Nun mundo cada vez máis dixital con vantaxes innegables, pero que tamén nos afasta dos vellos hábitos, o contacto coa biblioteca, co papel, co cheiro dos libros é algo que hai que fomentar ás novas xeracións. A urxencia da lectura e todos os beneficios inherentes a ela (desenvolvemento cognitivo, formación de xuízos críticos, aumento do vocabulario, mellora da capacidade de escritura) son a base deste “Club de lectura”.

Continúa lendo no blog de actividades complementarias e extraescolares.

 

Porque no Milladoiro:
 

Somos Diferentes... Somos Referentes!!!.

A biblioteca do IES do Milladoiro sumouse unha vez máis á conmemoración do Día das Bibliotecas, que desde 1997 se celebra o 24 de outubro, unha conmemoración impulsada pola “Asociación de Amigos del Libro Infantil y Juvenil” á que se foron sumando, xa dende hai algún tempo, o Ministerio de Cultura e todas as administracións autonómicas.

 O lema deste ano,"Por un futuro sostible", pretende destacar o papel fundamental que desempeñan todas as tipoloxías de bibliotecas (públicas, escolares, universitarias, especializadas e nacionais/rexionais) na consecución dos Obxectivos de Desenvolvemento Sostible da Axenda 2030.

A través das súas coleccións, servizos e actividades con usuarios, as bibliotecas contribúen a construír unha sociedade cada vez mellor informada, máis igualitaria, solidaria e xusta, plenamente consciente da necesidade de levar un modo de vida sostible como compromiso coas xeracións futuras.

Porque no Milladoiro:

O día das Escritoras é unha iniciativa organizada entre a Biblioteca Nacional de España, a Federación Española de Mulleres Directivas e Executivas profesionais e Empresariais (FFDEPE) e a Asociación Clásicas e Modernas, asociación para a igualdade de mulleres e homes na Cultura. Ademais, conta coa colaboración de Asociación Colexial de Escritores (ACE) e o Centro Español de Dereitos Reprográficos (CEDRO). Desde 2016 búscase reivindicar o labor e o legado das escritoras a través da historia.

A IX Edición celébrase este ano 2024 o 14 de outubro baixo o lema "A periferia da periferia: Mulleres que miraron ao mundo rural".

Co obxectivo de visibilizar a obra de escritoras, tanto galegas como doutras nacionalidades, leváronse a cabo na biblioteca do IES do Milladoiro varias lecturas en diferentes linguas a cargo do profesorado e do alumnado de diferentes niveis.

Le os pormenores no noso blogue.

Porque no Milladoiro:

Entre as actividades convocadas na Semana do libro foi entregado un premio concedido pola biblioteca do centro ás alumnas Andrea Bravo e Cristina Botana, así como ao alumno Martín Fandiño.

PAZ LINGÜÍSTICA

"Lela" de Castelao. Interpretación: María Iglesias (piano) e Dora Iglesias (frauta)

Actividades do Día Internacional da Non Violencia e a PAZ. Equipo de Dinamización da Lingua Galega. Biblioteca. Departamento de Música

1º recreo
Proxección e lectura de viñetas en homenaxe a Castelao.
Lectura dun manifesto pola paz.
Exposición de recortables realizados polos axudantes de biblioteca.

2º recreo
Interpretación de Lela de Castelao  a cargo de María Iglesias (voz e piano) e Dora Iglesias (frauta)
Cancións pola paz.

O equipo de biblioteca quere informar sobre a plataforma de lectura gratuita E-LBE-2.

No mes de xaneiro  levouse ao cabo un enriquecemento do catálogo con novos fondos en diversos formatos (Epub, audiolibros, podcasts...) e diferentes linguas.

Durante o segundo trimestre, comeza unha nova serie de webinars de formación básica para os usuarios, aberta ao profesorado e ao alumnado. Sería interesante acudir, cando menos, a  algunha das sesións segundo os seus horarios lectivos.

Estas breves formacións on-line poden resultar moi útiles para comezar a utilizar este recurso de lectura co que conta a nosa biblioteca escolar.

Para inscribirse:

https://cdn.odilo.es/mailings/k12/IM_calendario_calendario_ene_feb_mar_2023_Xunta_20230103_v2.pdf

Próxima formación: Mércores 1 de febreiro ás 17 horas

Achegamos toda a información  na seguinte ligazón:

Itinerario formativo E-LBE-2, 2º trimestre.

PROGRAMACIÓN BIBLIOTECA CURSO 2022/2023

ACTIVIDADES BIBLIOTECA. CURSO 2022/2023

Para festexar o Día das Bibliotecas Escolares o luns 24 de outubro o Director do IES do Milladoiro fixo entrega dos diplomas que recoñecen o labor do voluntariado do pasado curso na Biblioteca Escolar dentro do marco das convocatorias de Bibliotecas Solidarias e de Radio na biblio. Asistiron tamén algúns dos novos axudantes que se preparan para apoiar co seu traballo a nosa biblioteca durante este curso.

Na entrega de diplomas contamos coas interpretacións musicais dun alumno de 1º Bacharelato (Alejandro Buela)  ao piano e a colaboración do departamento de Música.

O club de lectura do IES do Milladoiro foi a Betanzos, ao encontro co ilustre escritor grego Theodor Kallifatides, candidato ao Premio Nobel, que asinou un exemplar do libro Madres e hijos para a biblioteca do centro.

