Que presente e que futuro queremos?

Como podemos axudarnos os diferentes axentes educativos implicados no desenvolvemento das nenas e nenos?

Cómo xestionamos entre todas e todos os conflictos?

Como os convertemos nunha oportunidade de aprendizaxe? 

Velaí so algunha das interesantes preguntas e refexións que se abordaron onte na Escola de pais e nais Barallando Xunt@s, e á que asistiron tamén docentes do centro. 

Unha sesión distendida e intensa na que, da man de Nélida Zaitegi, os participantes puidemos compartir pareceres sobre o futuro cara o que queremos vote andar a nosa escola, e comezamos a poñer en práctica a intelixencia colectiva, a colaboración e a corresponsabilidade na crianza e educación dos pícaros.  

Moitas grazas a todas por vir e compartir! E graciñas Nélida, por impulsar en nós oportunidades para a aprendizaxe!

E para quen non puidéstes asistir aquí vos queda un resume dos contidos abordados

Vémonos no próximo encontro! 

O martes continuaron as charlas do Plan Director para a Convivencia e a Seguridade que tiñamos programadas para este curso.

Desta volta Ramón Peña falou co alumnado de 5º e 6º de EP sobre os Riscos de Internet, os usos adecuados e inadecuados que se fan das novas tecnoloxías, especialmente nos programas de mensaxería (tipo Whatsapp), explicou as normas básicas de autoprotección e prevención, identificación de perigos na rede e consellos que deben terse presentes como usuarios de redes sociais.

Con 1º e 2º de ESO, abordáronse contidos similares sobre Ciberseguridade, pero profundizando mais nos problemas e delitos vinculados coa suplantación de identidade, difusión de datos pesoais, estafas e importancia da configuración axeitada dos terminais móbiles en relación á protección do usuario. 

E finalmente, tamén con 1º e 2º abordouse estensamente a problemática da Adicción aos videoxogos na adolescencia, como identificar a diferencia entre uso e abuso, os modelos de negocio da industria do videoxogo (Freemiun) e como e onde pedir axuda.

O vindeiro martes 21 de marzo ás 17.30 horas teremos o privilexio de ter con nós en Barallando xunt@s, a Nélida Zaitegi, recoñecida mestra e pedagoga promotora da convivencia positiva nos centros, a coeducación e a igualdade.

A súa extensa traxectoria profesional (docencia, formación docente, dirección de centros, inspectora, Presidenta do Consello Escolar de Euscadi, autora de numeros libros sobre convivencia e avaliación, vicepresidenta da asociación CONVIVES...) a converte nun referente estatal sobre Convivencia e Educación, e ainda que actualmente está xubilada, segue a compartir con familias e docentes a inquedanza pola construcción de comunidades educativas fortes, dispostas a afrontar os retos da sociedade actual.

Falará con nós sobre a ética dos coidados e a creacion de redes de axuda familiar.

Non volo podedes perder! Vémonos! 

Descarga aquí a imaxe se non podes vela correctamente

Máis info sobre Nélida Zaitegi:

Vídeo "Educación para a convivencia e a resolución de conflitos". BBVA Aprendemos juntos

Traxectoria profesional e obras

Hoxe estivo con nós Héctor, un dos responsables do Plan Director de Convivencia Escolar, quen realizou tres charlas diferentes co alumnado do centro:

En 5º e 6º de primaria falaron do Acoso Escolar, e da importancia de aprender a resolver os conflitos dende actitudes positivas e valentes, non permitindo discriminacións de ningún tipo na nosa presenza e modificando actitudes e comportamentos que non axudan a construir a convivencia.

En 3º e 4º de ESO a charla abordou os Delitos de odio, e permitiu que o alumnado reflexionara sobre as consecuencias das actitudes homófobas e a xenofobia, e como en moitas ocasións se camuflan baixo  bromas ou desprecios cara ás minorías.

A última das charlas que recibiron ambos grupos da ESO foi sobre as adiccións sen substancia e en concreto sobre as apostas deportivas e online, unha práctica cada vez mais extendida entre a xuventude e á que non lle están a dar a gravidade real que conleva.

Para aquelas familias que non puidéstedes asistir hoxe á Escola de Nais e Pais, velaí tedes un resumo da temática de hoxe.

Lembrade que a finais de mes teremos a sorte de ter con nosco a Nélida Zaitegi, actual Presidenta do Consello Escolar de Euskadi e que nos virá a falar sobre a ética dos coidados e a creación de redes de axuda familiar.

