Blogue de Mónica

PLANTACIÓN DE CARBALLOS

Xov, 2022-03-24 20:05 — monicas

HOXE TIVEMOS A SORTE DE QUE NOS ACOMPAÑARON NO COLE, A BRIGADA DE BOMBEIROS FORESTAIS DA XUNTA DE GALICIA, E AXUDÁRONNOS A PLANTAR UNS CANTOS CARBALLOS, COMO ÁRBORE AUTÓCTONA, PARA REPOBOAR O NOSO PATIO GRANDE E PODER CONSEGUIR CO PASO DO TEMPO, MÁIS SOMBRA, UN ACOBILLO/COVA PARA XOGAR, XA QUE PLANTAMOS ESTAS ÁRBORES EN FORMA DE CÍRCULO E PODER CONSEGUIR UN BONITO LUGAR DE XOGO OU DESCANSO NATURAL

ESTIVEMOS ACOMPAÑADOS TAMÉN C@S NOS@S COMPAÑEIR@S DE NIVEL, POIS O VINDEIRO CURSO XA XOGAREMOS NAQUEL PATIO.

TIVEMOS QUE AXUDAR NA PLANTACIÓN: ACHEGAR A TERRA ÁS ÁRBORES PARA TAPAR AS RAÍCES E, LOGO REGAR COA MOTOBOMBA QUE TROUXERON, ISTO GUSTOUNOS MOITO.

E COMO FACÍA MOITA CALOR INCLUSO DEUNOS GUSTO POÑERNOS DEBAIXO DA MANGUEIRA PARA REFRESCARNOS. E VIMOS O ARCO DA VELLA, SI SI, UN BRIGADISTA CONSEGUIU O EFECTO DO ARCO DA VELLA COA MISTURA DA AUGA DA MANGUEIRA E DOS RAIOS DO SOL; MOITAS GRAZASSSSS

FOI UNHA ACTIVIDADE DA QUE GUSTAMOS MOITO E PROMETEMOS COIDAR OS CARBALLOS PARA QUE MEDREN MOITO

(CLICAR NA FOTO PARA VISUALIZAR OUTRAS MOITAS)

EXPERIMENTANDO E RELAXÁNDOSE

Mér, 2022-03-23 21:20 — monicas

HABÍA TEMPO QUE NON FACÍAMOS UNHA ACTIVIDADE RELAXANTE, MANIPULATIVA E PARA GOZALA, SEN INTERVENCIÓN DO ADULTO, TAN SO ACOMPAÑAMENTO E VIXIANCIA

NESTA OCASIÓN, PROBAMOS A ENCHER, VALEIRAR, TRASVASAR, TOCAR,... CON MATERIAIS COTIÁS COMO FARIÑA DE MILLO, AREA, PAN RELADO E FABAS

E DADO QUE A MESA DE EXPERIMENTACIÓN FACÍASE PEQUENA PARA PODER ESTAR TOD@S AO MESMO TEMPO, OFRECÍASE UNHA CREACIÓN PARALELA CON TAPÓNS DE DIFERENTES CORES E A AXUDA DUN OBXECTO CIRCULAR

GRAZAS ÁRBORES!!!

Lun, 2022-03-21 01:00 — monicas

PARA CONMEMORAR O DÍA DA POESÍA E TAMÉN O DÍA DA ÁRBORE, COINCIDINDO CO INICIO DA PRIMAVERA, SAÍMOS AO PATIO, BUSCAMOS UNHA ÁRBORE E SENTAMOS XUNTO DELA PARA DARLLE AS GRAZAS POR TANTAS COUSAS BOAS QUE NOS APORTAN: LIMPAN O AIRE, DAN SOMBRA, SERVEN DE CASA AOS PAXAROS, DANNOS MADEIRA PARA FACER XOGUETES E MOBLES,...) E, APROVEITAMOS A LERLLE UN PAR DE POEMAS, QUE SEGURO LLE GUSTARÁ

DESPOIS APROVEITAMOS PARA COMPARAR ALGÚN DOS TEXTOS QUE TEMOS TRABALLADO (TEXTO LITERARIO, INFORMATIVO E DE CONSULTA), PARA ANALIZAR SE TEÑEN A MESMA ESTRUCTURA, SE TIÑAN A MESMA FUNCIÓN,...

