Un ano máis, e xa van uns cantos, ven de rematar a Liga de fútbol sala 2010-11 do IES Laxeiro.Esta competición tivo unha primeira fase de liga a dobre volta para rematar nunha fase final polo sistema de play-off.Logo de disputadas xornadas, a fase de liga rematou encabezada polo equipo de bacharelato Montan a Hanna, seguidos por Cheas FS, do ciclo formativo de Electricidade. No terceiro e cuarto posto situaronse equipos da ESO: Black Stars e Pepsiconas FS. Completaron a clasificación Equipo A, Kukuxumuxo FS, Chuck Norris e CSMI II.A final enfrontou a  Montan a Hanna e Pepsiconas FS nun partido de alto nivel, gañando claramente os alumnos de 4º de ESO  (Pepsiconas FS) e que os proclama vencedores da Liga Laxeiro de fútbol Sala 2010-11.

Este é o cadro de horna da Liga Laxeiro 2010-11

Esta semana ven de celebrarse a fase final de centro do concurso Cifras e Letras, resultando a seguinte clasificación:

Os alumnos de Ética e Filosofía do Dereito asistiron o mércores 23 de marzo a varios xuizos celebrados no Xulgado de Primeira Instancia e Instrución nº 2 de Lalín a fin de coñecer o funcionamento do procedemento xudicial.

Os grupos de 3º ESO B e 4º ESO B do IES LAXEIRO participarán no XVIII Rally Matemático sen Fronteiras.

O Rally celébrase desde 1991 a iniciativa do IREM (Institute pour la Recherche et L'Enseignement des Mathématiques) de Aquitaine. Participan grupos de alumnos de 3º e 4º de ESO de distintas comunidades (Cataluña, Baleares, Aragón, Galicia) e doutros países como Portugal, Andorra e Francia. 

Todas as clases inscritas resolverán o mesmo día, 21 de marzo, e á mesma hora os problemas propostos polo IREM de Toulouse.

Os gañadores de cada unha das zonas participarán na Fase Internacional en Toulouse (maio).

O pasado venres día 25 e o luns 28 de febreiro tiveron lugar no Centro dúas charlas impartidas por persoal da Guardia Civil dentro do Plan Director de convivencia e mellora da seguridade escolar. Neste caso a temática foron os riscos de Internet, e falouse sobre diversos temas relacionados co mal uso da rede e os potenciais perigos que ten. 

Actividade proveitosa a realizada por un grupo de alumnos de 3º e 4º E.S.O. en Santiago, onde asistimos á representación de Les femmes savantes de Molière.

Disfrutamos da versión actualizada da obra clásica e da posta en escea pola compañía "Bohème Théâtre".

Engadimos unhas fotos do grupo participante en ficheiros adxuntos

O pasado día 14 de xaneiro de 2011, desenvolveuse na Facultade de Bioloxía da Universidade de Santiago a VI edición da Olimpiada de Bioloxía de Galicia. Desde o IES Laxeiro participaron catro alumnas matriculadas na materia de Bioloxía de 2º de bacharelato científico-tecnolóxico: Jennifer Fernández, Carla Riádigos, Irma Riádigos e Janet Rodríguez

Os alumnos que cursan a materia de Física de 2º de Bacharelato realizaron o venres 21 de xaneiro unha visita á Facultade de Física da Universidade de Santiago para contemplar a exposición “Desentrañando os misterios do Cosmos coa Física de Astropartículas”.

 Alí, nunha visita guiada que durou algo máis dunha hora, profesores da facultade explicaron aos alumnos do IES Laxeiro cales son as principais liñas de investigación que se están desenvolver actualmente para desentrañar os misterios do Cosmos e en cales ten participación directa a Universidade de Santiago, como por exemplo a investigación de raios cósmicos e de neutrinos procedentes do espazo. Tamén visualizaron un vídeo documental sobre un proxecto que se está a desenvolver nun centro detector de raios cósmicos situado na Pampa Arxentina e no que a facultade de Santiago ten participación.

No programa Ben Falado da Televisión de Galicia que emitiron o pasado 10 de decembro participaron alumnos e alumnas do IES Laxeiro. As entrevistas que fixeron trataban principalmente das colaboracións na revista do Centro, A Cacharela. Podedes ver o programa directamente dende a páxina web da CRTVG.

O luns 8 de novembro, os grupos de 1º ESO participaron un obradoiro de habilidades sociais impartido por psicopedagogas do Servizo de Drogodependencias do concello. Os temas tratados abranguían a asertividade, importancia de saber dicir que non, técnicas para levalas a cabo.