Agardámosvos novamente o martes 21 de marzo!!!

O vindeiro mércores 1 de marzo teremos outra sesión da escola de nais e pais. Desta volta falaremos sobre o papel da familia na orientación vocacional da rapazada. Abordaremos o tema dende tódalas idades e etapas educativas, xa que o proxecto de vida é un proceso continuo que non debemos limitar só aos momentos importantes e puntuais de toma de decisións académicas ou profesionais.

Falaremos de cómo potenciar habilidades e capacidades na etapa infantil. Cómo estar atentos na infancia a intereses e preferencias que amosen os pícaros. E cómo apoialos e acompañalos no momento de incertidume e toma de decisión da adolescencia.

No terceiro trimestre realizaremos unha charla específica sobre o cambio de etapa para as familias de 6º de EP e outra sobre as opcións despois da ESO para as familias de 4º de ESO.

Animádevos a participar e compartir as vosas inquedanzas e opinións!

Calendario Escola de Pais e nais curso 22-23 de Noa Varela 

QUE BACHARELATO ESCOLLO?

Hoxe abordamos co alumando de 4º da ESO os aspectos a ter en conta á hora de escoller unha das catro modalidades posibles de BAC.

Nesta guía de BAC atoparedes familias e alumnado as claves básicas necesarias para non perdervos á hora de tomar unha decisión.

E lembrade, a escolla que fagades agora é importante, pero non é irreversible!! O sistema educativo ofrece diferentes vías e opcións para chegar á vosa meta.

E se todavía tedes dúbidas lembrade que podes pasar por Orientación os luns e os mércores no recreo, ou concertar unha cita previa se queredes vir coas vosas familias.

Do 1 ao 20 de marzo, o alumando que desexe continuar estudos no BAC deberá realizar a reserva de praza. E cando formalicedes a matrícula en xuño, será o momento de realizar a escolla de modalidade e materias.

Iremos informándovos dende o centro.

E se precisades seguir explorando un pouco mais os vosos intereses e aficións, aqui vos queda un enlace a unha páxina interactiva con 6 test de orientación vocacional para realizar dende a casa

Un ano máis o alumnado de 4º da ESO recibirá ao longo do segundo trimestre varias charlas sobre a orientación vocacional, con información específica sobre as diferentes opcións que teñen ao acadar o título (Bacharelato ou Ciclos formativos de Grado Medio).

Está previsto que o día 2 de marzo realicemos unha saída a Lugo para visitar os CIFPs Politécnico e As Mercedes, así coma o IES Muralla Romana, onde 3º e 4º ESO poderán visitar talleres e módulos, dos diferentes ciclos formativos de grado medio e superior.

E para aquel alumnado que oriente a súa formación cara o BAC e os estudos de Grao, realizarase unha charla sobre a Universidade o 19 de Abril da man dos responsables do Programa A Ponte da USC

Hoxe falamos da estrutura da Formación Profesional, organización, accesos, saídas laborais, opcións segundo a zona, test específicos que poden realizar se aínda teñen dúbidas...

Deixámosvos aquí a guía de FP para que a consultedes en familia.

A vindeira semana abordaremos o Bacharelato, e tamén vos deixaremos unha pequena guía explicativa.

Lembrade que no terceiro trimestre teremos, como tódolos anos, unha charla específica para as familias de 4º de ESO onde se explican os diferentes itinerarios, materias de BAC e características específicas dos ciclos.

Onte á tarde xuntámonos unha vez mais na Escola de pais e nais Barallando Xunt@s.

Desta vez abordouse a temática "Os riscos de internet" da man de Ramón Peña, o coordinador e responsable do Plan Director para a Convivencia na provincia de Lugo, quen nos falou dos perigos ós que estamos expostos como usuarios da rede, e especialmente aos que afectan ás nosas fillas e fillos.

Ramón incidiu na importancia de coñecer as webs, xogos ou Apps que adoitan a empregar, ensinándonos estratexias e ferramentas básicas de ciberseguridade útiles como usuarios da rede. Recomendou entre outras, o emprego de webs oficiais como a do INCIVE para consultas ou dúbidas e a App da Garda Civil AlertCops para recforzar a seguridade.

Sen dúbida unha chea de consellos importantes para poder acompañar responsablemente á rapazada no mundo dixital.

Moitas grazas a todas e todos por asistir unha vez mais!

Vémonos novamente en febreiro para falar do papel da familia na orientación vocacional das nosas crianzas!