo o engano dos produtos "cero, cero", "sen azucres engadidos", "desnatados" e "desgrasados" entre outros.

No canto, ensinounos como diferenciar un alimento saudable do que non o é a través do o seu etiquetado para saber realmente o que estamos a escoller.

Dentro de toda a información que podemos atopar na etiqueta, a máis importante é a lista de ingredientes. Lonxe da realidade, o importante non é a táboa nutricional de kcal, ou graxas, e debemos ter coidado á hora de deixarnos levar pola publicidade ou as estratexias comenciais.

Sen dúbida unha charla moi instrutiva coa que puidemos dar un paso máis cara a alimentación saudable en familia.

Moitas grazas Ángeles! Moitas grazas familias! 

Hoxe, no marco do Programa de Orientación Académico e Vocacional, Miguel e Bea -antigos alumnos do centro- visitaron ao alumnado de 4º de ESO para compartir a súa experiencia académica e profesional destes últimos anos.

De xeito natural e cercano, conversaron co noso alumnado sobre as dificultades e as oportunidades que lles agardan nas vindeiras etapas, consellos prácticos para afrontar os estudos de Bacharelato e de Grao, e a realidade actual do mundo laboral. 

Esta semana o foco de interese centrábase nos estudos superiores de Grao, e o vindeiro luns poderemos desfrutar da visita de antigos alumnos e alumnas que se formaron na Formación Profesional, e que actualmente traballan na contorna próxima ou continúan os seus estudos.

Moitas grazas Miguel e Bea por compartir o voso tempo e enerxía con nós! Sen dúbida, unha visita alentadora para o alumnado.

A CONSELLERÍA DE CULTURA, EDUCACIÓN, FORMACIÓN PROFESIONAL E UNIVERSIDADES anima a toda a comunidade educativa a cubrir unha enquisa sobre convivencia escolar. Pódese acceder desde este enlace (aquí, a aplicación ha pedirnos a clave que se enviou desde o centro).

O prazo para cubrila remata o 22 de maio. Para máis información sobre esta iniciativa pinche aquí.

Esta tarde o alumnado de 3º e 4º de ESO recibiu unha charla informativa a cargo de Francisco Javier López, un dos promotores e coordinadores durante anos do Proxecto "A Ponte" da Universidade de Santiago de Compostela en Lugo. Este programa trata de dar a coñecer os estudos de grao (acceso, estructura, bolsas ao estudo), e ademais ofrecer información sobre o contexto investigador, social e cultural do noso Campus.

O alumnado de 1º e 2º da ESO recibiu hoxe a segunda sesión formativa do programa Apúntome a non beber pertencente ao Plan Proxecta, e que impartiu novamente o médico Ángel Usero.

Inicialmente lembraron entre todas e todos qué é unha adicción, e os problemas e as contradiccións que o consumo de alcol conleva na nosa sociedade. Aspectos que tamén estiveron a traballar previamente nas sesións de titoría da man dos seus titores.

Na xornada de hoxe, abordáronse as estratexias que emprega a publicidade para promover o consumo de alcol, e a importancia de estar advertidos de cómo empregan valores positivos ou vinculados ao éxito ou ao deporte, para asocialos ás bebidas alcólicas e relativizar o seu consumo.

Finalmente, Ángel Usero deulles pautas sobre como desenvolver o proxecto final de aula, no que deberán deseñar baixo soporte libre -cartel, radio, web...- unha campaña contrapublicitaria sobre as bebidas alcólicas ou enerxéticas.

Tódolos centros participantes da comunidade poderán optar a un premio á mellor CAMPAÑA DE CONTRAPUBLICIDADE que consistirá nun día no parque acuático de Cerceda.

Mans á obra rapazada!! Ese premio pode ser voso!!

E a finais do mes de maio, Ángel Usero impartirá unha charla específica para familias na que se abordará a prevención do consumo de alcol en adolescentes e doutros consumos de risco vinculados ao alcol. Avisarémosvos cando esté fixada unha data.