O Cpi Luís Díaz Moreno de Baralla comunica que o vindeiro xoves día 1 de xuño, empezamos co horario matinal:
- Hora de entrada: 10:10 horas
-Remate das clases: 15:10 horas
- Hora de saída do transporte escolar: 16:10 horas
O Cpi Luís Díaz Moreno de Baralla comunica que o vindeiro xoves día 1 de xuño, empezamos co horario matinal:
- Hora de entrada: 10:10 horas
-Remate das clases: 15:10 horas
- Hora de saída do transporte escolar: 16:10 horas
O pasado venres 12 de maio, celebramos no cole o Día Das Letras Galegas cun festival cheo de traballo do alumnado que estivo guiado polo seu profesorado. Todo o traballo se desenvolveu con moita imaxinación e un chisquiño de lembranza!! Velaí unhas imaxes...
Ao abeiro do Plan Proxecta, o alumnado de 4º e 6º de Educación Infantil están a traballar nun proxecto titulado" coidamos os animais"; deste xeito o día que fixeron a visita á Protectora de animais lucense, decatáronse das necesidades desta e decidimos axudalos!!!
Por iso se está a levar a cabo no centro unha recollida de donativos para a Protectora!! Animádevos a colaborar!!
O pasado mércores 26 de abril, o alumnado de 1º e 2º ESO en acompañamento do profesor de Educación Física e a Orientadora do centro, realizaron unha saída ao Caurel para desfrutar de rutas a pé e da fermosa paisaxe desa zona. Velaí unhas imaxes...
O pasado venres día 7 de abril, a editorial Kalandraka agasallounos cunha sesión de contacontos para os nenos e nenas de Educación Infantil, e 1º, 2º e 3º de Educación Primaria. Foi unha sesión moi animada con música e moita participación dos nenos e nenas
...
O pasado venres día 24 de marzo, os nenos e nenas de Educación Infantil, e 1º e 2º curso de Educación Primaria; desfrutaron dun contacontos do máis entretido e participativo...
Velaí unha imaxes desa xornada...
Hoxe día 24 de marzo de 2017 celebramos o Día da Árbore no CPI Luís Díaz Moreno e fixémolo plantando un pé de ameneiro que nos enviou a Deputación de Lugo para este día, e tres castiñeiros agasallo de Carlos (alumno de 6º de Educación Primaria) e Lois (profe do cole); ademais a Asociación cultural e veciñal A Porta Dos Ancares tamén nos agasallou cun" liquidambar acer" , árbore que cambia de cor segundo a estación do ano.
Velaí unhas imaxes desta xornada...
O pasado día 9 de marzo de 2017. o alumnado de 4º e 6º de Educación Infantil, realizou unha saída didáctica ao Museo de Lugo e á protectora de animais da capital lucense; velái unhas imaxes desa xornada:
Aquí vos deixo o enlace co video elaborado pola protectora de animais sobre esta xornada co noso alumnado:
https://youtu.be/i-AIE_7E7Xw?t=5
Hoxe día 8 de marzo, celébrase o día da Muller Traballadora e no Cpi Luís Díaz Moreno de Baralla quixemos celebralo coa elaboración dun mural alusivo ao tema.
Para o vindeiro xoves día 9 de marzo de 2017 está convocada unha FOLGA XERAL do ENSINO . O CPI Luís Díaz Moreno , seguindo instruccións da Orde do 1 marzo de 2017 pola que se ditan normas que determinan os servizos mínimos durante a folga no ámbito do ensino convocada para o día 9 de marzo de 2017; garante os SERVIZOS MÍNIMOS para esa xornada.
Xunta de Galicia - Consellería de Educación, 2013 |