CEIP de San Clodio

A semana pasada o alumnado de 4º, 5º e 6º curso de educación primaria recibiu unha charla sobre os aspectos prexudiciais do tabaco na saúde. Fixeron un experimento onde simulaban uns pulmóns manchados de alquitrán por causa do tabaco, onde podían observar que estes pulmóns filtraban peor o aire que uns sanos. Para isto usaron dous filtros de café, un manchado  con caramelo por dentro e outro limpo.

Tamén representaron situacións onde un alumno/a ofrecía tabaco aos outros/as, e estes tiñan que pensar a maneira máis axeitada de dicir que non. 

Álbum: Curso 2023-2024 -> Charla tabaquismo

 Na aula de Infantil seguimos co noso proxecto da auga. Nesta ocasión, tocounos aprender e experimentar sobre o proceso da flotación. Para iso, utilizamos diferentes obxectos que atopamos na aula como por exemplo; tesoiras, pelotas, lapis, pinturas, botóns... Unha vez elixidos os nosos útiles, un por un tiveron que botalos na nosa mesa sensorial chea de auga para comprobar se se afundían ou no caso contrario se flotaban. Antes de sabelo, fixemos algúns interrogantes e preguntamos aos máis pequenos se eles pensaban que flotaban ou non. Ao principio non acertaron moito pero despois xa se deron conta cales tiñan máis posibilidades de non afundirse, é dicir os que o seu peso é menor que o empuxe. Logo, co aprendido o amosamos nunha ficha e se algún discente non se lembraba soamente tiña que volver cara a mesa sensorial para comprobar se estaban os obxectos flotando ou non. En resumo, foi unha actividade moi divertida, interesante, manipulativa e motivadora para eles xa que todo o que ten que ver coa auga xa sabedes o que pasa.... É DIVERSIÓN ASEGURADA!! Grazas unha vez máis polo voso traballo Estreliñas!

Álbum: Curso 2023-2024 -> Flotación

A semana do 4 ao 8 de marzo conmemorouse á semana da prensa. Polo tanto, na aula das estreliñas fixemos unha serie de actividades cos periódicos. Primeiramente, fixemos unha choiva de ideas e de coñecementos, como por exemplo, que é un diario, para que sirven, que información hai neles… Unha vez que tivemos resposta a estes interrogantes que eles mesmos contestaron visualizando diferentes xornais, elaboramos un collage con varios recortes que fixeron dos xornais. Nel, puidemos aprender que aparece o tempo que vai nese día como cando o facemos na asemblea. Polo tanto decidiron recortalo e pegalo na cartolina. Logo, descubriron películas do cine, deportes, xogos, roupa e a programación da televisión. Por outra banda o que máis lles gustou foi buscar letras para formar a frase de “Día da Prensa”, xa que tiñan que atopar no periódico unha D, unha i…. e foi unha proposta moi divertida e motivadora para traballar a lectoescritura dunha maneira moi constructivista. Por último, decoramos a nosa inicial do noso nome con recortes de xornais abordando deste modo o concepto de dentro - fóra e a estructuración do espazo. Sen dúbida, o volvimos pasar moi ben traballando en equipo.

Álbum: Curso 2023-2024 -> Semana da prensa

O pasado 28 de febreiro , tivo lugar unha charla sobre ED. Sexual, por un médico sexólogo, para o alumnado de 5 e 6 de primaria. Na devandita charla, aprenderon sobre os cambios que vai realizar o seu corpo. Os alumnos puideron resolver dúbidas e curiosidades sobre o seu corpo.

Álbum: Curso 2023-2024 -> Charla educación sexual