blogue deAna

No día de hoxe o nutricionista do centro médico visitounos para dar un obradoiro sobre os almorzos saudables, debatimos en dúas sesións os alimentos que favorecían a nosa saúde e aqueles que debemos deixar para ocasións puntuais. Foi unha sesión moi interesante que puxemos en práctica ao día seguinte almorzando na escola.

O 3 de decembro é o Día Internacional das Persoas con Discapacidade con motivo deste día Inclubasket Coruña mostrounos as cadeiras de rodas que usan as persoas con algún tipo de discapacidade motora para xogar ao balonmán. Os nenos e as nenas puideron velas e preto e mesmo xogar nelas así como probar unha bicicleta adaptada.

No arquivo adxunto podedes ver as nosas fotos desta xornada.

O 20 de  novembro celebramos o Día Mundial dos nenos e das nenas.

Entre todos elaboramos un mural con maletas solidarias debuxando todas aquelas cousas que cremos que lles fan falta aos nenos que están sufrindo algunha situación desfavorable. Podedes ver como nos quedou nas imaxes adxuntas.

Co motivo do Día dos Mercados o alumnado de 1°, 2°, 3° e 4° de Primaria visitaron a feira de Curtis. 

Noelia, traballadora do concello de Curtis, fíxonos un percorrido polos postos do mercado visitando a zona de embutidos e froitas, a pulpeira, as naves dos animais e o espazo adicado ás plantas. 

Non podiamos finalizar a visita sen degustar os churros e ademais trouxemos algún agasallo de volta. 

Cada un conta a feira como lle foi nela pero nós fixemos boa feira!!!

No arquivo adxunto podedes ver un video a modo de resumo do ben que o pasamos.