Blogues

E nun abrir e pechar de ollos, chegamos á data máis terrorífica do ano e que aos nenos lles encanta. Polo tanto, na aula dos máis pequenos do colexio, fixemos uns vampiros que meten moito medo. Para iso, e dentro de Voz Natura, reciclamos rolos de papel hixiénico e os pintamos de cor negro.

A continuación pegamos as diferentes parte da cara e do corpo e o resultado da calafríos!

O 24 de outubro celébrase o Día das Bibliotecas. A nós, como sabedes, encántanos aproveitar calquer momento para acudir á biblioteca do cole. 

Así, celebramos este día de maneira sinxela, reuníndonos todos na biblioteca onde os máis grandes léronlle contos aos máis pequenos. Foi un rato tranquilo de lectura compartida no que os nenos e nenas desfrutaron de historias contadas polos seus compañeiros/as.

Creouse un momento especial que nos recordou o valioso que é  conectar a través da lectura!

Ao comezo desta semana, na biblioteca do noso cole, apareceron unhos retos de comprensión lectora ca temática do Samaín...

Cada un de nós ten un carnet no que debemos apuntar os retos que superamos, e súa temática e totalmente aterradora!

Entre os retos atópanse actividades como ler textos sobre personaxes típicos desta época e responder preguntas sobre eles, ler o inicio dunha historia de medo e inventar o resto ou crear pócemas e feitizos para diferentes situacións.

O mellor de todo é que, ademais de practicar a comprensión lectora mentres nos divertimos, tamén traballamos a autonomía e a responsabiliodade pois debemos escoller nós mesmos os retos a completar, decidir a orde na que os facemos e xestionar o noso tempo tendo que rematar os retos antes do Samaín!

Durante esta semana seguiremos desfrutando e aprendendo nesta emocionante aventura de lectura!