O alumnado plasmou a súa creatividade nas sesións de Plástica creando os animais que no noso monte habitan.

Menudos artistas!!!!

Tepo e Tepa fixeron un encargo a todo o alumnado do cole de Rebordáns.

Sabedores da importancia do coidado do medio ambiente, tiñan que realizar uns vídeos con pequenos consellos relacionados co noso proxecto de centro...

Tepomisión: protexamos os nosos montes.

Os bosques son os pulmóns da Terra pois producen o oxíseno que se atopa no aire e que nós precisamos para poder respirar.

Os bosques sanos limpan o aire e regulan o clima do noso planeta.

A Voz do Aloia lémbranos:

Ás árbores coidan de nós, coida ti tamén delas.

Este é o consello dos alumnos e alumnas de sexto de primaria. Aquí tedes o seu vídeo!

Paola Guimeráns viu de visita á Tepoteca para estar un ratiño con nós.

Realizou obradoiros sobre as posibilidades que dan os e-textiles, fomentando así o desenvolvemento da competencia computacional e as competencias STEAM.

O alumnado de terceiro e cuarto de primaria traballou o patrimonio e a fauna do Monte Aloia na creacións de posters interactivos programando con Scratch. Logo aproveitaron os mandos creados para xogar ao Mario Bros.

Os maiores aprenderon sobre as prendas intelixentes. Con fíos que conducen electricidade pódense facer moitos tipos de circuítos para incorporar a nosa roupa e que nos axuden, chamando á Emerxencias, por exemplo.

Trala explicación, fixeron un pequeno circuíto para iluminar o nome dun animal típico do monte Aloia. Que dominio da agulla tiñan!

Para finalizar, coas placas micro-bit realizaron programacións co Make Code.

Que ben o pasamos! Desexando seguir aprendendo con estes recursos que fusionan a tecnoloxía coa educación artística!

Grazas, Paola, por acompañarnos nesta viaxe!

Para fomentar o coidado e protección dos nosos montes, o alumnado do cole traballa diferentes temáticas relacionadas co noso proxecto, podedes ver portas e paredes dos corredores con mensaxes e carteis para concienciar o respecto á natureza.

 Na Tepoteca, recibimos a Donde viven los cuentos para realizar con nós uns fantásticos obradoiros sobre mulleres que destacaron en diferentes campos do coñecemento.

Os peques do cole gozaron coñecendo á escultora Soledad Penalta e á pintora Maruja Mallo. Fixemos as nosas propias obras de arte, e Tepo e Tepa estiveron moi atentos tamén.

O alumnado do segundo e terceiro ciclo realizaron tamén un obradoiro de ciencia e coñeceron mulleres destacadas nos ámbitos de bioloxía, ocenaografía e astronomía. 

Ola familias!

Dentro do Programa de Formación do profesorado (PFPP) este ano estamos a traballar, entre outras cousas, coa protección dos datos persoais.

Nesta formación descubrimos este vídeo da Axencia Española de Protección de datos, que nos pareceu moi interesante de cara ao uso do móbil en idades temperás.

Adxuntamos a guía en pdf como documento adxunto.

Pinchade na imaxe para ver o vídeo

O alumnado de 3º de Primaria ven de facer unha actividade de OBSERVACIÓN, deste xeito, poderá coñecer cánto tarda en xermolar unha semente e ver o proceso de crecemento da mesma.

Estan feitos un expertos!!!

Ola familias!

Un dos obxectivos do traballo STEAM é abrir horizontes nas mentes dos nenos e nenas de cara a futuro. Conseguir "meterlles o gusaniño" e que entre as súas opcións de estudos superiores aparezan profesións relacionadas coas ciencias, as matemáticas, as artes, a enxeñería, a robótica ou a informática.

Non sei si o conseguiríamos nesta ocasión co alumnado de sexto. O que si que é seguro é que ao longo destas 5 semanas, montaron robots e os programaron, venceron dificultades, resolveron problemas, mediron e co seu esforzo, conseguiron metas alcanzables.

E dito sexa de paso. tamén disfrutaron!

Adiante vídeo

Grazas a Voz Natura e á colaboración da Asociación Muíños do Tripes e Discamino puidemos gozar dunha preciosa ruta pola contorna do Monte Aloia.

Aproveitamos para ir recollendo o lixo que atopabamos no camiño e así colaborar a manter limpo o noso monte.

Observamos animais que habitan neste parque natural como pequenos morcegos que durmían dentro dos muíños, zapateiros que nos indican a limpeza das augas que pola senda transcorren e ata unha serpe bebé!!!

Podedes ver no seguinte video o ben que o pasamos!!!  

Hoxe é o día da árbore, un día moi importante para o noso centro xa que a nosa Tepomisión é precisamente "o coidado dos nosos montes".

Levamos semanas traballando a figura de Wangari, unha mulller referente para nós, xa que grazas a ela, o seu pobo natal, en Kenia, volve a ter árbores onde antes soamente había deforestación.

No cole fixemos a nosa pequena aportación cultivando sementes.