As nenas e nenos de sexto vanse meter de cheo no mundo da robótica. Probarán dous modelos: o Mbot e o MiiBot. Despois de construilo terán que programalo. O traballo levará varias sesións e vos iremos contando paso a paso. Polo momento...aula de Steam preparada para comezar mañá.

CONTINUARÁ...

Tepo e Tepa sorprendéronnos unha vez máis cunha interesantísima visita. 

O educador ambiental, Marcos Guiadanes, enriquecía o noso proxecto de centro cunha charla sobre o Bosque Atlántico.

Explicounos a importancia que teñen as árbores autóctonas no equilibrio ecolóxico, para a fauna e especialmente para as aves; coñecemos as especies forestais foráneas máis daniñas para o equilibrio ecolóxico e recoñecemos as vinte e cinco especies arbóreas autóctonas da nosa contorna.

Nós estivemos encantados e encantadas!

Por un bosque de coñecemento!

Xa que temos colocadas as casiñas para os paxariños, o alumnado de 5º de Primaria animouse a crear uns HAIKUS, poesías de orixe xaponés, que nesta ocasión, teñen temática relacionada coas aves.

Esta semana tivemos unha visita moi especial, a de Antía, Óscar, Laura e Nacho. Quedamos alucinados con todo o que poden facer a pesar de estar en cadeira de rodas e, no caso de Óscar, non poder falar, aínda que sí pode comunicarse grazas aos medios tecnolóxicos.

Unha gran lección de superación a que mostraron.

MOITAS GRAZAS POLA VOSA VISITA!!!

Ademais da visita, levamos varias semanas traballando esta data tan significativa para nós.

Aquí tedes algúns dos resultados:

O alumnado de 3º e 4º de primaria estiveron compoñendo este cartel formado por moitas volvoretas, todas diferentes, pero todas elas voando.

DIFERENTES NO VOO, PERO CO MESMO DEREITO A VOAR

Tamén na área de Educación Física se traballou o respecto á diferenza e o traballo en equipo.

NO DEPORTE ENCAIXAMOS TODOS

E como todo o que se traballa no centro, o eixe central sempre é a nosa biblioteca, polo que tamén houbo unha exposición con contos para ler e traballar sobre a diversidade funcional.

 "A DIFERENZA ENRIQUECE E O RESPECTO UNE"

No noso cole quixemos festexar esta data tan importante para nós, nesta ocasión foi o alumnado de 2º de primaria quenes, coas súas mensaxes de concienciación, quixeron aportar o seu gran de area para conseguir a nosa misión para este curso:

PROTEXER OS NOSOS MONTES

Clicade no adxunto para poder ver as mensaxes.

Hoxe, martes 24 de outubro, celebramos o Día das Bibliotecas. 

Tepo e Tepa tiñan preparado para o todo alumnado unha sorpresiña!

Iniciabamos o novo proxecto!

A continuación tedes unha mostra en imaxes de todo o que fixemos.

Comeza a nosa misión!

Ola, familias!

Tanta ilusión lles fixo o tema dos imáns que pensamos...que mellor que acabar os Polos Creativos facendo con el@s un imán para a neveira coa máquina de chapas.

E así o fixemos! Atent@s a Emma que nos mostra no vídeo o procedemento a seguir coa máquina.

Continuará...

Ola, familias!

Sen dúbida o exitazo deste ano cos pequech@s do cole foi: as forzas de atraccións e os imáns.

Falamos de porqué ainda que a terra é redonda, non caemos. Pola forza da gravidade!

Así que fixemos de astronautas, porque alí arriba non hai gravidade e flotan. Pinchade para ver o vídeo:

A cousa non quedou aí. A profe Rocío mostrounos un imán e tivemos que experimentar a ver que pasaba con él. As súas caras de sorpresa e descubrimento son fantásticas

Estas científic@s prometen...

Ola, familias!

Algúns pensaredes que iso dos Polos Creativos so é cousa de maiores. Pois non. Os nenos e nenas de 3 e 4 anos demostraron científicamente que, non só poden facer Polos Creativos senón que os gozan a tope!

Aquí van algunhas fotos das primeiras sesións con el@s:

Recibimos o carné de explorador@s para as nosas misións. Puxémoslle o nome con moitas ganas de pegar todas esas xemas preciosas!

Aprendemos a orientarnos espacialmente seguindo flechas, arriba, abaixo, dereita, esquerda...Xa conseguimos a primeira misión!

  Grazas ao aprendido guíamos aos scornabots a cada un das personaxes de Ruby e os seus amigos.

E máis fotos doutras cousiñas que fixemos...

Continuará...