Contido popular

Título	Resumo
Os teus superpoderes están dentro de ti: descúbreos	O curso escolar 2020/2021, a aula de 6º de Educación Primaria, decidiu centrar o seu traballo cuxo obxectivo principal é que o alumnado sexa capaz de coñecer e identificar as súas emocións e interpretar os seus sentimentos e así poder xestionalos como instrumento de mellora da convivencia cos demais sendo una das ferramentas fundamentais para mellorar o autoconcepto e a autoestima. dentro do PDI xeral do CEIP Manuel Sueiro, co título *“Os teus superpoderes están dentro de ti: descúbreos”. O obxectivo xeral centrouse en que Que o alumnado sexa capaces de coñecer e identificar as súas emocións e interpretar os seus sentimentos e así poder xestionalos como instrumento de mellora da convivencia cos demais e como ferramenta para mellorar o autoconcepto e a autoestima. O traballo desenvolveuse a través dunha por semana, cunha duración de 50 minutos. A metodoloxía centrouse nunha metodoloxía activa e do descubrimento guiado, para que o alumno sexa capaz de construír as súas propias aprendizaxes de maneira autónoma. Apoiarémonos na maioría das actividades de soporte escrito, priorizando en todo momento o traballo a través da comunicación oral, axustándonos ás características do alumnado. As actividades realizadas ao longo do curso foron as seguintes: 1º trimestre:* Lectura do libro: No soy un penoso. Editorial SM. Actividades: A miña Autobiografía. Escala de emocións: A Escala de emocións: Escala de emocións: As emocións nos poden axudar ou prexudicar. 2º trimestre: Lectura do libro: Y de regalo... ¡Superpoderes!. SM. Actividades: Cambiando a comunicación interna. Os pensamentos negativos: Ao lixo. Aprendemos a dicir non. O resto das persoas tamén senten: a empatía. Que podemos mellorar. Temos dereito a confundirnos. 3º trimestre: Lectura do libro: ¡Al ataque!. SM. Actividades: Situacións positivas e negativas. Como actividade de conclusión: Acróstico de elementos positivos de cada un de nós. Como conclusión, destacar que cando as persoas dialogan e saben escoitar e poñerse no lugar dos outros, é indiscutible os resultados melloran así como a convivencia e relación cos demais. A valoración do traballo foi en aumento ata o punto de pasar, dunha estratexia de motivación e de resolución de problemas, a darlles capacidade para tomar decisións, planificar e conducir os mesmos procesos dos que son protagonistas.
Formación de usuarios
Aloha Hawaii	Se seguistes as nosas andanzas o curso pasado, as messages in the bottles que enviamos ao mundo chegaron moi lonxe. E como o sabemos? Porque recibimos resposta. Unha resposta que chegou desde MOLOKA, “The friendly island”. E ben lonxe que está, en HAWAII! Desde alí, NEHELE e KAILANI escribíronnos unhas mensaxes que nos encheron de ledicia. Tamén enviaron uns libros para coñecer mellor o arquipélago de HAWAII, e uns bonecos que practican o seu deporte favorito, SURF. Pois xa temos o noso proxecto en camiño. Non perdades a nosa estela no mar.
Coidemos a nosa vida coidando o medioambiente	COIDEMOS A NOSA VIDA COIDANDO DO MEDIOAMBIENTE Abrir presentación a tamaño completo
Auga, cada pinga un tesouro	Comezamos a nosa colaboración con UNICEF o curso pasado, cando grazas á súa campaña de vacinas para a paz, convertémonos en axudantes dunha vacinación tan necesaria. Este curso, de novo, desenvolvemos algunhas actividades a prol do medio ambiente, con materiais facilitados por UNICEF. Do 25 de outubro ao 5 de novembro, temos no cole a disposición da comunidade educativa unha exposición de 10 paneis que axuden a tomar conciencia da necesidade de non malgastar auga, e entender que a mesma é fonte de vida. Cada curso debateu sobre o que a exposición lles facía sentir e reflexionou sobre a mensaxe. Ao longo da semana, cada un dos nenos e nenas escribirá nunha pinga de auga as súas reflexións sobre a exposición, co fin de elaborar un libro colaborativo sobre o tema. Enviaremos a actividade ao comité de UNICEF en Galicia ao remate da mesma, agradecéndolles que nos faciliten os materiais dos que dispoñen, no nome de Marta Andrade Blanco.
Hora de ler: "Cocorico"	Ao longo deste curso os nenos e nenas de 2º de Educación Primaria imos traballar no Club de lectura e na Hora de ler cos nosos contos favoritos. O primeiro conto foi escollido por Marco: "Cocorico" de María Luisa Núñez. Cocorico é unha adaptación libre dunha historia tradicional birmana sobre a necesidade de escoitar bos consellos, o importante que é cumprir as promesas e o difícil que é aprender a compartir. Despois de moitas lecturas e de traballar os personaxes (como falan, como se moven...) fomos a realizar unha representación ás aulas de Educación Infantil. Foi unha experiencia estupenda, xa que tod@s quixeron participar e disfrutaron moito. Estamos desexando volver a repetir!!
Lecturas para o Nadal 2021	Xa chega o Nadal! e a nosa biblo vaino celebrar! E que mellor maneira que os libros empregar e material de refufallo poder reutilizar. A que non adiviñades con que están feitas as campaíñas da árbore de Nadal? Na biblio preparamos unha exposición cos fondos documentais que tratan sobre o Nadal e que podedes levar en préstamo para as vosas casas. Asemade, na presentación de máis abaixo, Leo deixavos unhas recomendacións lectoras para estas Festas de Nadal. Esperámos que sexan do voso agrado!!
Encontros con Andrea Maceiras	O venres, 4 de febreiro, realizamos a actividade encadrada dentro da XXXII CAMPAÑA DE ANIMACIÓN Á LECTURA, promovida pola Concellería de Educación do concello de Ourense, que leva por título Encontros co autor/a. Este ano a elixida foi a autora Andrea Maceiras que nos veu a falar do seu libro “A folla azul” que previamente traballamos no noso Club de lectura nos meses de decembro e xaneiro. O libro *A folla azul* relata a historia dun mundo verde así como o fogar de moitas tribos indíxenas que viviron alí desde o inicio dos tempos. Relata a historia de Husu Aké, membro da tribo dos Tacaré, filla da Nai Terra e habitante do mundo verde. Andrea Maceiras presentounos o seu libro a través dunha presentación que nos fixo reflexionar sobre a natureza. Logo tivemos a oportunidade de facerlle preguntas sobre o seu libro. E para rematar as sinaturas adicadas dos nosos libros. Foi un enorme pracer ter connosco a Andrea Maceiras e xa estamos agardando a que escriba o seu próximo libro.
Mulleres importantes nas nosas vidas	Ao longo da semana do Día da Muller realizamos no cole diversas actividades educativas que buscaban pór de manifesto a loita das mulleres pola igualdade e o recoñecemento e exercicio efectivo dos seus dereitos na busca dunha igualdade real. O equipo de biblioteca realizou unha exposición de fondos que abordaban dalgún xeito esta temática. Asemade, organizouse a elaboración dun gran cartaz no que a comunidade educativa fixo unha homenaxe ás mulleres máis importantes na súa vida, aportando carteis cos seus nomes e imaxes desas mulleres. O resultado podédelo ver na galería de imaxes, na presentación de máis abaixo e na imaxe do cartaz. O alumnado, tamén reflexionou sobre as mulleres máis importantes da súa vida e a maioría coincidiu e que foi a na súa nai. As nenas e nenos de 2º de E.P, para facerlle un pequeno agasallo, fixeron un banderín debuxando o retrato delas e escribíndolle algo que lle saíra do corazón. Na hora de ler, escolleron o conto ¡Vivan as uñas de cores! Unha historia real que serviu de inspiración ás escritoras e unha bandeira literaria para falar de igualdade. Preme aquí para ver a pantalla completa
Exposición de instrumentos musicais	Na área de música, o alumnado de 3º, 4º, 5º e 6º de Educación Primaria construíu ao longo do mes de marzo instrumentos musicais, elaborados todos eles con material de reciclaxe, dentro das actividades previstas no PDI deste curso. Cos traballos presentados, realizaron unha exposición permanente na biblioteca do centro á que pode acceder toda a comunidade educativa.
Charlie y la fábrica de chocolate	O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como primeiro libro “Chalie y la fábrica de chocolate” de Roal Dahl da editorial Alfaguara Juvenil. LIBRO 1º: Charlie y la fábrica de chocolate de Roald Dahl da editorial Alfaguara Juvenil. O libro foi traballado ao longo do 1º trimestre do curso escolar 2021/2022 e conta a historia de Charlie Bucket un neno que vive cos seus pais e os seus avós maternos e paternos nunha casa. Son pobres e pasan fame e frío, sobre todo cando o seu pai é despedido do seu traballo. Charlie e o seu avó Joe soñan con visitar a Fábrica de chocolate de Willy Wonka, que leva anos pechada ao público para evitar espionaxe industrial, e o soño farase realidade. Willy Wonka, o dono da fábrica, pon en circulación dentro das súas barras de chocolate, cinco billetes dourados, que poden estar en calquera barra de chocolate, en calquera tenda, e en calquera país. Estes permitirán, aos cinco nenos ou nenas que os atopen, visitar esta fábrica, levar un cargamento de chocolates e lambetadas para sempre e, ademais, o gañador recibirá un premio moi especial. Augustus Gloop, Veruca Salt, Violet Beauregarde, Mike Tevé e Charlie Bucket son os afortunados gañadores. Todos entran cos seus pais, menos Charlie, que vai acompañado polo avó paterno Joe. Unha vez dentro descobren da man de Willy Wonka un marabilloso mundo de chocolate e lambetadas. Cada un dos nenos e nenas vai saíndo da fábrica por mor das súas teimas, defectos e mala educación. Augustus Gloop non pode coa gula, cae a un río de chocolate, e é absorbido por un tubo que o leva fóra do recinto. Violet Beauregarde, a obsesiva mascadora de chicle e competidora incansable, convértese nun arando por probar un chicle experimental con gusto a unha comida completa de dous pratos e sobremesa que aínda seguía en proba. Veruca Salt, nena mequeira e consentida que non para de pedir e esixir, é lanzada ao buraco dos desperdicios por uns esquíos ao tentar levar unha e Mike, agresivo e adicto á televisión, convértese nun pequeno personaxe de televisión ao que han de alongar como a un chicle para que volva ter un aspecto minimamente normal. E por fin só queda na fábrica Charlie, o gañador. O premio é a fábrica: o señor Wonka faise maior e quere un herdeiro. Charlie pensa que non poderá facelo, porque a súa nai estrañaría aos avós e non entrarían todos no ascensor de cristal. Pero Wonka di que si é posible, así que recollen a toda a familia, métena no ascensor de cristal e vanse todos a vivir á fábrica. Despois da lectura do libro o alumnado traballou a súa comprensión a través de diferentes actividades: Actividade 1. En canto comezamos a ler, descubrimos que a familia de Charlie é moi humilde e pasa necesidades. O señor Bucket era o único que tiña un emprego e, aínda que non era suficiente, non morrían de fame. A situación empeora cando a fábrica na que traballaba crebou e tivo que pechar. Con esta actividade preténdese que o alumno comprenda a gravidade do desemprego e tome conciencia de que é un tema de plena actualidade, contra o que debe enfrontarse a sociedade actual. Actividade 2. O feito de que non se vexa a traballadores entrar e saír da fábrica de chocolate fai que se cre misterio sobre quen traballará alí. Pediremos aos alumnos que pensen niso e que nos ofrezan as súas ideas respecto diso. Trátase de que poñan en xogo a súa creatividade formulando conxecturas e relátennos unha posible historia. Actividade 3. Preguntamos aos alumnos o nome dos cinco nenos afortunados cos billetes dourados, e pedímoslles que os caractericen. Trátase de comprobar se identificaron e saben distinguir aos personaxes que interveñen na lectura, desta maneira detectaremos posibles erros e poderemos aclaralos. Actividade 4. É conveniente que, unha vez lido Charlie e a fábrica de chocolate, fagamos entender aos alumnos que se trata dunha narración e que, como tal, presenta unhas características determinadas en canto á súa estrutura. Despois, coa finalidade de saber se o entenderon, farán a división do contido en formulación, nó e desenlace. Actividade 5. O tema da pobreza de Charlie e a súa familia suponse que debe impresionar aos nosos alumnos polo lonxe que queda, á maioría, ese mundo, e o inmersos que están nunha sociedade cento por cento consumista. Pero no libro entrecrúzanse outros temas: a glotonería, os caprichos de nenos consentidos, a televisión... Centrarémonos en guíar aos alumnos para que os descubran e coméntenos, coa finalidade de desenvolver a súa capacidade crítica. Actividade 6. Nesta actividade expomos unha cuestión de vocabulario. Consiste en que os alumnos recompilen palabras que pertenzan ao campo semántico «chucherías», xa que na historia hai moitas referencias a todo tipo de lambetadas. Actividade 7 Un dos obxectivos que perseguimos coa lectura é que os nenos aprendan a expresarse con corrección. Por iso, cremos oportuno suxerirlles que se imaxinen no papel do avó de Charlie e que conten a un grupo de nenos pequenos como transcorreu a visita á fábrica de chocolate. Así, poderemos comprobar a súa forma de expresión e a capacidade de síntese, sen esquecer a estrutura que debe ter a súa narración. Actividade 8. Os Oompa- Loompas exprésanse con longas tiradas de versos. Moitos deles son pareados nos que vai cambiando a rima. Parécenos conveniente que se explique aos alumnos esta construción métrica de dous versos. Unha vez entendida poderán tentar escribir algún. Desta maneira, poñeremos a proba a súa creatividade. Actividade 9. Os misteriosos traballadores do señor Wonka son uns diminutos homiños chamados Oompa-Loompas. Os alumnos aprenderán onde viven, os seus costumes e modos de vida e as súas características físicas. Tras o labor de investigación, poñeranse en común todos os datos. Actividade 10. Pídese aos alumnos que debuxen os obxectos que describiron na actividade DONO POR UN DÍA. Desta maneira, unha vez que desenvolveron a súa imaxinación, preténdese desenvolver as súas habilidades como debuxantes. Trátase dunha actividade divertida e entretida. Tamén se lles pode suxerir que debuxen unha torta ou pastel de aniversarios cun motivo de chocolate orixinal, por exemplo, un tren de chocolate, un galo... Actividade 11. Unha das calidades de Charlie, quizá a máis sobresaliente, é que é un neno extremadamente xeneroso. Parécenos que será moi positivo que os alumnos observen a súa actitude e pensen nela tendo en comta as circunstancias que o rodean. Chama gratamente a atención que un neno sexa xeneroso, pero se ademais é pobre, resulta sobrecolledor. Tal actitude pode provocar reaccións positivas nos alumnos. Actividade 12. Vémola reflectida na obra na forma de proceder de Charlie: cóidase para non fatigarse, xa que non debe gastar as súas enerxías. Esta actitude reflicte madurez e parécenos conveniente que os alumnos a valoren. Actividade 13. Das cancións dos Oompa- Loompas sempre se aprende algo. Agora fixarémonos na crítica que fan á televisión. Impide pensar aos nenos e tamén ler. A Mike Tevé hao trastonado. Pódese organizar un debate en clase para facer recapacitar aos nenos nas consecuencias negativas de ver tanta televisión. Actividade 14. O señor Willy Wonka elixiu a esta raza humana porque non confía na súa. Pode intuírse un indicio de superioridade pola súa banda ao facer esta selección. El mesmo tróuxoos de África e, segundo di, mellorou a súa forma de vida. Fíxolles unha proposta e eles aceptaron. Ata aí parece razoable, pero o modo de transportalos non nos parece adecuado. Faremos reflexionar aos alumnos sobre iso. As actividades realizadas durante a semana do 29 de novembro ao 10 de decembro de 2021 concluíron coa realización dos debuxos sobre o conto.
