Contido popular
Título | Resumo |
---|---|
Homenaxe a Carlos Casares |
O alumnado de sexto curso participou no homenaxe a Carlos Casares, que organizou a Concellería de Cultura do Concello de Ourense, o 15 de maio na Praza de San Martiño. Durante o acto, o alumnado dos centros presentes deu lectura a diversos contos do autor. Como actividade central participamos nunha versión didáctica do conto da "Galiña azul" que encandilou ao público presente. Como remate do acto, entonamos o Himno galego coa axuda de membros da Escola de música do Concello. |
"Las cuatro estaciones" |
Os nenos de segundo e sexto de E, primaria fixemos o P.D. I . sobre Antonio Vivaldi e a súa obra “Las cuatro estaciones “ . Tamén estudamos a cidade onde naceu : Venecia. No primeiro trimestre coñecemos a vida de Antonio Vivaldi e a partires de ahí realizamos un mural para a porta da nosa clase e tamén un para o de todo o colexio. No segundo trimestre nos paramos na cidade onde naceu Antonio Vivaldi : Venecia
No terceiro trimestre coñecemos a súa obra : “As catro estacións “
|
Siena, ridng colours |
O proxecto inicial de participación no PDI do centro era de dous pequenos proxectos: Un sobre a cidade de Siena e outro sobre Frida Kahlo. Debido a que o proxecto de Siena sufriu ampliacións, dado o interese do alumnado, e a posibilidade de actividades que foron xurdindo, decidimos deixar para outro curso o proxecto sobre a pintora mexicana. O PDI sobre Siena desenvolveuse segundo o proxectado coas modificacións que agora puntualizamos:
Os obxectivos, contidos e competencias clave que pretendíamos acadar foron as previstas e presentadas no PAL. As actividades reflectímolas na presentación que se achega máis abaixo, así como nos enlaces da web do centro: |
Pescudando sobre Carlos Casares |
Unha das tarefas que realizamos na Hora de Ler no mes de maio para conmemorar a homenaxe nas Letras Galegas a Carlos Casares foi a realización dunha pescuda ou caza do tesouro por medio do emprego de códigos QR para facilitarlle as pistas que tiñan que seguir. A actividade titulábase "De que libro falamos". Como non dispoñiamos de dispositivos móbiles para todo o alumnado, tamén facilitamos as tarefas en formato web para que así todo o alumnado tivese acceso a esta actividade de gamificación do proceso educativo. A experiencia resultou ser un éxito, xa que a maioría do alumnado chegou ata o final da mesma. Para premiar e recoñecer o seu esforzo e dedicación, ao reamate da mesma, fixemos entrega de diplomas a todos os participantes. Unha vez rematada a pescuda, fixemos unha sesión de avaliación e posta en común onde o alumnado manifestou o seu grado de satisfacción coa mesma. Nunha escala de valoración de 0 a 10 (0=nada; 10=moito) a valoración media por parte do alumnado foi de 9,5; sendo a moda de 10. |
Hora de ler de 4º de Ed. Primaria |
Durante a Hora de ler, ao longo do curso o alumnado realizou lecturas sobre libros que eles mesmos escolleron na biblioteca para favorecer a lectura en tempo de lecer. Das actividades, realizadas durante a Hora de ler, destacamos as seguintes nas que traballamos con distintas ferramentas da web 2.0 empregando novas metodoloxías onde o alumnado era o verdadeiro artífice do seu propio aprendizaxe:
Asemade, tamén pescudamos información sobre os seguintes temas que reflectimos nas seguintes presentacións de Google:
|
Memoria gráfica do traballo feito na biblioteca | |
Baile tradicional |
O noso centro foi agasallado cun disco recopilatorio, un exemplar da revista "A Bugalla" e un diploma de participación. |
Ruliña |
O alumnado de 3º de Ed. Primaria do CEIP Manuel Sueiro de Ourense, coa colaboración das pandereiteiras de 6º, Estela e María, interpretaron a canción "Ruliña" con letra e música de Ana Sánchez-Brunete. Esta canción será presentada ao " II concurso nusical infantil "Quero cantar" que convocou a Deputación provincial da Coruña coa intención de promocionar e difundir o uso da lingua galega, e a creatividade poética e musical. |
Vídeo de resumo do ano 2016/2017 |
