Onte, día 10 de decembro de 2009, tivo lugar unha reunión da Comisión de Coordinación Pedagóxica.

O martes 22 de decembro as clases desenvolveranse con normalidade ata as 11:35. Entre 11:35 e 12:00, @s titor@s entregarán os boletíns de notas, que haberá que traer asinados á volta de vacacións, o luns 11 de xaneiro.

Entre 12:00 e 12:45, disputarase un partido de fútbol sala entre profesores e alumnos, e a partir das 13:00, en Usos Múliples, terá lugar o Festival de Nadal.

A biblioteca do MGB amplía os seus servizos: grazas á colaboración de varias persoas, en especial o alumnado de 4º de ESO que ten Tecnoloxía e que cableou a rede, dispoñemos de sete ordenadores antigos funcionando a pleno rendemento coa tecnoloxía propia de Linux chamada LTSP como se fosen novos, polo que poden ser utilizados de forma individual por calquera usuario ou colectivamente por un grupo-clase acompañado do seu profesor.

O incremento na asistencia nos recreos e nas horas de clase é notable, pero cómpre recordarmos que os ordenadores do centro teñen unha finalidade didáctica: se non a respectamos, o profesor de garda pode retirarnos do ordenador que esteamos a usar.

Recentemente o alumnado do noso centro realizou dúas interesantes visitas didácticas:

• O venres 20 de novembro alumnado de 2º de Bacharelato visitou as instalacións de Meteogalicia e o CESGA en Santiago de Compostela, visitas encadradas dentro da apertura de portas á sociedade en xeral que con motivo da Semana da Ciencia realizan os centros de investigación do Estado.
• O martes 24 de novembro alumnado de 4º de ESO e 1º de Bacharelato realizou a tradicional visita ás instalacións da factoría PSA-Citroen en Vigo, organizada polo Departamento de Tecnoloxía do noso centro. Tamén se aproveitou a saída para coñecer o Museo do Mar de Galicia, tamén situado en Vigo, e a Escola de Canteiros de Pontevedra, situada en Poio.

En conxunto coa exposición sobre a figura do senlleiro galeguista Antón Alonso Ríos, proxectarase para o alumnado de 2º de Bacharelato o vindeiro venres 27 de novembro, a 3ª e 4ª hora, o documental "Afranio", baseado na autobiografía do mesmo autor e protagonizado por Luis Tosar. Tedes unha reseña do devandito documental pinchando aquí.

O próximo xoves 26 de novembro ofrecerá unha charla ao alumnado de 4º de ESO o escritor Domingo Villar. Terá lugar en usos múltiples a 2ª hora.

NOTA DE ÚLTIMA HORA: Domingo Villar non puido ofrecer a súa charla debido a enfermidade dun familiar. Pideu desculpas pola molestias e aprázase a súa charla para máis adiante, seguramente para a 2ª avaliación

Resolución do 11 de novembro de 2009, pola que se anuncian os postos de traballo vacantes que serán obxecto de provisión no concurso de traslados do corpo de mestres.

Orde do 9 de novembro de 2009 pola que se fan públicas as vacantes provisorias do corpo de profesores que imparten ensino secundario para o curso 2010- 2011.

Orde do 6 de novembro de 2009 pola que se convoca concurso de traslados do corpo de mestres.