Xa pasou a Candeloria, polo que hai que comezar a facer as sementeiras das verduras e hortalizas que logo queremos plantar no noso horto, que xa está a piques de iniciar a súa montaxe.
Un grupo de infantil, coa axuda ademais de Sarai e Silvia, dúas rapazas en prácticas no departamento de orientación, comezou a facer a sementeiras de varias hortalizas: leituga rizada, lentellas, fabas, chícharos, pementos de Padrón, tomates, espinacas, porros, repolo de cores, e tamén pipas de xirasol.
Tamén aproveitamos a reutilizar materiais usando: botes de iogur, macetas usadas e oveiras para facer as sementeiras
As sementeiras xa están feitas, agora toca agardar e vixiar o seu xerminar!!!
Non quixemos esquecernos que tamén é moi importante repoblar os montes con novas árbores, para contribuir ao coidado da nosa contorna natural, polo que plantamos castañas e landras; esperamos que xerminen e logo buscarlles un lugar no patio do colexio ou na carballeira colindante.
E tamén probamos a xeminar as sementes dunha mazá, aproveitamos a froita da merenda dunha crianza:
1- Quitamos as pipas, deixámolas a abrandar en auga,
2- quitámoslle a cáscara exterior, que é máis dura, para favorecer a xerminación dun xeito máis rápido,
3- humedecemos un papel, introducímolas dentro do mesmo e
4- gardámolas nun taper frente á ventá.
Agora toca esperar a ver se o proceso chega ao seu fin!!
, CON ESTAS TAREFAS; ENCHER, VALEIRAR, TRANSPORTAR, APLANAR,.. QUE LOGO NOS AXUDAN NO TRAZO DAS LETRAS, POR EXEMPLO.
