Tepoteca

Xa está aquí! Por fin comezou! O programa máis agardado...

VOLVE REBORRADIO!

Un curso máis, é hora de quitarlle o po aos micros e quentar a voz.

Mara, Vicky, Lucía V, Andrea, Simón, Lucía G, Lara e André, alumnas e alumnos de 6º de primaria, encargáronse de presentar e amenizar este primeiro programa, cheo de aniversarios, novas, celebracións... Ata nos puxeron en órbita!

Non o podedes perder!

Podedes escoitalo premendo na imaxe ou dende aquí.

Hoxe é 24 de outubro, día das bibliotecas escolares, e na Tepoteca quixemos festexalo co inicio do noso proxecto de centro para este curso.

Se queredes saber de que trata... ollade as imaxes!

 Iniciamos curso... con moitas novidades!

Achegádevos á Tepoteca para coñecelas. Aquí tedes un avance.

Na Tepoteca pechamos este curso 2023 - 2024 do xeito que máis nos gusta... escoitando historias.

Neste 21 de xuño, Manolo Solla encheunos de maxia e contos.

Non podiamos rematar mellor!

Volvemos o 11 de setembro.

E rematando xa o noso proxecto de centro, os nenos e nenas de 6º de infantil e as súas familias queren compartir con todos nós este fabuloso conto.

As aventuras no monte Aloia é unha historia compartida chea de ilusións, ilusións pola lectura e ilusións por compartir momentos en familia.

Grazas, familias, polas vosas achegas e a vosa implicación neste proxecto!

Parabéns a todos e todas!