E TAMÉN APROVEITAMOS A TRABALLAR OS ELEMENTOS DUN POEMA COMO SON OS VERSOS E AS ESTROFAS, NUN POEMA TITULADO "A PRIMAVERA" DE XOÁN NEIRA NO LIBRO "UN NIÑO NO XARDÍN", E LOGO ILUSTRALO COMO CADA CRIANZA ESCOLLESE, FOMENTANDO A CREATIVIDADE E IMAXINACIÓN

RECHEANDO DE TERRA

Sáb, 2022-03-19 23:02 — monicas

OS BANCAIS PARA PLANTAR AS HORTALIZAS, QUE SE XERMINARON NAS AULAS E OUTRAS, XA ESTÁ PREPARADOS.

QUIXEMOS APORTAR O NOSO GRAN DE AREA E COLLEMOS CALDEIROS E PÁS E BOTAMOS UNHA MAN NO PROCESO DE RECHEAR OS BANCAIS DE TERRA; AÍNDA QUE O PROFE PABLO FIXO PRACTICAMENTE TODO ESTE PROCESO.

ALGO É ALGO!! E CANTA MOTRICIDADE SE DESENVOLVE CO XIRO DAS MUÑECAS!, CON ESTAS TAREFAS; ENCHER, VALEIRAR, TRANSPORTAR, APLANAR,.. QUE LOGO NOS AXUDAN NO TRAZO DAS LETRAS, POR EXEMPLO.

DESPOIS QUIXEMOS SEGUIR CON ACCIÓNS MEDIOAMBIENTAIS, E PUXÉMONOS A RECOLLER LIXO POLO PATIO.

CANDO NOS XUNTAMOS, TOS@S TRAÍAN LIXO: "QUE MAL", "OS MAIORES NON COIDAN O PATIO" "PERO HAI MOITAS PAPELEIRAS, PORQUE NON AS USAN?"...

VARIOS ERAN OS COMENTARIOS, NON ENTENDÍAN COMO HABÍA TANTOS RESTOS, NON LLES GUSTOU RECOLLER TANTO LIXO NO PATIO, NO CAL XOGARÁN O VINDEIRO CURSO.

"CANDO VEXAMOS TIRAR ALGO NO CHAN LLES DICIMOS QUE OS TIREN NA PAPELEIRA E SENÓN NOS FAN CASO O RECOLLO EU"; ERA UNHA REFLEXIÓN FEITA POR ALGUNHA CRIANZA

POUCO A POUCO, IMOS INTRODUCIR CAMBIOS QUE MELLOREN O ENTORNO E SEGURO QUE CONSEGUIRÁN TER UN AMBIENTE AGRADABLE E LIMPO NO QUE XOGAR E GOZAR!!!

PROXECTO AVES: CASIÑAS PARA OS PAXARIÑOS

Sáb, 2022-03-19 22:33 — monicas

DENTRO DO PROXECTO SOBRE AS AVES QUE ANDAMOS A TRABALLAR, QUERÍAMOS FACER UNS NIÑOS PARA PAXAROS; CON HERBAS, PAUS, FOLLAS, PLUMAS,..., PERO CONSEGUIRÍAMOS SUXEITALOS E MANTERSE NAS ÁRBORES??. FINALMENTE, EN COLABORACIÓN C@S NOS@S COMPAÑEIR@S DE NIVEL, DECIDIMOS MERCAR AS PEZAS E FACER A SÚA MONTAXE, QUE TAMÉN É UN PROCESO DE APRENDIZAXE.

