Alumando de 3º da ESO continuou estas semanas a traballar no programa Quérote +.

Desta volta abordaron xunto co profesor de lingua castelá Santiago López Crespo nas clases de Valores Éticos, as problemáticas e contradicións nas que deriva o mito do amor romántico.

Primeiro visionaron a película Te doy mis ojos de Icíar Bollaín, onde a protagonista ten dificultades para saír dun matrimonio anclado nunha relación tóxica que deriva en violencia de xénero.

Logo achegáronse aos efectos do maltrato e das condutas de control e violencia a través dos ollos de Julien, o neno protagonista da película Custodia Compartida, do francés Xavier Legrand, na que o medo do menor é instrumentalizado para facer máis dano e, o emprego sutil da violencia psicolóxica constrúe unha tensión intrafamiliar que leva ao peor.

Finalmente viron a serie de 5 curtametraxes “Encuentra el  Verdadero Amor” creados pola Asociaciación de Mujeres Cineastas y de Medios Audiovisuales,  que permite traballar os sinais de advertencia ante o maltrato que se dan na adolescencia e na xuventude.

Tras deliberar na clase sobre as mensaxes transmitidas por cada un dos filmes, cubriron un pequeno cuestionario co obxectivo de detectar condutas de alarma, sinais de advertencia de estar ante unha relación tóxica que pode conducir á violencia psicolóxica ou física.

Ao tempo, nas clases de tecnoloxía coa profesora Lola Corbeira, abordaron que é o sexting e o grooming, e as problemáticas que deles se derivan así como as razóns polas que é preciso evitalos e estar advertidos das súas consecuencias.

Velaí tedes os xabóns elaborados por vós na escola de nais e pais!!

Unha vez se produza o proceso de maduración e se regule o ph (aproximadamente 1 mes) poderedes levalos para casa.

Bo traballo familias!!!!

Hoxe o alumando de 4º de ESO recibiu unha charla por parte da orientadora sobre os estudos da formación profesional (estructura, familias profesionais, formas de aceso, becas...) e que as familias tamén podedes consultar.

Adiantámosvos que como tódolos anos realizarase unha saída prevista para o 23 de Febreiro co alumando de 3º e 4º de ESO a fin de coñecer este curso, a oferta formativa dos ciclos do SanXillao e da Escola de Arte Ramón Falcón.

Aquí vos deixo a guía de BAC actualiza deste curso, e que o alumnado de 4º ESO coñeceu onte. Nas próximas semanas falaremos da Formación Profesional

Esta semana na Escola de Nais e Pais Barallando Xunta@s, xuntámonos familias e profesoado para aprender a elaborar xabón coa axuda de Lola, a profe de tecnoloxía.

Primeiro falounos do programa do Plan Proxecta Fitofaladoiro, no que participa o alumnado do centro, e que ten por obxectivo que coñezan e recoñezan as plantas mais habituais da súa contorna, os nomes que se lles dan a nivel popular, e os seus usos. Desta forma ponse en valor o saber popular, xa que nenos e nenas irán recollendo información a través de entrevistas a familiares ou veciños.

A elaboración de xabón está moi relacionado con esta transmisión popular do saber das propiedades das plantas, de ahí o motivo desta proposta para a escola de nais e pais

Deseguido explicounos o proceso e as normas que deberiamos seguir para a elabaroción do xabón.

Unha vez coñecidos os pasos da receita e xa na aula de tecnoloxía, Lola explicounos como se fai hidrolato nunha alquitara, e as propiedades medicinais e aromáticas e que lle vai a aportar ao xabón.

As nenas e nenos asistentes encargáronse de facer o hidrolato, neste caso de romero, mentres pais e nais comezaban mans a obra a aplicarse coa receita do xabón.

E velaí o resultado! 

Entre todas e todos elaboramos estes xabóns de lavanda, nunha xornada de convivencia e aprendizaxe inesquecible!

Graciñas a todas e a todos por asistir!

Vémonos na próxima xuntanza!

O alumnado de 3º de ESO continuou traballando sobre educación sexual no marco do programa Quérote +. Desta volta, abordaron coa profesora de inglés Ángeles, a importancia da diversidade sexual, e idearon varios slogans e cartazos para a súa reivindicación.

O alumnado de 3º de ESO realizou este luns a segunda sesión do programa Quérote + 

Desta volta abordamos a sexualidade como un concepto integral, un continuo na vida das persoas que abarca non só o sexo biolóxico ou a erótica, senón tamén a afectividade e a identidade. 

Aprendemos xuntas a través do traballo colaborativo, primeiro en parellas e en pequenos grupos despois, partindo dun torbellino de ideas individual inicial. E para rematar visionamos unha simpática curtametraxe (The Gift) para a reflexión.

Fantástica xornada de aprendizaxe e convivencia!

Onte á tarde máis de 50 persoas puidemos desfrutar en comunidade, familas, profesorado e persoal non docente, dunha estimulante actividade de ECOPERCUSIÓN na que da man dos percusionistas Didier Díaz e Eduardo Ponce aprendemos nocións básicas sobre cómo tocar a batería, a caixa e o tambor empregando materiais de refugallo.

Mirade que ben o pasamos, e todo o que aprendemos:

Como eramos máis de 50 persoas tivemos que dividirnos en dous grupos:

Hoxe, o alumado de 3º de Primaria ata 4º de ESO continuará con esta actividade formativa, na que para finalizar tocarán xuntos como se fosen unha banda. 

Nesta ocasión, na escola de nais e pais, quixemos poñer en valor a importancia de pasar máis tempo en familia de xeito educativo e lúdico, lonxe das pantallas e do ocio de consumo, desfrutar de compartir e de construir redes en comunidade, de ahí que hoxe abríramos o noso pequeno círculo formativo ao resto da comunidade educativa, profesorado e persoal non docente. 

Grazas a todas e todos. Agardámosvos no seguinte encontro en xaneiro.   

O alumnado de 3º da ESO participa este curso no Programa Quérote + de educación afectivo sexual pertencente ao Plan Proxecta.

Este luns coñeceron da man da orientadora os  obxectivos, contidos e finalidade deste programa que se  desenvolverá ao longo de todo o curso de forma transversal a través de diferentes materias dende as que se abordarán, entre outros contidos, a diferencia entre identidade e orientación sexual, as influenzas negativas da idea do amor romántico e das redes sociais na construcción da identidade sexual, así como a prevención de enfermidades de transmisión sexual.

A súa finalidade é que mozos e mozas aprendan a coñecerse, a aceptarse e a vivir a súa sexualidade dun xeito positivo e satisfactorio.

Tamén coñeceron a ubicación en Lugo do centro Quérote, onde poden  solicitar asesoramento afectivo sexual presencial ou consultar dúbidas a través das canles de wasap, telegram ou en liña a través da súa web. 

Familias, velaí tedes unha presentación do Programa.

As Unidades didácticas que vaiamos desenvolvendo iranse aloxando na Aula Virutal, e o alumnado poderá  acceder a elas en calquera momento.

Ao rematar o curso, o grupo de 3º compartirá o aprendido co alumnado de 2º de ESO, xa que na adolescencia o grupo de iguais con maior idade, adoitan ter unha maior influencia no espazo de relación, polo que se converten, moitas veces, en referentes e exemplos dos que gostan seguir.

 Aquí tedes un enlace con máis información sobre este programa pertencente ao Plan Proxecta