Actividades

A “Semana do libro” celebrouse na Biblioteca entre o luns 24 e o venres 28 con éxito organizativo, mostrando diferentes actividades programadas polo Equipo da Biblioteca. O alumnado de 1º ESO inagurou esta semana con “que morra o conto!”, completándose a semana con outras actividades, nas que participaron alumnos e alumnas dos distintos niveis da ESO e Bacharelato: lectura, en Inglés, de obras de Shakespeare; dramatización da obra “Romeo e Julieta” e dúas sesións de booktubers para recomendar obras literarias, audiovisuais e de arte. Noraboa ao Equipo da Biblioteca e o alumnado participante e asistente a todas elas!!!

Dende a Biblioteca do IES Plurilingüe de Valga celebramos un ano máis o Nadal coa colaboración  do alumnado do Ciclo Básico I de Soldadura e Calderaría que elaborou a árbore e do alumnado do Ciclo Básico II que fixo a súa decoración. Ademais, queremos agasallar a toda a comunidade  educativa cunha felicitación navideña con recomendacións literarias para disfrutar da lectura nestas datas.” BO NADAL!.

Máis fotografías da elaboración desta árbore polo alumnado do Ciclo Básico de SOCA picando aquí.

Co gallo da celebración do Samaín, o equipo da Biblioteca e o do programa de Titoría entre iguais (TEI) organizaron na Biblioteca o venres 28 de outubro e na última hora lectiva, una lectura dramatizada de contos de terror de Rafael Dieste e Ánxel Fole a cargo dos profesores Abel Turnes, Fran Godón e Suso López para o alumnado de  1º e 3º ESO. Ademais, o equipo de Biblioteca presentou un cartel con algunhas recomendacións literarias de terror e medo que están a disposición da comunidade educativa na nosa biblioteca escolar.