Outras novas

O Departamento de Orientación facilita no ficheiro adxunto uns sinxelos, bos e prácticos consellos para todo alumnado que rematado 2º Bacharelato vai á proba de avaliación de bacharelato para o acceso á universidade (ABAU).

Debido ás circunstacias excepcionais derivadas do COVID-19, a excursión didáctica de 4º ESO queda anulada. O instituto está intentando xestionar coa axencia todo o referido á devolución das cantidades aportadas polo alumnado. A axencia ten que realizar unha serie de trámites á súa vez coa empresa maiorista contratada xa que o pago das reservas de albergue, actividades e viaxe xa foi realizado con anterioridade.

Xúntase o calendario de final de curso 2019/20 para 2º de BACHARELATO, convocatoria ordinaria. Inclúe datas de entrega de notas, prazos de revisión de exames e reclamacións de cualificacións e outras novas importantes.

Impreso para reclamación no ficheiro adxunto.

A Resolución do 24 de maio de 2020, da Dirección Xeral de Educación, Formación Profesional e Innovación Educativa, recolle as medidas para o desenvolvemento das probas de acceso a ciclos formativos de grao medio e de grao superior de Formación Profesional do sistema educativo.

As datas de celebración serán os días 10 (grao medio) e 11 (grao superior) de xuño. No enlace podes acceder a toda a información.

Segundo instrucións da Consellería de Educación publicadas hoxe venres,  a partir do luns 25 de maio reanúdanse as clases presenciais de 2º de bacharelato, sempre de forma voluntaria para o alumnado. Nestas clases realizarase resolución de dúbidas do traballo realizado durante o terceiro trimestre. Non son clases de preparación das probas ABAU

O luns 25 manterase o horario habitual de clases. O alumnado que acuda ao centro non poderá abandoalo ata o final da xornada (Normas de Organización e Funcionamento do centro).