Skip to Content

A ESTRELIÑA MAIOR!

Xov, 22/02/2024 - 01:01 — admin

O día 16 de febreiro Iria cumpriu 6 anos. Isto quere dicir que é a maior da nosa aula das estreliñas. Moitos parabéns Iria!! Como é costume, o resto das estreliñas fixéronlle un debuxo con toda a ilusión do mundo para a realización do libro do seu aniversario. A continuación e como a ocasión o merecía, Iria tivo que soprar as candeas da nosa nova torta. Nesta ocasión, ao cumprir xa os 6 aniños, necesitábamos un pastel máis grande. A sorpresa da nova torta encantoulles e a Iria estreala. Logo, cantamos e bailamos o cumple feliz e despois repartiu unha serie de agasallos aos seus compañeiros e compañerias da aula e o pasaron xenial, sobre todo coa serpe aínda que eu non son moi amiga delas.. que medo! Porén.. teño uns discentes moi valentes!!! Así mesmo, Iria non se esqueceu de nós e tróuxonos agasallos: un para a súa profe e como non algo de comer para todo o profesorado! Moitas grazas por todo!!!

Álbum: Curso 2023-2024 -> Cumpreanos Iria

ENTROIDO

Xov, 22/02/2024 - 00:49 — admin

O pasado día 9 de Febreiro celebramos o entroido no CEIP San Clodio, o alumnado puido gozar dunha xornada festiva onde o alumnado desfilou no pavillón, rodeado dos seus familiares e tamén da presenza dos residentes da residencia de maiores de San Clodio, que nos viñeron facer unha pequena visita ao colexio e nos trouxeron uns pequenos agasallos, moitas grazas. Pasámolo xenial!!

 

Álbum: Curso 2023-2024 -> Entroido

DÍA DA PAZ

Mar, 06/02/2024 - 00:31 — admin

O pasado día 30 de Xaneiro celebramos no colexio o día da paz, onde todo o alumnado participou na elaboración dun pequeno mural o cal decoraron con pombas feitas por eles. Deixámosvos un pequeno vídeo coas imaxes de todos os nenos/as. 

Menú do mes de Febreiro

Sáb, 27/01/2024 - 12:08 — admin

Bo día! A continuación deixámosvos o menú do mes de Febreiro. 

A VOLTA AO SOL DE CLAUDIA!

Sáb, 27/01/2024 - 12:03 — admin

O día 22 de xaneiro, celebramos o cumple de Claudia. Unha das nosas estreliñas pequenas xa se fixo mediana! Que leda estaba coa coroa da súa cor favorita!!

Unha vez máis, os seus amigos e amigas fixéronlle un debuxo coa finalidade de formar o seu libro do aniversario e leve un recordo de todos e todas para a súa casiña. A continuación, foi o momento de montar a nosa tarta e repartila entre toda a aula. Non sei o motivo pero cada vez este doce está máis rico…

Por último, unha vez que soprou as candeas cantamos e bailamos as cancións e o pasamos xenial. A verdade é que non paramos con tanta festa neste mes!! Encántanos!!

Moitos parabéns Claudia, segue regalándonos momentos tan divertidos!

Álbum: Curso 2023-2024 -> Cumpreanos Claudia

O MUNDO POLAR!

Sáb, 27/01/2024 - 11:59 — admin
Os máis pequeniños seguimos coa nosa investigación sobre o inverno e o mundo polar. Unha das actividades que fixemos esta semana foi pintar sobre papel aluminio.
Todos eles quedaron abraiados xa que dixeron que iso usábase para envolver os
bocadillos pero non que se puidera pintar. Porén, a nós nos encanta argallar cousiñas novas e foinos fenomenal!
Así pois, utilizamos cores desta época do ano como o branco e o azul entre outros.
Collimos os pinceis e demos volta á nosa imaxinación e creatividade cuxo resultado foron bonecos de neve, arcos da vella, copos de neve…
Por último, parece unha proposta sinxela pero necesítase moita precisión, coordinación, control da forza, agarre… e aínda así o conseguiron!!
Grazas estreliñas!!
Álbum: Curso 2023-2024 -> Papel de aluminio

Os 5 aniños de Juan!

Dom, 21/01/2024 - 17:43 — admin

O día 16 de xaneiro unha estreliña mediana fíxose grande. Juan xa ten 5 aniños! Moitas felicidades para ti!! Como xa é costume, os seus compañeiros e compañeiras fixéronlle un debuxo e formamos o libro do seu cumple. A continuación, montamos a nosa tarta e Juan soplou as candeas e repartiu entre todos e todas este doce. Por último, bailamos e catamos o cumple feliz! Que contento e emocionado estaba! Porén, no foi o único. Juan tiña unha sorpresa para nós… trouxo moitos agasallos para todos sen esquecerse da súa profe! Puxémonos moi felices!! O pasamos xenial aínda que botamos en falta as estreliñas que non viñeron ao cole. Moitas grazas por todo. Esperamos verte crecer así de ben e cun sorriso sempre.

Álbum: Curso 2023-2024 -> Cumpreanos Juan

HAI NEVE NA AULA!

Dom, 21/01/2024 - 17:37 — admin

Neste novo trimestre na clase das estreliñas estamos aprendendo moitas cousiñas do inverno. Unha delas é que nalgúns lugares adoita nevar. Polo tanto que mellor maneira que a falta de neve creala? Fixemos un obradoiro sensorial de neve artificial. Para iso, botamos bicarbonato sódico, un pouquiño de auga e as mans deles fixeron o demais. Sen dúbida, foi unha experienca única chea de creatividade, imaxinación, manipulación, motricidade fina e onde poden tocar, sentir, xogar e experimentar e como non cun traballo en equipo. Así pois, saíron moitas creacións como por exemplo bonecos de neve, pelotas, iceberg… En resumo, é unha proposta que gozaron moito con ela e que podedes realizar tamén en familia. 

Álbum: Curso 2023-2024 -> Neve

RESERVA DE MATRÍCULA CURSO 24/25

Dom, 14/01/2024 - 20:10 — admin

Desde o 15 de xaneiro e ata o 5 de febreiro, ambos inclusive, estará aberto o prazo para a presentación de solicitudes de reserva para alumnado de nova incorporación ao centro e alumnos de 6º de primaria que vaian ao instituto.

Estas solicitudes estarán dispoñibles na web https://www.edu.xunta.gal/admisionalumnado/ prestándose as mesmas de xeito presencial en dirección ou por sede electrónica. 

 

Ante calquera dúbida, acudide ao centro ou chamade sen problema. 

Un saúdo,

Ángela

Visita de papá noel

Dom, 07/01/2024 - 00:35 — admin

Ou pasado día 20 de Decembro tamén tivemos a oportunidade de gozar da visita de papá noel no nosocolexio, o cal nos deixou unhos pequenos agasallos en forma de doces.

 

Álbum: Curso 2023-2024 -> Visita de papá noel
Distribuir contido


by Dr. Radut