Automoción

Departamento de Automoción

Autobuses UNVI

Mér, 27/11/2019 - 21:32 — IES A Sangriña

O alumnado dos ciclos de Automoción e mais o de 2º de Bacharelato tecnolóxico realizaron nunha visita á empresa construtora de autobuses UNVI, pertencente ao grupo automobilístico Pérez Rumbao, o pasado do 19 de novembro. A visita resultou moi interesante polo feito de poder observar os distintos postos de traballo das operarias e operarios relacionados cos ciclos que impartimos no instituto: chapa, pintura, mecánica, electricidade na automoción etc.

Feira de Emprego Ecoimaxín

Xov, 24/10/2019 - 09:50 — IES A Sangriña

Hoxe o alumnado de ciclos asiste á Feira de Emprego "Ecoimaxín" que celebra a súa terceira edición durante os días 24, 25 e 26 de outubro, na Casa dos Alonso da Guarda. Este ano contará con charlas e conferencias de especialistas do sector, que falarán sobre «Novos perfís profesionais para un mundo sustentable», «Turismo sustentable, impacto no desenvolvemento local», «Responsabilidade Social nunha gran empresa», «Porque non hai un planeta B». Remata sábado cunha Feira de empresas da contorna e coa presentación do portal de Emprego.

O profesorado do Departamento de Administrativo acompañará ao alumnado do Ciclo Medio de Xestión Administrativa e do Ciclo Superior de Administración e Finanzas. O venres sumaranse o alumnado de segundo curso dos Ciclos Medios de Sistemas Microinformáticos e Redes, de Electromecánica de Vehículos, de FP Dual de Carrozaría e mais os docentes destes grupos.

Xornadas de Automoción

Mar, 22/01/2019 - 09:42 — IES A Sangriña

O pasado 9 de xaneiro tivo lugar a Xornada de Automoción no noso centro. En primeiro lugar, ofreceuse unha charla explicativa sobre os procesos e os materiais que o alumnado asistente ía experimentar a continuación. Despois, pasaron aos talleres, onde lixaron, deron masilla e pintaron aletas, portas, capós... probando diversas pinturas. Concluíron as xornadas cunha charla enfocada á orientación laboral dos estudos de Automoción.

GaliciaSkills 2018

Mar, 04/12/2018 - 11:01 — IES A Sangriña

O alumnado de ciclos asistiu o pasado 28 de novembro ao V Campionato Gakego de Formación Profesiona, GaliciaSkills 2018, que tivo lugar no recinto feiral de Silleda.

Galiciaskills é o campionato galego da formación profesional que se celebra cada dous anos e consiste no desenvolvemento dunha serie de competicións relacionadas coas distintas especialidades da formación profesional, nas que os participantes han demostrar a súa competencia profesional e medir as súas destrezas con alumnado de distintos centros de Galicia na realización das correspondentes probas.