COMPROBAMOS QUE ESTABAN TODAS AS PEZAS QUE SE PRECISABAN E SEGUINDO AS INSTRUCCIÓNS (TEXTO INSTRUCTIVO), COA INESTIMABLE AXUDA DE ERNESTO, CONSEGUIMOS MONTAR 2 NIÑOS QUE SITUAMOS EN DÚAS ÁRBORES DO NOSO PARQUE, E OUTRAS DÚAS PENSAMOS EN COLOCALAS NA CARBALLEIRA COLINDANTE, PORQUE CONSIDERAMOS QUE ALÍ HAI MOITOS PAXAROS E ADEMAIS ESTÁN MÁIS TRANQUILOS.

OXALÁ ALGÚN PAXARO ESCOLLA A CASIÑA PARA FACER O SEU FOGAR!!!

CASAS- NIÑO NA CARBALLEIRA COLINDANTE

CLASIFICANDO OBXECTOS REAIS

Sáb, 2022-03-19 15:24 — monicas

ANDIVEMOS A VOLTAS COS NÚMEROS, CLASIFICANDO OS OBXECTOS QUE SE APORTARON DENDE AS CASAS, NOS QUE SE ATOPAN NÚMEROS.

NESTA PRIMERIA TOMA DE CONTACTO, COÑECEN TODOS OU PRACTICAMENTE A MAIORÍA DOS OBXECTOS, ASÍ COMO PARA QUE SERVEN OS NÚMEROS QUE POSÚEN.

O QUE MÁIS LLES CHAMOU A ATENCIÓN FOI O TELÉFONO, XA QUE, FALAMOS DA EVOLUCIÓN QUE TIVO ESTE APARELLO E DOS TIPOS QUE HAI: FIXO, INALÁMBRICO E MÓVIL

RECICLAXE CON ANXO MOURE

Mér, 2022-03-16 01:34 — monicas

NESTE MARTES DÍA 15, VISITOUNOS ANXO MOURE, "O CARBALLO CON BOTAS", TAL COMO EL SE CHAMA.

VEU AO COLEXIO PARA COMPARTIR UNHA XORNADA, NA QUE NOS ENSINOU A RECICLAR PAPEL; A CONVERTIR NOTICIAS NEGATIVAS QUE BUSCAMOS EN XORNAIS, EN CORAZÓNS.

NAS HISTORIAS QUE LLES CONTOU, NAS VERBAS QUE EMPREGOU E COA AXUDA DO SEU AMIGO "PAPELIÑO", ANIMOU ÁS CRIANZAS A REXEITAR AS GUERRAS, A VIOLENCIA, OS INSULTOS, OS GRITOS,... E SER TOLERANTES, SOLIDARIOS, COMPARTIR AMOR, ALIMENTAR DE PAZ OS CORAZÓNS, PARA FACER UN MUNDO MELLOR PARA VIVIR.

E COMO NON, A SESIÓN REMATABA CON BAILE AO COMPÁS DUNHA PANDEIRETA QUE ANXO TOCOU PARA NÓS.

GRAZAS CARBALLO CON BOTAS POR ENSINARNOS A RECICLAR PAPEL E COIDAR O NOSO PLANETA!!!

CREANDO DECENAS

Dom, 2022-03-13 20:42 — monicas

CADA CRIANZA FIXO UN DECENA USANDO DIFERENTES ELEMENTOS (CORCHOS, ROTUS, MADEIRAS, BOLAS,...)

TOMANDO A SERIE NUMÉRICA DE REFERENCIA, IBAMOS CONTANDO DE 10 EN 10, AS DECENAS DE CADA CRIANZA E MARCÁNDOA NO CUADRANTE, PARA QUE FOSE UNHA ACTIVIDADE MANIPULATIVA E TOMARAN CONCIENCIA DA CANTIDADE QUE IMPLICA UNHA DECENA

FIXEMOS UN RECONTO FINAL: XUNTAMOS 14 DECENAS= 140 UNIDADES

- APROVEITAMOS AS DECENAS FEITAS PARA RESOLVER ALGÚNS PROBLEMAS MATEMÁTICOS, PLANTEXADOS NO LIBRO VIAXEIRO, QUE VAI ÁS CASAS DAS CRIANZAS

