Ola, familias!

Por fin chegou o momento de ver o resultado final do traballo realizado ao longo do curso, polo alumnado de 6º.

Iniciamos cunha festa de fin de rodaxe no que compartimos unhas pizzas e moitas risas. O broche de fin de festa foi o visionado en primicia do documental.

Onte, na graduación compartimos o documental con toda a comunidade educativa. Moi orgullos@s dos nosos cineastas!

Pinchade na imaxe para ver esta produción cinematográfica.

O alumnado de 6º xa está con derradeiros retallos da súa creación cinematográfica. Esteredes comigo en que estamos desexando vela. Xa queda menos, un pouquichiño de paciencia.

Continuará...

Ola, familias.

En plena rodaxe coa aula de 6º vén á nosa memoria a gravación que fixemos hai uns meses co grupo de 5º do vídeo promo do noso colexio.

Mirando ás fotos que fixemos cremos que paga a pena mostrar o que ocorría por detrás, "entre bambalinas"

Porque na viaxe, non só é importante chegar, senón gozar co percorrido. E só hai que ver as fotos para decatarse que eles e elas o gozaron.

Organización da rodaxe:

 Gravando as esceas con croma

 Descansando un pouco...

 As profes orgullosas do traballo do alumnado

 Dentro vídeo!

CONTINUARÁ...

Durante a semana de conmemoracións do Día do libro, unha mensaxe apareceu nas clases. Esta mensaxe pertencía á película "El mago de Oz" e poñía... 

"seguide o camiño das baldosas amarelas..."

E así o fixemos!

Clicade no vídeo e mirade o que atopamos.

Ola, familias!

Despois dun trimestre de duro traballo para os de 6º: recompilar material, preparar storyboards e moito escribir e pensar...Por fin chegou o momento máis desexado: a rodaxe.

Aínda non vos podemos contar moito, porque é un pouco segredo. Pero hoxe en Polos Creativos respirouse ilusión, motivación e ganas! Neste ambiente o resultado está case garantido!

O pasado venres, 31 de marzo, recibimos na Tepoteca o espectáculo da actriz Raquel Queizás, Cinema Marabillas.

Tepo e Tepa tiñan todo preparado para que o alumnado do Ceip de Rebordáns gozara vendo as primeiras adaptacións cinematográficas inspiradas nos contos.

E así descubrir que o cine e a literatura van moi unidos. 

Toda unha sesión chea de risas, historias, cine, maxia... encheu a nosa Tepoteca.

Un fantástico xeito de enriquecer o noso proxecto deste curso, Rebordáns, cámara...e acción! 

Tres das nosas artistas de quinto de primaria agasallaron a Raquel Queizás con unha das súas pequenas creacións. 

Graciñas por compartir o teu talento con nós!

Ata a próxima!

O Entroido deste ano foi "de cine". Non só porque os disfraces foron en sintonía total co noso proxecto de centro senón porque despois dalgúns anos recuperamos a tradición do pasarrúas pola parroquia de Rebordáns. 

Compartimos a nosa ledicia e ganas de troula coas familias que nos acompañaron. Tamén os veciños e veciñas saíron á rúa a festexar con nós.

Pinchade na imaxe para ver o vídeo:

O pasado 25 de novembro, conmemoramos o Día internacional contra a violencia ás mulleres con diferentes actividades, nas que participamos todas e todos con moita ilusión e convencemento. Para ver unha mostra do que fixemos, pinchade na foto para ver esta montaxe feita polo equipo de Extraescolares: