Complementarias

O entroido move o corpo

Mér, 13/03/2019 - 20:18 — admin

Este entroido fomos visitados pola muller de xeo, que foi o noso meco. Todos/as participamos de maneira activa nas comandas do meco.

Tamén fixemos as nosas comadres e os nosos compadres, aquí vos deixo unha foto que demostra que os rapaces e as súas familias se esforzaron moito por conseguir uns superheróes e superheroínas fabulosos!

Tamén tivemos un taller para facer as famosas máscaras do entroido tradicional galego, aqui podemos ver a un peliqueiro de Laza que pasou polo cole.

Xogamos, aprendemos cousas novas do entroido e fixemos unha coreografía digna de calquer bon salón de baile!

O ENTROIDO MOVE O CORPO! Que xa nolo dicía Paco Nogueiras na súa canción

blogue de admin

Recollemos os froitos

Dom, 21/10/2018 - 12:12 — admin

Pasou o verán e toca a satisfación de recoller os froitos do que anteriormente foi sembrado.

Temos moito que agradecer aos colaboradores do noso horto, pais e nais que se preocuparon por axudarnos a obter o que estades vendo.

O outono chegou e é hora de poñerse mans á obra e volver a empezar a pensar en plantalo.

Polo de agora os nabos xa están na terra!

blogue de admin

III ANDAINA ESCOLAR POLO CAMIÑO DE INVERNO

Dom, 21/10/2018 - 12:05 — admin

O martes 16 de outubro realizamos unha andaina escolar con outros centros da comarca, todo gracias a iniciativa e colaboración da Asociación Camiños a Santiago pola Ribeira Sacra.

Fixemos dentro da etapa Monforte- Chantada un tramo de 5 km dende a igrexa de San Paio de Diomundi a San Pedro de Líncora. Todo isto camiñando por unha calzada romana, nos codos de Belesar e entre fermosos bancais e viñedos cruzando o río Miño por Belesar.

Paramos a facer un descanso na Adega Via Romana, e participamos dunha entrevista para a radio Onda Cero.

Foi un dia de diversión e deporte! Aqui vos podemos mostrar algúns recordos!

blogue de admin

Xornadas audiovisuais "Un universo de cine no teu concello"

Xov, 18/10/2018 - 19:25 — admin

O CEIP de San Clodio vai a participar nunhas xornadas de cine que se organizan en colaboración co OGDR Ribeira Sacra- Courel no noso concello. Serán uns talleres que se realizarán no centro e na localidade de San Clodio os días 15, 19 e 24.

Na primeira xornada veremos a proxeción dun documental da Ribeira Sacra quiado por unha nena. A evolución das videocámaras nos últimos 25 anos e a posta en común das ideas que poidan xurdir para a preparación do noso video.

Na segunda xornada definiremos o guión, sairemos as rúas a grabar e faremos algunha entrevista.

Na derradeira xornada visionaremos o noso material!!

Por uns intres o concello de San Clodio será o noso plató de cine e nos as estrelas!!