"SEN MEDO A MEDRAR" é o proxecto de lexicografía que nace no IES Laxeiro e que  medra con CEIP de VIlatuxe, porque o alumnado fixo 
xermolar o nome da PRUNIA para referirse á flor da cerdeira e PRUNEDO para facer referencia ao lugar de plantación... 

o _galego medra_ e os falantes son os que o fan posible. 

Divulguemos estas palabras para  ir medrando coa lingua!

Este proxecto foi realizado por:

IES Laxeiro ----> Alumnado de 3º ESO C e coordinado por a súa profesora María Begoña González Cuñarro

CEIP Vicente Arias de la Maza ----> Alumnado de Ed. Infantil e coordinado por a súa profesora María Teresa Aller Alonso

COMPETENCIA DIXITAL DO ALUMNADO
4º ESO - PROBA DE PILOTAXE

O noso centro educativo foi seleccionado para a realización dunha proba piloto coa que se pretende analizar a competencia dixital do alumnado de 4º de ESO.

A competencia dixital enténdese a combinación de coñecementos, habilidades e aptitudes para o uso seguro, crítico e responsable das TIC na aprendizaxe, o traballo, o lecer, a participación na sociedade e a interacción con ditas tecnoloxías. A nivel práctico estrutúrase en cinco grandes áreas (Información e datos, Comunicación e colaboración, Creación de contido dixital, Seguridade e privacidade e Contorna dixital e solución de problemas). Pódese acceder na seguinte Ligazón ao portal para realizar a proba de demostración ---> Fai Click!

Mediante esta proba piloto obterase información de gran valor de cara ás decisións executivas que a CCEFPU tomará nos vindeiros cursos en relación ás accións de impacto definidas na Estratexia Educación Dixital 2030, as cales están enfocadas a unha maior presenza da educación dixital nas aulas co fin de acadar, entre outros obxectivos, a cidadanía dixital plena (convivencia dixital pacífica, alfabetización informacional e loita contra a desinformación, pensamento crítico) e atallar a fenda dixital.

Dita proba realizarase de xeito online a través da plataforma deseñada pola Axencia para a Modernización Tecnolóxica de Galicia (AMTEGA), a cal garante en todo momento a privacidade dos datos dos participantes. ComDix: Plataforma de certificación en el Marco Gallego de Competencias Digitales (xunta.gal)

SOLICITUDE DE AXUDAS PARA A ADQUISICIÓN DE MATERIAL ESCOLAR - CURSO 2023-2024

[ORDE10mai2023 pola que se regula aparticipación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado na EPrimaria, ESO e EE de centros docentes sostidos con fondos públicos para 2023/2024 (código procedemento ED330B) (DOG, 19mai)].

NOTA IMPORTANTE:

O alumnado matriculado nos centros e cursos incluídos en EDIXGAL no curso 2023/24 está excluído da partcipación no fondo solidario de libros de texto e das axudas para adquirir libros de texto. Non obstante, poderán solicitar a axuda para adquirir material escolar cando reúnan os requisitos establecidos na orde.

PRAZO DE PRESENTACIÓN DE SOLICITUDES:   do 20 DE MAIO AO 21 DE XUÑO DE 2023

O alumnado que se incorpore ao centro docente fóra deste prazo disporá dun mes contado a partir do día seguinte ao da formalización da matrícula. Non se poderán presentar solicitudes despois do 31mar2023.

PROCEDEMENTO DE PRESENTACIÓN DE SOLICITUDES:

As solicitudes presentaranse preferiblemente por vía electrónica no formulario normalizado (ED330B-anexos I e II) dispoñible na aplicación fondolibros (https://www.edu.xunta.es/fondolibros), a través da sede electrónica da Xunta de Galicia, https://sede.xunta.gal

Opcionalmente, poderá presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365 (https://sede.xunta.gal/chave365).

PARA MAIS INFORMACIÓN:

Pode consultar --> FAQ - "Preguntas Frecuentes" Fondo solidario de libros de texto e axudas para adquirir libros de texto e material escolar

Acceso á Axuda do Aplicativo fondo_libros  --> https://www.edu.xunta.gal/fondolibros/

A DIRECCIÓN

BOLSAS E AXUDAS AO ESTUDO
MEFP (Ministerio Educación e FP)

PRAZO DE SOLICITUDE

Tanto para alumnos que se atopen cursando ensinanzas universitarias como para os que se atopen cursando ensinanzas postobrigatorias e superiores non universitarias.