SEMANA DA PRENSA

Ven, 2022-03-11 01:00 — monicas

TAL COMO RECOLLE O CALENDARIO ESCOLAR, ANDIVEMOS TRABALLANDO CON XORNAIS, NESTA SEMANA DA PRENSA:

- CADA DÍA CHEGABA A AULA UN XORNAL DIFERENTE CO PROPÓSITO DE QUE COÑECESEN DISTINTOS,

- LIMOS AS NOVAS DA PORTADA,

- VIMOS AS DIFERENTES SECCIÓNS QUE CONTIÑA EN CADA CASO,

- DESCUBRIMOS SO UN XORNAL ESCRITO, E O RESTO EN CASTELÁN, ("PORQUE NON VALORAN O GALEGO", DIXO UNHA NENA)

- FALAMOS DALUNHAS NOTICIAS QUE CHAMABAN A SÚA ATENCIÓN E INTERESE (GUERRA DE RUSIA E UCRAÍNA, A SUBIDA DO GASOIL,...),

- COMPARAMOS A PORTADA DOS XORNAIS COA DUN CONTO, INDICANDO AS DIFERENCIAS,

- ANALIZAMOS A ESTRUCTURA DO TEXTO INFOMATIVO E IDENTIFICAMOS AS PARTES DUNHA NOTICIA,

- INVENTAMOS UN TITULAR PARA UNHA NOTICIA (ERA SOBRE AVES PORQUE ESTAMOS TRABALLANDO ESA TEMÁTICA)

- ORDENAMOS UNHA NOTICIA DADA, A PARTIR DE PARTES SOLTAS.

- VISUALIZAMOS E BUSCAMOS NOTICIAS NEGATIVAS PARA FACER UNHA ACTIVIDADE O MARTES 15 CUNHA PERSOA ESPECIAL

8 DE MARZO

Mér, 2022-03-09 00:40 — monicas

DÍA 8 DE MARZO, DÍA DA MULLER; UNHA DATA REPRESENTATIVA QUE SE CONMEMORA CADA ANO DENTRO DAS PROPOSTAS ESCOLARES

POLA NOSA PARTE, DENDE A AULA, DIALOGAMOS SOBRE A TEMÁTICA E ABORDAMOS ALGUNHAS ACTIVIDADES REFERENTES:

- CADA CRIANZA REXISTROU O QUE LLE GUSTARÍA SER DE MAIOR, LOGO FIXEMOS UNHA POSTA EN COMÚN E COMENTAMOS CAL DAS PROFESIÓNS PODERÍAN SER DESEMPEÑADAS POR UN HOME, POR UNHA MULLER OU POR CALQUERA. CHEGARON Á CONCLUSIÓN QUE, EN TODOS OS TRABALLOS PROPOSTOS, PODERÍAN TRABALLAR HOMES E MULLERES, TAN SÓ DUBIDARON EN "MECÁNICO" PORQUE NINGUÉN COÑECÍA NINGUNHA MULLER QUE TRABALLASE DE MECÁNICA, POIS OS SEUS RAZONAMENTOS SE BASEABAN EN QUE COÑECÍAN PERSOAS QUE TRABALLABAN EN PROFESIÓNS QUE COMENTARON.

- COMENTAMOS QUE MULLERES ERAN IMPORTANTES PARA CADA UN E O MOTIVO (A NAI/ A AVOA/ A MADRIÑA/ A IRMÁ PORQUE LLE QUEREN, PORQUE LLES COIDAN, PORQUE LLES DAN AGARIMO, PORQUE TRABALLAN PARA TER CARTOS E COMPRAR COUSAS NECESARIAS,...).

LOGO DECORARON UN BANDERÍN CON LETRAS DE RECHEAR COA DATA CONMEMORATIVA E TAMÉN UN DEBUXO DAS MULLERES IMPORTANTES EN CADA CASO, E/OU CO DEBUXO DO SÍMBOLO FEMININO.