IES A SANGRIÑA

Onte, o departamento de Educación Física organizou, coa empresa Arrepións, unha trepidante actividade de rafting.

O rafting fluvial é unha actividade deportiva e recreativa que consiste en baixar o río no sentido da corrente, normalmente nalgún tipo de embarcación ou balsa. Arrepións é unha empresa pioneira, xa que foi a primeira empresa de turismo activo creada en Galicia, levan navegando os ríos desde 1990. Os seus servizos inclúen actividades de lecer acuático en diversos lugares. En concreto, ofrece rafting e kayak no río Ulla (Ponteledesma), rafting no río Deza (Vila de Cruces) e hidrospeed no río Ulla (Herbón).

Durante este inicio de curso, o alumnado dos ciclos de automoción do IES A Sangriña traballou arreo para por en marcha os talleres. Desta maneira, o departamento de Transporte e Mantemento de vehículos, ten xa todo a punto para dar as clases nun centro de traballo limpo, cómodo e seguro... á altura dos mellores profesionais.

Moitas grazas rapaces e rapazas polo voso esforzo e compromiso!

Esta semana, o equipo de fútbol gaélico do Baixo Miño, Grovias, colaborou co noso centro organizando un grande número de sesións de demostración deste fantástico deporte que está en constante crecemento no noso país. En colaboración co departamento de Educación Física, as integrantes de Grovias axudaron ao noso alumnado a achegarse a esta práctica deportiva.

O fútbol gaélico é unha variante do fútbol xogada principalmente en Irlanda, sendo o deporte con maior popularidade deste país (enchen estadios de 82.300 persoas). Xógase en equipos de 15 xogadores (no noso país son 9) nun campo rectangular de céspede, con porterías en forma de H a ámbolos dous lados. Esta especialidade ten cada vez máis arraigo na nosa comunidade e Galiza conta até coa súa selección, tanto masculina como feminina, que desputa campionatos oficiais.

Para saber máis de Grovias, non deixes de seguir o equipo tanto en Instagram como en Facebook.

Tamén podes seguir esta ligazón e ver un vídeo do noso alumnado!