Vídeo resumo do que aconteceu no CEIP Manuel Sueiro no curso 2016/2017. |
Decoración do recanto de meteoroloxía | |
Irma Ruth del Ángel |
Ten unha ampla formación Académica: Licenciada en Español e en Economía. Especializada en Avaliación de Proxectos de Inversión, Turísticos e Gobernamentais. Especialización en Orientación Educativa. Mestría en Educación, campo: Formación de Docentes e Práctica profesional. Mestría en Economía Social, Mestría en Criminalística. Doutora en Literatura e Linguaxe. Catedrática de diferentes universidades e institucións de Educación Superior. Articulista en diferentes revistas e xornais nacionais. Fundadora e Presidenta da Asociación LIBRE SAN LUIS. Impartiu conferencias en diferentes institucións educativas a nivel Local, Nacional e Internacional. Entre os países destacan: España, Italia, Francia y Suíza. Participante en diferentes encontros nacionais e internacionais de escritores. Representante Legal da Colección Haberes e Saberes. Edicións educativas da Universidade Pedagóxica Nacional, Unidade 241. Foi galardonada no ano 2010 coa estatuiña “La Orensana”, recoñecemento outorgado á súa obra poética pola cidade Ourense. Creadora do proxecto social: ‘Rehabilitándonos en el contexto’ desde 1982 á actualidade en rehabilitación a xóvenes que son adictos. Presidenta do Consello Consultivo e Social do Instituto das Mulleres do Estado de San Luis Potosí período 2009-2012. Así mesmo, é fundadora e presidenta da Asociación Libre San Luis. Contacontos rexistrada no Centro das Artes Centenario de San Luis Potosí. LIBROS PUBLICADOS:
RECURSOS |
Exposición magosto 2017 | |
Grúas pola Paz |
O simbolismo da grúa.
A grúa, unha ave venerada en todo Xapón. A aura de espiritualidade que rodea á figura da grúa é famosa no Oriente. Esta estilizada ave resalta pola súa elegancia e por estar cargada dunha serie de boas connotaciones que a fixeron ser parte integral da cultura nipona. A grúa xaponesa, é unha singular ave zancuda de máis dun metro de alto, agudo pico, longo pescozo, cabeza cun tinte vermello, extensas ás e propietaria dun fermoso plumaxe branco e negro que a destaca fronte aos seus outras irmás plumíferas. Os seus movementos elegantes, a súa axilidade e a súa forte reacción ante o perigo, foron inspiración durante centos de anos para os seguidores das artes marciais e artistas da pintura, literatura e poesía. Unha das primeiras características que os filósofos orientais exaltaron nesta fermosa ave é a lonxevidade. Algúns estudos falan dunha idade promedio de 40 anos, o cal para unha ave é un rango bastante considerable. No antigo Xapón, o feito de vela regresar cada ano trala súa migración fixo crer que podía chegar a vivir ata 1.000 anos. En textos da antiga Chinesa aparece relacionada aos sabios máis anciáns, a quen acompañaba de cerca na procura do seu longo camiño espiritual. Distribuída na illa de Hokkaido, ao norte de Xapón, a grúa ademais é famosa pola súa fiereza ao momento de defender o seu niño ante posibles atacantes como os corvos e as aguias. Grazas a esta calidade a xente considéraa un animal A Grúa o paxaro de Apolo É a grúa unha ave que se asocia coa vida e a lealtade cara ao seu compañeiro, fermosa á vista humana e de gran fortaleza. A gran importancia que adquiriu esta ave para os xaponeses permitiulles crer que si unha persoa logra facer ao redor de mil grullas, poderá cumprir o seu soño máis preciado.
Poderiamos pensar na grúa como un símbolo de elegancia, sabedoría, paz e amor por toda a vida. De acordo ao exposto nalgunhas lendas, é a grúa o paxaro máis antigo da terra, captando sempre a atención humana pola súa beleza e gran intelixencia.
|
Cantarola dos nenos |
Ao longo das semanas previas ao Día da Paz todas as aulas do centro traballaron co poema de Neira Vilas titulado "Cantarola dos nenos".
Cada clase ilustrou unha estrofa do poema. Ao rematar os traballos elaboramos un libro ilustrado do poema que pasou a formar parte dos fondos da nosa biblioteca.
O Día da Paz recitamos, na entrada do centro, o poema .