Mochilas viaxeiras	No curso escolar 2021/2022 o alumnado de 5º curso utilizaron dúas mochilas viaxeiras que foron intercambiadas cada quince días durante todo o curso. O traballo de alumnado queda reflectido nos debuxos que se acompañan nos libros configurados para elo. As mochilas viaxeiras permiten ao alumnado un préstamo por un período de quince días, para compartir coas familias o contido da mesma. O contido do material foi escollido polo titor de 5º curso, supervisado pola biblioteca e procurando que teña a maior variedade de textos e formatos para que o alumando poida elixir. Acompañan a estes materiais “O diario da mochila” no que, tanto os nenos/as como as súas familias, aportan a súa opinión, novas creacións, debuxos, achegas, …, sobre o contido da mochila. O material que acompaña a mochila do alumando de 5º curso de Educación Primaria foi o seguinte. 1º mochila: Lingua Galega. Kika Superbruxa no Castelo de Drácula. Ed. Bruño. Lingua castelá. Los forasteros del tiempo. La aventura de los Balbuena y el pequeño ganster. Ed. SM. Reportero DOC. Nº 271 Nº 269 Papagaio nº 9. 2º mochila: Lingua Galega. Kika Superbruxa e no país de Liliput. Ed. Bruño. Lingua castelá. Perrock holmes. Se ha escrito un secuestro. Ed. Montena. Reportero DOC. Nº 270 Nº 272 Papagaio nº 6. Como conclusión, destacar que ler en familia é unha actividade moi divertida que axuda a entrelazar lazos entre os pais e nais e os seus fillos e fillas enriquécenos a todos. Ademais, a lectura enriquece intelectualmente aos nenos e nenas, estimulando a súa imaxinación, a capacidade para resolver problemas, a memoria e a linguaxe, axúdalle a coñecer o mundo no que vive e impúlsalle a querer saber máis. Comentando as lecturas que facemos todos xuntos podemos reflexionar sobre o lido, os valores do libro infantil e xuvenil que escollésemos, explorando nosos propios sentimentos. É, en definitiva, unha axuda na educación dos nosos fillos, polo que é importante proporcionarlle ao alumnado lecturas estimulantes, acompañalos no descubrimento do pracer da lectura, sendo un hábito moi saudable e cheo de beneficios.
Os tres RRR	Durante o mes de febreiro de 2022 o alumnado de 5º de Educación Primaria afondou no estudo da eficiencia enerxética centrándose na reciclaxe, redución e reutilización se levaron a cabo diversas actuacións. Traballo con conceptos relacionados coa eficiencia enerxética. A redución de produtos, reciclaxe e reutilización. As actividades que se levaron a cabo foron as seguintes: Intentar reducir un 10% o consumo de papel no CEIP Plurilingüe Manuel Sueiro. Reciclar lixo producido no centro educativo. - Papel (contedor azul). - Iogures e envases do recreo e do comedor (contedor amarelo). Reutilizar diversos elementos de refugallo para crear producións. - Elaboración dun mural que se atopa na porta do colexio con tapóns. - Elaboración dun maio con produtos de refugallo. Realización de carteis informativos sobre o uso dos medios de transporte públicos.
Plantando árbores	Durante o mes de marzo de 2022 o alumnado de 5º de Educación Primaria afondou no estudo da eficiencia enerxética centrándose na redución da produción de dióxido de carbono e como un dos elementos básicos é a plantación de árbores. Traballo con conceptos relacionados coa eficiencia enerxética. A do dióxido de carbono. Plantamos árbores. As actividades que se levaron a cabo foron as seguintes: Traballo a través do libro “Quen roubo o inverno”. Plantar un ameneiro no exterior do colexio. Realización de carteis informativos sobre o beneficio de plantar árbores.
