Ola, familias

E continuando coa nosa semana culturas das Letras Galegas, unha mostra da música que se fai aquí en Rebordáns. Non perdades detalle. Pinchade na foto para ver o vídeo.

CONTINUARÁ...

A semana cultural das Letras Galegas quedaría incompleta sen os nosos bailes tradicionais. A profe Nerea e o profe Manel, que son moi atrevidos, decidiron montar esta coreografía con todo o alumando do colexio. O resultado...maravilloso! Pinchade no vídeo para disfrutar deste momentazo!

Ola, familias.

Durante esta xornada enmarcada dentro da Semana cultural das Letras galegas, a protagonista foi a poesía e os vosos fillos e fillas, claro. Tamén coñecemos algo da vida do homenaxeado deste ano: Francisco Fernández del Riego. Non perdades detalle. Pinchade no vídeo:

O Entroido deste ano foi "de cine". Non só porque os disfraces foron en sintonía total co noso proxecto de centro senón porque despois dalgúns anos recuperamos a tradición do pasarrúas pola parroquia de Rebordáns. 

Compartimos a nosa ledicia e ganas de troula coas familias que nos acompañaron. Tamén os veciños e veciñas saíron á rúa a festexar con nós.

Pinchade na imaxe para ver o vídeo:

Ola a todos e todas!

Tepo e Tepa levan toda a semana moi interesados en saber por que hoxe se celebra o Día da Paz. As súas pesquisas deron froito e compartiron dita información no corredor do colexio para que tod@s estivésemos ao corrente.

Os pequechos e pequechas de infantil puxeron todo o entusiasmo para facer este fantástico mural da paz.

Hoxe homenaxeamos a personaxes como Malala Yusafzai, Ann Muzunchuck, Kailash Sathyarthi, Martin Luther King, Nelson Mandela ou Rigoberta Menchú. Que non sabedes quen son? Pinchade na foto.

O alumnado de Primaria de Rebordáns cóntavolo a través dos vídeos.

REBORDÁNS, CÁMARAS E...ACCIÓN!

O pasado 25 de novembro, conmemoramos o Día internacional contra a violencia ás mulleres con diferentes actividades, nas que participamos todas e todos con moita ilusión e convencemento. Para ver unha mostra do que fixemos, pinchade na foto para ver esta montaxe feita polo equipo de Extraescolares:

O pasado día 11 de novembro, pasamos un Día do San Martiño moi entrañable coa celebración do MAGOSTO.

Tivemos música, da man das nosas pandereteiras do cole. Tamén gozamos dunhas riquisímas castañas asadas, grazas á colaboración da AMPA. E por último unhas xornada de xogos populares, organizados con moita ilusión pola profe Coral e o equipo de extraescolares, nos que misturados por cursos gozamos ata o último minuto.

Pinchade na imaxe para ver a galería de fotos.

Ola familias!

Como todos os anos, o Samaín chegou ao cole de Rebordáns. Entre cabazas, tradicións, medo e lecturas ás escuras gozamos con esta celebración. Coma sempre, un agradecemento especial ás familias pola vosa implicación na exposición de cabazas. Menudas maravillas!

Pois pinchade na foto para acceder á galería e disfrutar con nós.

A celebración do Día das Letras Galegas adquire o seu lado máis ambiental ao coincidir precisamente coa conmemoración do Día Internacional da Reciclaxe.

Separar para reciclar, separar para dar unha nova vida, un xesto sinxelo pero de incuestionable valor e utilidade para todos. Porque contribuír á reciclaxe significa contribuír a edificar un mundo mellor, unha tarefa na que as verbas adquiren todo o seu esplendor cando van acompañadas por obras e feitos.

O 26 de xaneiro se celebra o Día Mundial da Educación Ambiental, que ten como obxectivo identificar a problemática ambiental tanto a nivel global como  local, e concienciar da necesidade de conservar e protexer o medio natural.

Na práctica, a educación ambiental é un proceso participativo, que busca espertar na poboación unha conciencia que lle permita identificarse coa problemática ambiental .

Non hai que esquecer que a educación ambiental máis aló de estar só na esfera gobernamental, parte desde as pequenas accións que podemos realizar a diario nos noso fogares, e do que podamos ensinar aos máis pequenos tendo en conta que só temos un planeta, e que si non o coidamos quizá non haxa un futuro para as próximas xeracións.