O alumnado de Mantemento de Vehículos acudiu ao Kartódromo de Viana onde, ademais de coñecer as instalacións dedicadas ao mantemento do equipamento dos vehículos e as rutinas de traballo do seu persoal, puido desputar animadas carreiras de karts demostrando as súas habilidades ao volante.
O kartódromo de Viana conta cun edificio principal que nas carreiras oficiais utiliza unha torre de control dotada de sala de cronometraxe, sala de oficiais de carreira, salas de reunións, secretarías, sala VIP e terraza con vistas panorámicas de todo o complexo, palcos, posto médico, despachos, vestiarios e aseos.
En canto ás pistas, a principal (Pista A) conta cun perímetro de 1117 metros para unha anchura constante de 9 metros pensada para carreiras oficiais con homologación de grao 1 e de lecer, outra máis pequena (Pista B) con 468 metros de perímetro e a mesmo de 8 metros de ancho, máis orientado á formación dos nenos na Escola de Karting existente e tamén ao lecer. Ambas as pistas contan con sistemas de cronometraxe para que os usuarios poidan gozar dos resultados obtidos.