Xa non son malo	Ao longo do 1º trimestre e parte do 2º trimestre, o alumnado de 4º de Educación Primaria traballou o libro Xa non son malo! de Paula Merlán e Blanca Millán publicado por Antela Editorial. Xa non son malo! é unha fermosa historia sobre a natureza, pois nela faise fincapé no desenvolvemento de actitudes de respecto ao medio ambiente ao tempo que se propoñen accións para o seu coidado. Así mesmo, póñense en valor as relacións dos membros dunha comunidade co seu entorno natural máis próximo. É tamén unha historia sobre a amizade, sobre as relacións que se establecen entre os membros que forman parte dun mesma comunidade e, neste contexto, subxace a idea das segundas oportunidades: a posibilidade de liberarse de etiquetas e de romper con estereotipos tradicionais como forma de eliminar prexuízos e roles asociados a elas. O libro conta a historia de dous compañeiros Lobo Feroz e Ourizo Rufo quenes comparten vivenda e traballan e realizan actividades a prol do coidado e da conservación do medio no que viven: as Fragas Floridas. Xuntos, axudan a evitar incendios, limpan os bosques, seleccionan e reciclan o lixo, consomen produtos da terra… Malia todo, Lobo Feroz non está moi ben visto: a fin de contas é un lobo e os lobos, por natureza, son malos. Mais iste non é o caso, Lobo non se comporta segundo os estereotipos que lle veñen asociados. De feito, ao longo de todo o texto, Lobo afánese por conseguir que Lobiña Sorriso -de quen está profundamente namorado- mude a opinión que ten del. Lobo, de cativo, foi trasno, incluso “malo”, pero agora xa non o é (de aí o título do libro). A súa teima é conseguir que Lobiña Sorriso vexa tamén que é bo. Despois de diferentes sucesos nos que Lobo Feroz axuda poñendo en risco a súa vida, Lobiña cambia de opinión e dase conta que as segundas oportunidades son necesarias. Actividade 1: Descubrimento O alumnado chega un día ao colexio e atópase enriba das mesas un paquete de papel de xornal: o libro. Ábreno e descubren a maqueta que hai no envoltorio. Despois, ben o libro. Esta actividade nos permite introducir o tema do coidado do medio ambiente, ao falaren, por exemplo sobre a embalaxe de agasallos, sobre a practicidade de usar o envoltorio (de cartón) para darle outro uso: unha maqueta. Esta actividade foi de expresión oral, fixemos unha chuvia de ideas sobre o que significa coidar o medio ambiente e sobre pequenas accións (como envolver un agasallo) que eles poden facer a diario. Actividade 2: Lectura Lectura individual silenciosa, lectura grupal en voz alta e lectura grupal dramatizada. Actividade 3: A creación de libros Intercambiamos información e coñecementos sobre a creación de libros: o traballo dos autores, dos editores, dos ilustradores… sempre partindo da información que atopamos no libro. Ademais, falamos sobre os tipos encuadernación, a maquetación, as edición, os rexistros, os datos que aparecen nos libros, o custo, a maquinaria, o tipo de papel… Actividade 4: Maqueta Montaron a maqueta da casiña que viña no envoltorio. Unha vez montada, cada un a decorou ao seu gusto. Actividade 5: Caderniño O conto vén cun marcapáxinas e cun caderniño de actividades que o alumnado foi realizando en diferentes momentos. Actividade 6: Versionando o conto Coincidindo co traballo de contidos da aula, o alumnado fixo a versión deste conto en poesía, creando, entre todos a versión en verso do conto. Actividade 7: Ilustración Realización de debuxos para ilustrar a versión en poesía do conto, que será entregada a final de curso para a biblioteca do centro. Actividade 8: Produto final Aos poucos, a rapazada foi elaborando debuxos e textos que tiveron como resultado final Xa non son malo! en poesía, libriño feito polo alumnado de 4º para agasallar á biblioteca do centro.
Luume!	Durante a metade 2º trimestre, o alumnado de 4º de Educación Primaria traballou o libro *Luuume!* escrito por Andrea Freire e ilustrado por Laura Miranda Moreno para Antela Editorial. Este álbum ilustrado narra a historia de Misto, achegándonos á súa personalidade. O pequeno Misto está sempre enfadado. Cando sente rabia e malia que o intenta, non consegue controlarse. De feito, cada vez que o embarga a ira, acéndese e prende a chispa. Tanto a súa familia (mamá Pinza e papá Tapón) como as súas amizades (Mestra Nobelo, Resorte, Botón e Parafuso) tentan axudalo, pero mentres Misto non sexa quen de xestionar a súa ira, non poderá autocontrolarse e gozar. Este magnífico álbum presenta – de forma moi atractiva- valores tan necesarios como o autocoñecemento e o autoconcepto, imprescindibles para conseguir a aceptación da propia personalidade e un autocontrol das emocións. Non estamos ante un “típico” libro de emocións, pois tanto historia, como a selección de personaxes (obxectos da vida cotiá), a tipografía e as ilustracións, axudan a achegarse de forma sinxela e motivadora a temas difíciles de explicar e de comprender. Actividade 1: Lectura Lectura individual en voz baixa, lectura grupal en voz alta e lectura grupal dramatizada. Actividade 2: Emocións e autoconcepto Análise do contido da historia para traballar diferentes emocións e ideas como o autoconcepto e mecanismos de autocontrol. Traballamos ademais a expresión plástica para plasmar como se vían eles mesmos cando estaban rabiosos e desenvolvemos mecanismos para intentar autocontrolarse e recuperar a calma. Actividade 3: Análise das personaxes Análise das personaxes para chegar ao concepto de autoaceptación das características propias de cada un. Elaboraron un libriño coas personaxes do conto. Actividade 4: Contacontos e taller coa escritora do conto Como actividade final, o alumnado de 4º asistiu a unha sesión na que a escritora do libro veu facer unhacontada. Despois, fixeron un taller sobre “autocontrol” no que traballaron a respiración e o autocontrol e elaboraron á personaxe principal da obra, Misto, con materiais de aproveitamento.