Desde 27 de marzo de 2023

Ata 17 de maio de 2023 (24:00 horas)

Normativa  Extracto de la RESO15mar2023, Secretaría de Estado de Educación, por la que se convocan becas de carácter general para el curso académico 2022-2023, para estudiantes que cursen estudios postobligatorios (BOE, 17 marzo).

DIRECCIÓN

Xa estamos a finais do curso escolar 2021-2022, e outro ano máis recollemos os Proxectos do noso Club de Ciencias:

1.- Da teoría a practica	2.- Descubrindo reaccións químicas	3.- EcoPlan no Laxeiro
4.- Acuaponía	5.- A maleta científica	6.- As matemáticas da vida cotiá
7.- Dous anos despois...	8.- Creatividade e Vulcanismo	9.- Percepción da ciencia experimental

Publícase o calendario de exames finais de ciclos de Formación profesional  e os extraordinarios de 2º Bacharelato curso 2020-2021 que terán lugar ao longo deste mes de xuño no IES Laxeiro

- Exames finais de ciclos : FP Básica - Medios - Superiores

- Exames extraordinario de 2º Bacharelato

O alumnado de 2º de bacharelato quere facervos chegar a invitación, sobre todo para as familias, ao acto de graduación que se 
celebrará de xeito "telemático", o sábado día 22 no Salón de Actos Manolo Rivas ás 18:30.

A ligazón para o seu acceso e seguimento é:

https://www.youtube.com/channel/UC37mC5F59cCeFIUqMFFnoIQ

(facer Click na Ligazón!)

Pedimos desculpas ás familias por non poder celebralo de xeito presencial, pero debemos manter as normas... e mais aínda neste curso tan intenso para eles e elas...

A Dirección do IES Laxeiro

De acordo coa Lei 4/2011 e o establecido no Decreto 8/2015 da convivencia e participación e dentro da Estratexia Galega de Convivencia Escolar 2021-2025, faise necesario a realización dunha nova enquisa de diagnose de convivencia cunha periodicidade bianual.

LER MÁIS......

Por este motivo todo o persoal  dos diferentes sectores da Comunidade Educativa do IES Laxeiro, Nais/Pais, Profesorado, Alumnado e Persoal non Docente, recibiredes un comunicado no que se entregará unha clave aleatoria para poder acceder á ferramenta tecnolóxica e así realizar a correspondente enquisa.

Desde a Dirección do centro animamos a todos á súa realización e poranse todos os medios informáticos que sexan precisos , así como a información que sirva para aclarar dubidas que xurdan, recordando que esta enquisa é totalmente anónima e dentro da seguridade que presta o certificado da Fábrica Nacional de Moeda e Timbre.

COMEZO DE CURSO

 Temos a previsión de comezar o día 23, 24 e 25 de setembro cunhas xornadas de adaptación COVID. Serán tres días nos que o alumnado virá unhas horas de forma escalonada por cursos para familiarizalo coas novas medidas da COVID que rexirán todo o curso no noso centro.

•  Día 23 de setembro: 1º e 2º ESO, 1º Bacharelato, 1º Ciclo Medio de X.Administrativa, Electromecánica e Electricidade, 1º Ciclo Superior de Administración e Finanzas e Mecatrónica

• Día 24 de setembro: 3º ESO, 2º Bacharelato, 2º Ciclo Medio de X.Administrativa, Electromecánica e Electricidade, 2º Ciclo Superior de Administración e Finanzas e Mecatrónica

• Día 25 de setembro: 4ºESO e 1º e 2º de Formación Profesional Básica

Horario das Presentacións:

► O alumnado da ESO terá transporte escolar ás 14.30h para regresar ao seu domicilio.

► As clases para todo o alumnado do centro empezarán o luns 28 de setembro.

Temos Información relativa ao proxecto TI© EMPRENDES da Deputación de Pontevedra, cofinanciado polo Programa Operativo de Emprego Xuvenil do Fondo Social Europeo (axudas EMP-POEJ) e a Deputación de Pontevedra.

A datas previstas para empezar son a partir de setembro de 2020.

Desde o proxecto TI© EMPRENDES ofrécese:

–      11 itinerarios formativos de 125 horas de duración (100h. de formación específica e 25 de emprendemento): Formación específica (eminentemente práctica) en sectores co maior crecemento e demanda nos últimos anos como tecnoloxías da información e comunicación, turismo, lecer, deportes e restauración

–      Formación en autoemprego e/ou creación de empresas