GALERÍA DE IMÁXES
|
Contacontos CIFP Portovelo |
Na semana previa ao Día mundial da meteoroloxía, teatro e poesía o alumnado do Ciclo de animación do CIFP Portovelo realizou catro contacontos no noso centro, relacionados, todos eles, co tema dos PDI que se entán a desenvolver en Ed. Infantil e 1º, 2º e 3º de ED. Primaria.
O alumnado do CIFP Portovelo fíxoo xenial, e nós pasámolo moi ben. Temos que repetir!!!
|
María Victoria Moreno (2018) |
Estudou o bacharelato en Barcelona e Filoloxía Románica na Universidade Complutense de Madrid cos profesores Rafael Lapesa e Dámaso Con 22 anos trasladouse a Galicia para dar clases de Lingua Española en institutos de Lugo, Sanxenxo e Pontevedra. Nesta cidade traballou nos IES «Valle Inclán» e «G. Torrente Ballester». Foi unha gran defensora do galego, idioma no que escribiu a gran maioría da súa obra literaria. A súa primeira publicación foi «Mar Adiante», en 1973. Dous anos despois, gañou o 1º Premio do Concurso de Contos Infantís O Facho coa obra «O cataventos». A súa producción literaria en galego é enorme e a maioría adicada aos lectores máis novos: «Anagnórise», «Leonardo e os fontaneiros», «E haberá tirón de orellas?», «Guedellas de seda e liño», «Eu conto, ti cantas», «A brétema»... O 22 de novembro de 2005, aos 66 anos, finou na cidade de Pontevedra. Este ano a Real Academia Galega adícalle o Día das Letras 2018 polos libros que escribiu e pola defensa do noso idioma. Texto orixinal do Seminario Galán |
Programa Cores |
O 27 de abril realizamos no centro, coa colaboración da Escola Galega de Consumo, un obradoiro destinado a promover no alumnado a educación para o consumo responsable.Traballando a igualdade a través da publicidade dentro do programa Cores. As temáticas que se trballaron foron as seguintes:
Para rematar o obradoio o alumnado máis cativo realizou un pao de chuvia que levaron para a súa casa. |
Homenaxe a Pura Vázquez |
O 22 de maio participamos na homenaxe a escritora ourensán Pura Vázquez que se celebrou na Ínsua dos poetas de Madarnás en Carballiño. Luís Tosar foi o encargado de presentar ás autoridades alí presentes, entre as que destacaban o Secretario Xeral de Política lingüística, o Presidente da Deputación, o Alcalde do Carballiño, a Xefa Territorial da Consellería de Educación... entre outros. Da presentación das actividades do alumnado encargáronse dúas alumnas do noso centro. O acto deu comezo coa presentación das autoridades, na que todos eles fixeron mención á vida e obra da mestra Pura Vázquez. O noso centro foi o encargado da presentación do acto. Durante as semanas previas á homenaxe, pescudamos información en internet e nos fondos da nosa biblioteca para elaborar un pequeno resumo sobre a súa vida e obra. Dito resumo foi co que explicamos aos presentes no acto a súa vida e obra. O alumnado participante, dos sete colexios da provincia de Ourense alí presentes, realizaron as seguintes actividades:
|
Hora de Ler. Curso 2017/2018 |
Este curso, continuamos realizando a Hora de ler todo o alumnado do centro ao mesmo tempo, nunha sesión estipulada no horario escolar lectivo, entre as 12:00 horas e as 12:20 horas, tocando o trimbre do colexio ao inicio e ao final da mesma. Parte das actividades realizadas ao longo do curso 2017/2018, na Hora de Ler, pódense ver na seguinte ligazón: Premendo nas seguintes imaxes podemos ver un resumo das actividades realizadas por cada curso: |
Por que morren tantos peixes? |
POR QUE MORREN TANTOS PEIXES? Na aula de 3º de Ed. Primaria, fixemos as seguintes preguntas Que?, Quen?. Como? e Por que? Estas foron as preguntas que deron inicio ao noso traballo no PDI. No mural que representaba o noso proxecto reflectimos de forma gráfica a resposta ás mesmas. Estudamos neste curso a contaminación de rios e mares e tratamos de dar explicación a estas, e outras preguntas. Sabemos o que podemos facer individualmente, nas nas nosas casas, para evitala. Estivo presentes en todalas areas do curriculo de 3º de primaria e nas distintas actividades levadas a cabo. Partimos dos coñecementos previos do alumando e acadamos os seguintes obxectivos:
Ao longo do curso, as principais actividades realizadas foron as seguintes:
|
Os valores na Biblia |
De acordo ao PDI deste curso “A cada latexo un pensamento” e tendo en conta que cada pensamento provoca un sentimento e unha actitude que move as nosas condutas e comportamentos, e que estes están conectados con valores, a área de relixión traballou sobre os valores na Biblia. A materia de relixión capacita ao alumnado para adquirir unha visión integral da persoa humana e as habilidades necesarias para vivir en sociedade a través dos ensinos bíblicos, que son un conxunto de valores que incitan aos individuos para actuar de maneira correcta facendo un mundo mellor e non provocar danos a quen nos rodea. Traballouse primeiramente coa técnica de choiva de ideas sobre o termo valor para saber que entendían e coñecían sobre este. Cada idea foise anotando para logo definir con máis precisión que é un valor e que representa no diario vivir. E para isto eles buscaron información na internet sobre o concepto de valor guiados polas súas profesoras na procura das páxinas. Tamén se traballou co libro Valores para la Convivencia de Esteve Pujol da biblioteca escolar. Como, así mesmo, cos libros Sapienciales da Biblia que son un grupo de libros do Antigo Testamento que ensinan valores e comportamentos e que axudan a reflexionar sobre a vida. Repartíuselle ao alumnado material para traballar os distintos valores en distintas situacións e problemas tanto de índole persoal, familiar ou social, o que llespermitiu a moitos deles asocialos a determinadas condutas , que previamente non os vinculaban. Presentáronselle distintas imaxes en papel e pantalla dixital con personalidades moi coñecidas como ser: Xesucristo, Gandhi, Martin Luther King, Teresa de Calcuta, e outros, realizando tarefas humanitarias onde eles deben describir o valor fundamental de cada situación. Seguidamente, dialogamos entre todos, para explicar cando practican o valor comentado anteriormente na súa vida cotiá, dando exemplos das accións que deben realizar para tal labor. Durante o desenvolvemento deste proxecto observouse que tanto a lectura dos libros Bíblicos coma as tarefas a realizar, foron unha boa fonte de motivación que os levo a realizar os traballos con moito interese, colaborando e compartindo moito entre eles, dialogando e reflexionando sobre a actividade desempeñada podendo gozar tanto os profesores coma os alumnos dun clima de harmonía e gratificación. |
Hora de ler en 2º de EP |
Este ano realizamos, igual que no curso anterior , un CONCURSO DE ANIMACIÓN Á LECTURA polo que , adicamos parte dese tempo á lectura dos libros que eliximos para o concurso mensual, alternando lecturas de libros en galego e en castelán . Realizamos cinco concursos no presente curso e os títulos traballados foron:
Ademais, e dentro da hora de ler, o alumnado do 2º curso de primaria realizarou, entre outras, as seguintes actividades:
Na lectura de libre elección por parte do alumnado entraron tanto libros propios da casa como os de préstamo da biblioteca do centro. |
Empréstitos na biblioteca |
Ao longo deste curso a biblioteca continuou realizando préstamos dos seus fondos aos membros da comunidade educativa para poder gozar coa lectura en tempos de lecer nas súas casas. |
Comezo do curso escolar 2018/2019 |
O 12 de setembro deu comezou o curso escolar 2018/2019 e tivemos o privilexio de contar coa presenza das autoridades locais para inicialo. O Alcalde, a Concelleira de Educación, a Delegada da Xunta, a Xefa Territorial de Educación, O Inspector Xefe e o noso Inspector visitaron as aulas do noso centro e intercambiaron impresións con todo o alumnado. Diferentes medios de comunicación locais e autonómicos deron cobertura á nova en diferentes espazos:
|
Obradoiro de Igualdade e interculturalidade |
O 16 de xaneiro o alumnado de 5º e 6º de Ed. Primaria participou nun obradoiro de igualdade de xénero e interculturalidade que desenvolveu a Asociación Xarela na biblioteca do noso centro.
|
- « primeira
- ‹ anterior
- …
- 34
- 35
- 36
- 37
- 38
- 39
- 40
- 41
- 42
- seguinte ›
- última »