Caza do tesouro no Día das Letras Galegas	Na semana posterior ao Día das Letras Galegas realizamos no patio do cole unha Caza do tesouro organizada polo EDL e coordinada polas profes Marta e Mara, co fin de repasar os contidos traballados ao longo do mes de maio en relación a Florencio Delgado Gurriarán. Organizamos dous itinerarios, un destinada ao alumnado de Ed. Infantil e 1º e 2º de Ed. Primaria e outra destinada ao resto dos cursos. En ámbalas dúas, empregáronse materiais elaborados polo seminario Galán e materiais propios do EDL do centro, para elaborar as diferentes pistas que ían orientando aos diferentes grupos ata chegar á recompensa final que consistía nunha letra maiúscula cun número. Unha vez finalizados os dous itinerarios, realizamos unha posta en común coas recompensas obtidas na caza do tesouro para formar unha frase coas letras obtidas na recompensa e ordenadas segundo o número que tiñan cada unha. O resultado da combinación de todas as recompensas foi o seguinte: FLORENCIO DELGADO GURRIARÁN, POETA Caza do tesouro de Ed. Infantil e 1º e 2º de Ed. Primaria Caza do tesouro de 3º, 4º, 5º e 6º de Ed. Primaria
Aniamigos, sempre ao noso carón	Neste curso, o P.D.I. do centro ten como lema O SUEIRIÑO A DIVERSIDADE RESPECTA, TRABALLEMOS XUNTOS A PROL DO PLANETA! e céntrase na temática medioambiental e dende a aula de primeiro desenvolvémolo centrándonos na necesidade de educar aos cidadáns desde pequenos para favorecer o desenvolvemento dunha conciencia ecolóxica que lles leve a comprender a estreita interrelación que existe entre os animais e as persoas, e a necesidade de coidalos e protexelos para contribuír a unha sociedade máis sostible e habitable para todos. Desta forma favorécese o desenvolvemento integral do alumnado e impúlsase a súa vinculación e compromiso co coidado e protección da contorna natural e os seres que o habitan, así pois xurdiu “ANIAMIGOS: sempre ao noso carón” Obxectivos xerais Coñecer e valorar os animais máis próximos ao ser humano e adoptar modos de comportamento que favorezan o seu coidado. Deseñar e poñer en marcha iniciativas que favorezan a aprendizaxe de valores de respecto, empatía e responsabilidade no coidado dos animais. Promover novos modelos de relación baseados no coidado e protección dos animais. Obxectivos específicos Coñecer as características e beneficios que os animais achegan á vida das persoas. Describir as sensacións que experimenta o alumnado ao tomar contacto cos animais. Identificar as accións positivas emprendidas polos seres humanos cos animais. Valorar o trato negativo que algunhas persoas deparan aos animais. Coñecer e implicarse no coidado dun animal de maneira responsable. Relacionarse e interactuar con animais de maneira empática e respectuosa. Representar, a través de dramatizacións, características e vida de diferentes animais. Contidos: Relación dos animais co medio. Accións para o coidado do medio. Nocións de coidado de animais de compañía. Observación e identificación de animais. Identificar características dos animais Animais en perigo de extinción. Contribución ás competencias básicas e transversais e competencias claves da unión europea O desenvolvemento desta unidade contribuirá ao desenvolvemento do conxunto das competencias básicas e competencias claves definidas no marco normativo, en especial as competencias sociais e cívicas (CSC) xa que implica coñecementos que permitan comprender e analizar condutas e procesos de cambio. Tamén inclúe manifestar o sentido da responsabilidade e mostrar comprensión e respecto dos valores compartidos necesarios, neste caso sobre o medio e os animais. Temporalización Durante todo o curso en sesións de 50 minutos, unha por semana. Metodoloxía Traballaremos a través dunha metodoloxía activa e do descubrimento guiado, para que o alumno sexa capaz de construír as súas propias aprendizaxes de maneira autónoma. Apoiarémonos na maioría das actividades de soporte visual, priorizando en todo momento o traballo a través da comunicación oral, axustándonos ás características do alumnado. Criterios de avaliación Coñecer o medio. Recoñecer animais e as súas características. Entender a necesidade do coidado do medio como hábitat de todos. Identificar os coidados de animais de compañía. Recoñecer os animais en perigo de extinción. Valorar a importancia do medio. Indicadores de logro ou desempeño Diferencia os bens achegados por distintos animais. Identifica a cada animal polo son que emite. Distingue a pegada de diferentes animais. Identifica as características de distintos animais. Describe as sensacións que experimenta ao tomar contacto cos animais. Recoñece as accións positivas emprendidas polos seres humanos cos animais e o medio. Valora criticamente os malos tratos animais. Recoñece os diferentes coidados que necesita cada animal. Relaciónase e interactúa cos animais e o medio de maneira empática e respectuosa. Representa, a través de dramatizacións, características e vida de diferentes animais. As actividades realizadas ao longo do curso foron as seguintes: 1º trimestre Presentación de “Aniamigos”. Nesta actividade o alumnado coloreou o debuxo representativo do traballo que vamos a levar a cabo este curso. Choiva de ideas. Nesta actividade entre todos os alumnos fixeron unha choiva de ideas sobre os animais e o que saben, así como que máis cousas lles gustaría saber sobre eles para así traballar desde o seu centro de interese. Animais domésticos. Nesta actividade falamos das diferencias entre animais domésticos e salvaxes e centrándonos nos de granxa vimos algunhas características sobre todo alimentación e reprodución. Xogo das parellas. Nesta actividade xogamos a buscar as parellas agochadas nunhas cartas sobre os animais de granxa. Coidados dos animais de compañía. Nesta actividade falamos e puxemos en común os coidados que necesitan as mascotas que podemos ter con nós na casa, para concienciarnos que dependen de que os coidemos e elaboramos unha serie de “coidados a seguir”. Debuxamos a nosa propia granxa. Nesta actividade para rematar este apartado de animais de granxa, os nenos debuxaron a súa propia granxa cos seus animais. 