O luns 25 de outubro celebrouse na biblioteca do noso centro o Día das bibliotecas. Durante o 2º recreo o Director fixo entrega dos diplomas de voluntariado aos axudantes que colaboraron no programa "Radio na biblio" durante o pasado curso. Foron presentados os novos axudantes e houbo actuacións musicais organizadas polo departamento de Música.

Enlace a máis información

Estimados pais e nais:

O orzamento extraordinario do PLAMBE para o curso 2021-2022 é de 1550 €, que se investirá na súa maior parte no reforzo de lecturas obrigatorias e voluntarias.

Este curso participamos en varias convocatorias: Clubs de lectura, Bibliotecas solidarias (axudantes de biblioteca), Radio na biblio, PLAMBE, etc.

Continuamos a colaboración coas bibliotecas da contorna para editar dúas guías de lecturas recomendadas de Nadal e de verán, que publicamos no blog http://iesmilladoirobiblioteca.blogspot.com/. Estamos en contacto coa biblioteca Ánxel Casal de Santiago e coa Biblioteca Municipal do Milladoiro e aproveitamos para recomendar que o alumnado faga o carné desta biblioteca porque así poderá acceder á plataforma GaliciaLe: https://www.galiciale.gal/

Funcionamento da biblioteca

O alumnado do centro terá acceso á utilización dos fondos de lectura, que se atopan na biblioteca.Levamos a cabo unha formación de usuarios para 1º de ESO.

O préstamo está xa en marcha e funcionará tanto de xeito on-line como tamén presencial. Poderase levar en empréstito ata 3 recursos (libros, CD ou DVD), que deberán ser devoltos nun prazo de 15 días. É moi importante o respecto dos prazos de devolución, así como o coidado dos libros para evitar a súa deterioración ou extravío.

Recordamos que aceptamos doazóns de lecturas, obrigatorias ou recomendadas, que xa non precisen e solicitamos a súa colaboración para recuperar todos os libros non devoltos á biblioteca. No caso de que o libro non apareza, debe ser comprado e restituído á biblioteca.

Animamos á participación nos clubs de lectura para o cal temos aínda aberta a inscrición. O alumnado interesado pode anotarse na biblioteca.

Xa está a disposición de toda a comunidade escolar a Guía de Nadal que elaboramos as bibliotecas dos centros de ensino públicos do concello. 

Documento

As  bibliotecas  dos  centros  públicos  de  Ames  retomaron  o  contacto ao longo  do mes de  maio para preparar  a  Guía  de  lecturas recomendadas  para o verán 2020, guía  que  agora  pon  á  disposición  das  familias    a  través  deste  enlace.

O  día  28  de  febreiro  e  o  2  de  marzo o  EDLG  en colaboracion  coa  Biblioteca  organizan  nos  recreos  sesións  de lectura  dos  poemas  en  galego  de  Rosalía  de  Castro. Poderá  ler  non  só  o  alumnado,  senón  tamén  o profesorado  e  o persoal  non  docente. O  día  3  durante  o  primeiro  recreo  haberá  un  concurso  de  recitado.

En   O  Millafaladoiro  pode  accederse  a  toda  a  información  sobre  a  actividade. 

Animádevos  a  participar!

Como todos os anos as bibliotecas públicas de Ames reuníronse para intercambiar experiencias sobre  proxectos, promover a lectura e programar actividades conxuntas como lecturas compartidas, elaboración das Guías de Nadal e Verán, así como o  Boletín anual da contorna.

No   seguinte  enlace  pódese  acceder  á  Guía  de  lecturas  recomendadas para este  Nadal.

Se desexas coñecer  a programación da bilbioteca do IES do Milladoiro para este curso 2019-20, preme a continuación:

PROGRAMACIÓN DA BIBLIOTECA 

O luns 13 de maio tivo lugar na Biblioteca do centro a entrega de premios aos gañadores da VI Xornada Gastronómica Francesa e de Cociñas do Mundo.

O venres 12 de abril,  xusto antes de comezar as vacacións de Semana Santa, o alumnado dos  clubs de lectura de 1º, 2º e 3º de ESO visitou o seu antigo colexio.

O pasado martes 30 de abril tivo lugar na biblioteca do IES do Milladoiro unha reunión de Bibliotecas da contorna para intercambiar experiencias e proxectos, como a elaboración dunha Guía de lecturas recomendadas de verán 2019 e o III boletín da contorna, que recolle algunha das actividades salientables nas bibliotecas ao longo deste curso.

O mércores 24 de abril a conselleira acudiu ao noso centro para interesarse polo funcionamento da biblioteca e dos clubs de lectura, que gabou moito. Participou nos actos organizados con motivo da semana do libro e agasallounos cun lote de libros xuvenís para a biblioteca.

Aproveitamos o plan do MEC de fomento da lectura para invitar á nosa biblioteca a Cándido Pazó, actor, guionista, director teatral, narrador oral e autor, entre outras obras,  d'A piragua, obra que está a ler o alumnado de 2º de Bacharelato.

Baixo o lema "Rosalía tamén é nosa" O EDLG do noso centro, en colaboración co departamento de Lingua Galega,  organiza diversas actividades para conmemorar o 24 de febreiro, data de nacemento de Rosalía de Castro.

Como continuación dos compromisos adquiridos ao desenvolver o Protocolo educativo para garantir a igualdade, a non discriminación e a liberdade de identidade de xénero, achegamos unha Guía de recursos

O alumnado de 4º ESO participou o 7 de febreiro no obradoiro "OPS! Falamos portugués. O portugués simples", unha actividade organizada polo departamento de Lingua Galega e Literatura.