Outras novas

O 17 de maio celebramos o día das nosas letras, que este ano está adicado a Ricardo Carvalho Calero (1910-1990), escritor, historiador da literatura, crítico literario, filólogo e lingüista.

A nosa biblioteca X. L. Méndez Ferrín quere rendirlle homenaxe coa presentación adxunta. Aproveita para coñecer un pouco máis sobre esta importante figura da nosa cultura, nos enlaces que atoparás máis abaixo:

Antoloxía

Todo o alumnado do IES Santa Irene, incluido o alumnado de adultos, ten á súa disposición un correo electrónico coa extensión @iessantairene.es que é o que preferentemente utiliza o profesorado para poñerse en contacto con eles.

O alumnado que non coñeza ese correo debe poñerse en contacto co centro a través do correo electrónico ies.santairene@edu.xunta.gal para que lle sexa facilitado, así como a clave de acceso á aula virtual.

A piques de comezar a terceira avaliación que alomenos nas primeiras semanas vai ser telemática, comunicamos que, con autorización da Consellería de Educación, poderanse prestar os ordenadores abalar a aquelas familias que non dispoñan de ordenador ou precisen de algunha unidade máis para varios fillos/as.

O préstamo farase polo tempo que dure o confinamento ou, como máximo, ata o 19 de xuño (remate das actividades lectivas, segundo Orde do 20 de xuño de 2019 pola que se aproba o calendario escolar).

Estamos a pasar un período difícil e con moitas incertezas. Publicamos un comunicado do Colexio de Psicólogos para a comunidade educativa con valiosas recomendacións.

A nosa orientadora e psicóloga Olegaria Mosqueda Bueno ofrécese para resolver dúbidas ou consultas que familias e/ou alumnado queirades plantexarlle. O seu correo é omosqueda@edu.xunta.gal

O centro permanecerá pechado desde o luns 16 de marzo. Atenderase por teléfono, en horario de 10 a 13 horas, e a través do correo electrónico ies.santairene@edu.xunta.gal. 

Durante estos días é importante que o alumnado continúe en contacto coas materias. Recomendamos traballo diario e que estedes atentos ao voso correo electrónico e ás aulas virtuais dos profesores e profesoras, porque neles atoparedes información, actividades de repaso e novas de interés.