2º trimestre Animais mariños. Nesta actividade afondamos sobre os coñecementos que tiñan os alumnos sobre animais mariños e vimos que características presentan. Bingo mariño. Nesta actividade o alumnado xogou a un bingo sobre animais mariños para traballar de forma lúdica o vocabulario. Animais dos polos. Nesta actividade o alumnado descubriu algúns animais do polo e as características que teñen para vivir nestas zonas. Creamos os nosos propios polos. Nesta actividade o alumnado fixo os polos con un par de experimentos e tamén fixo os animais que habitan neles con pasta de modelar. Animais do deserto. Nesta actividade o alumnado reflexiona sobre os animais que viven no deserto así como nas diferencias que teñen con outros animais doutras zonas xa vistos. O dromedario. Nesta actividade o alumnado centrouse en aprender vocabulario e características propias deste animal. 3º trimestre Para este terceiro trimestre quixemos centrarnos nos animais en perigo de extinción e para iso levamos a aula varios libros sobre o tema para que os nenos os puideran consultalos. Os libros son os seguintes: ¿Nos ayudas? ¡Salvemos a los animales en peligro de extinción! Autora: Grete Garrido. Animales en peligro de extinción explicados a los niños. Autores: Sandrine Sihol y Gaelle Guerive. Cuentos sortos de animales en peligro. Autor: Jordi Sierra i Fabra. Amigos asombrosos en peligro: Abecedario de animales en peligro de extinción. Actividades: Lectura de “¿Nos ayudas? ¡Salvemos a los animales en peligro de extinción!” Autora: Grete Garrido. Nesta actividade o alumnado vai lendo cada semana sobre un animal en perigo de extinción do que despois fan un debuxo. Mapamundi. Nesta actividade o alumnado vai colocando sobre o mapamundi os animais sobre os que vamos lendo. Reflexión final sobre a importancia dos seres vivos. Nesta actividade pretendemos reflexionar sobre os animais e a súa importancia para nós e como debemos coidalos. Avaliación: Foi continua, baseada na observación diaria, mediante a recollida de datos segundo un rexistro de ítems. Como conclusión, destacar a importancia que teñen os animais no medio así como para o coidado desde e a importancia de formar a os alumnos como futuros cidadáns responsables no coidado e respecto cara eles.
Memoria gráfica da biblioteca curso 2021/202	Preme aquí, para ver a tamaño completo
Hora de ler en 6º de EP	No presente curso escolar 2021/2022, a hora de ler, en 6º curso de Primaria, realizouse todos os días en horario de 12:00 a 12:30 horas, tendo como obxectivo prioritario Contribuír ao fomento do gusto pola lectura e incluídos dentro do programa Clube de Lectura. A configuración da hora de ler estivo deseñada polo titor D. José Antonio Regal Vázquez e por Dna. María Pilar Iglesias Gómez , centrándose nos seguintes obxectivos: Mellorar a lectura (comprensión e expresión lectora). Afianzar valores (amizade, verdade, respecto, empatía,...). Favorecer a expresión plástica. Coñecer e valorar a importancia do noso entorno e do planeta. Coñecer e aceptar a propia identidade. Valorar a amizade e o compañeirismo. Ampliar o vocabulario a través dos contos. Actuar con autonomía na vida cotiá e nas relación de grupo. Actividades. Ler o conto en distintas versións (lectura en voz alta e en voz baixa) Dramatizar algún episodio do conto. Colorear debuxos do conto. Escoitar o conto. Traballamos coa prensa analizando noticias. Comprobamos, asemade, como a mesma noticia pode ser interpretada de diferentes xeitos dependendo da persoa que a lea. Temporalización. Na hora de ler, que se realizou todos os días utilizáronse os seguintes libros: 1º trimestre: libro común a todos os nenos e nenas. A folla azul de Andrea Maceiras da editorial Xerais. O libro foi traballado nos meses decembro, xaneiro e febreiro do curso escolar 2021/2022 e conta a historia da Amazonia que é un mundo verde e único. Husu Aké salvou a súa xente, pero algo nela cambiou para sempre. A nena acabará deixando a aldea para vivir coa familia branca. Alí converterase en avogada e nunha activista polos dereitos dos pobos indíxenas. Unha vez traballado o libro , os alumnos realizaron un CONCURSO DE ANIMACIÓN Á LECTURA, sobre os temas tratados no libro, que servirán de complemento ás actividades propostas en relación ao noso Proxecto Documental Integrado “ O Sueiriño a diversidade respecta, traballemos xuntos a prol do planeta”. 2º trimestre: libros comúns a todos os nenos e nenas. Alguén roubou o inverno. Editado pola Deputación de Ourense . Conta a historia da Ecopanda, un grupo formado por cinco adolescentes e un robot, que traballa pola conservación da natureza. *Cuentos para niños y niñas que quieren salvar el mundo* de Carola Benedetto y Luciana Ciliento. O libro traballouse nos meses febreiro , marzo e nas dúas primeiras semanas de abril do curso escolar 2021/2022 e versa sobre distintas personalidades que traballaron a prol do noso planeta facendo , en forma de conto, unha pequena biografía de cada un deles . 3º trimestre: libro común a todos os nenos e nenas. Palabras de auga de Marcos Calveiro. Ed. Merlín. O libro traballouse neste 3º trimestre e relata unha viaxe ao interior do continente africano . da súa cultura e das duras condicións de vida ás que se ven sometidos os membros do clan Wataki da tribu dos Kimba. Como remate ao traballo realizado organizamos un novo CONCURSO DE ANIMACIÓN Á LECTURA sobre devandito libro e as actividades con el relacionadas. Tu planeta te necesita de Philip Bunting. O libro traballouse dentro da hora de ler e como complemento ás actividades relacionadas co noso PDI , sendo unha guía optimista para reducir, reciclar, reutilizar e renovar.
Coñece a túa cidade	O 8 de xuñoOs nenos e nenas de Ed. Infantil visitaron coa axuda de Martiño os lugares máis importantes da nosa cidade. Martiño recibiunos nas Burgas e desde alí guiounos nun percorrido pola Praza Maior, a Catedral e a Praza de San Martiño contaándonos historias moi divertidas. Como nos portamos moi ben, rematamos a excursión no Parque da Alameda. Que ben o pasamos!!
ONCE SUEIRIÑ@S EN MADRID	Despois do esforzo e traballo o curso pasado no proxecto “DE BASE A BASE Y LEO PORQUE ME TOCA”, e da ledicia da nova de sabernos gañadores do concurso nacional, chegou o momento de recibir os agasallos. O venres 7 de outubro recibimos os galardóns que nos correspondían por ser PREMIO NACIONAL na categoría A. O premio consistía en tres ordenadores, unha placa e diploma acreditativo. Os/as once Sueiriños/as non estiveron en Madrid físicamente, pero en todo momento acompañaron aos seus representantes no pensamento. A través das súas palabras coñeceron aos nosos campións e o seu traballo. Foi unha xornada emocionante e inesquecible, compartindo emocións cos outros compañeiros/as de Ceuta, Sevilla, Santa Cruz de Tenerife, Santa Cruz de La Palma e Badajoz gañadores noutras categorías. Non podemos estar máis agradecidos aos nosos anfitrións, que nos acompañaron ese día no Instituto de Historia y Cultura Militar. Fixéronnos sentir o respecto polo traballo desenvolvido polos nosos alumnos/as, o agarimo no trato e a súa disposición a axudarnos no que precisemos. E a volta ao noso cole foi aínda máis emocionante, porque foi o momento de compartir cos verdadeiros protagonistas a experiencia vivida. Faltaba de xeito presencial un, que este curso xa non está no grupo, pero non queremos nen podemos esquecernos del, porque un cachiño do premio é seu. E tamén animamos aos tres novos/as do grupo a que se incorporen á nosa dinámica de traballo por proxectos que tantas alegrías nos leva dando nestes últimos dous cursos. NORABOA AOS NOSOS/AS CAMPIÓNS! LIGAZÓNS Á NOVA Web do Exército de Terra. Relación de gañadores. Galería de imaxes da ceremonia de entrega de premios. Galería de imaxes do fallo do xurado. Vídeo da ceremonia de entrega de premios.
Día mundial da alimentación	Cada 16 de outubro desde o ano 1979 conmemórase o Día Mundial da Alimentación, unha celebración promovida por a Organización das Nacións Unidas para a Agricultura e a Alimentación (FAO), co claro obxectivo de diminuír a fame no mundo, propósito que tamén busca a Axenda 2030 coa súa meta de fame cero. O lema deste ano é “NON DEIXAR A NINGUÉN ATRÁS”. No cole adicámoslle varios días a traballar a alimentación. Preparamos un receitario de cociña entre todos,onde atoparás estupendas receitas reais ou inventadas, Coidado coa que escolledes!!!; o libro estará dispoñible na biblioteca do cole para deleite dos usuarios. Preparamos unha exposición “ALIMENTarte” onde creamos bodegóns con diferentes técnicas e tentamos de imitar ao gran Giuseppe Arcimboldo. Para rematar o día 19 o noso alumnado imitou ás persoas que exercen de grandes CHEFS, recreando diferentes receitas. Chegado o recreo degustamos os produtos elaborados no obradoiro de cociña na entrada do noso centro. Pasámolo Xenial!!! O Manuel Sueiro únese ao NON DEIXAR A NINGUÉN ATRÁS.
Degustación dos produtos elaborados para o Día da alimentación	O 19 de outubro degustamos os alimentos elaborados polo o alumnado nos obradoiros de cociña que realizamos en todas as aulas do noso centro.
Festa do Samaín 2022	O último día do mes de outubro voltamos a celebrar a Festa do Samaín no noso cole coa realización das seguintes actividades: Exposición de fondos da biblioteca para o Samaín. Representación de varias obras de teatro polo alumnado de 6º de Ed. Primaria: "Mortiña", "Brunilda" e "Violeta". Galería de imaxes do alumnado disfrazado. Xantar terrorífico preparado polo alumnado de 6º de Ed. Primaria. Desfile e bailes terroríficos na aula de psicomotricidade. Desfile polo Túnel do medo que se montou na biblioteca e nos corredores do cole. Exposición de cabazas. A celebración na prensa local ENTREGA DE PREMIOS Traballos premiados polo alumnado