Datas: 17,19, 24, 26 de outubro e 2, 7 e 9 de novembro

Lugar de Celebración: CEP de Ventín. Ames

Horario: 18 a 21h.

Enlace a fprofe: https://www.edu.xunta.gal/fprofe/detalleActividade.do?DIALOG-EVENT-consultar&clave=S1601063

Horas totais da actividade: 21          

Obxectivos:

1.Proporcionar ao profesorado recursos didácticos e materiais que lle permitan un traballo interdisciplinar e globalizador partindo da execución de danzas e bailes populares como centro de interese.

2.Desenvolver as capacidades do profesorado na práctica corporal a través da realización de danzas e bailes populares, facilitando o traballo por competencias.

3.Traballar a educación en valores a través da danza considerando a súa incidencia na valoración do traballo de grupo, do traballo dos demais, de respecto ao espazo dos outros.

Contidos:

1.A danza popular na escola: danzas do mundo e danza tradicional no ámbito educativo.

2.Posta en valor da danza na escola como recurso didáctico transversal e como medio de desenvolvemento das competencias.

3.Metodoloxía de aprendizaxe de ensino de bailes e danzas.

Data de comezo: 5 de setembro

Data de finalización: 9 de setembro

Lugar de celebración: CMUS. Santiago de Compostela

Número de horas totais: 30 h

Enlace a fprofe:https://www.edu.xunta.gal/fprofe/detalleActividade.do?DIALOG-EVENT-consultar&clave=S1601015

Obxectivos:

1. Comprender as claves da metodoloxía IEM.

2. Aprender a seleccionar materiais musicais para o desenvolvemento de unidades didácticas.

3. Desenvolver unidades didácticas que traballen todos os elementos da música: forma, ritmo, harmonía, melodía e textura.

Contidos:

1. A linguaxe musical no currículo do ensino elemental e profesional.

   1.1. Desenvolvemento de unidades didácticas elaboradas a partir de cancións e melodías procedentes da música clásica, folclórica, e popular, de acordo coas súas achegas harmónicas, rítmicas, melódicas e formais.

2. Análise de cancións e melodías.

3. Improvisación rítmica e desenvolvemento de exercicios.

4. Comprensión harmónica dende os inicios.

5. Improvisación melódica e desenvolvemento de exercicios.

   5.1. Creación de motivos.

   5.2. Creación de melodías.

6. A audición consciente como ferramenta transversal: ritmo, melodía, harmonía e forma.

7. Recursos didácticos na aula de linguaxe musical.

8. Exposición de unidades didácticas elaboradas para linguaxe musical.

Data de comezo: 5 de setembro

Data de finalización: 8 de setembro

Lugar de celebración: CMUS de Santiago

Número de horas totais: 16h

Enlace a fprofe: https://www.edu.xunta.gal/fprofe/detalleActividade.do?DIALOG-EVENT-consultar&clave=S1603002

Obxectivos:
- Conseguir do alumnado unha destreza ou familiaridade co relato audiovisual na maioría da súas facetas, interesándose pro novos materiais musicais.
- Aprender a determinar de forma musical a natureza específica do relato para aplicar de xeito consecuente a concepción musical precisa en cada momento.
- Conseguir facer válido o aforismo" Un bo compositor de cine non é o que mellor música compón senón o que mellor cine fai con ela".
Contidos:
- Aproximacións estilística da música aplicadas a imaxe.
- Papel da música  aplicada á imaxe e as súas consecuencias formais.
- Revisión dos instrumentos musicais da tradición occidental e doutras culturas, as súas características físicas, acústicas e musicais, as súas posibilidades tímbricas e expresivas ademais do uso e deseño de instrumentos virtuais.
- Técnicas de organización para a composición sobre proxectos e a súa ulterior produción e captación.
- Planificación de procesos de produción sonora e achegamento ás distintas técnicas e procesos de captación, gravación, creación, manipulación e difusión de material sonoro e musical.

O próximo 22 de abril de 2016 dará comezo unha formación aberta na Rede: “O currículo na aula". Trátase dunha actividade coas seguintes características:

• Lévase a cabo de forma virtual na Rede, a través de Platega2.

• Está conformada por unha serie de materiais que desenvolven os contidos, foros de participación e comunicación entre os participantes e tarefas con entrega libre e voluntaria.

• Está aberta a calquera docente de centros dependentes da Consellería de Cultura, Educación e Ordenación Universitaria.

• Ao tratarse dunha formación en aberto non ten asociado recoñecemento de horas de formación.

Permite ofertar aos docentes da nosa comunidade un modo aberto e flexible de formación sen límite de prazas.

Podes automatricularte en Platega2 ata o 21 de abril na seguinte ligazón: https://www.edu.xunta.es/platega2/course/view.php?id=209.  Introduce os teus datos de conta corporativa e a palabra "platega" como chave de matriculación.

A fase de formación comezará o 22 de abril e rematará o 20 maio. Estará conformada por 4 módulos:

• Currículo e aproximación á programación

• Rúbricas e mínimos esixibles

• Perfil de competencia.

• Tarefas integradas.

O prazo de inscrición xa rematou, pero hai posibilidade de visualizar os contidos do curso como convidados.

OBXECTO: Apoiar na implantación da asignatura de Oratoria nas aulas a través dun programa de capacitación e motivación para docentes. 

METODOLOXÍA: 

• Transversal. Na concepción de que a oratoria ten un carácter transversal, proponse a creación de grupos de participantes heteroxéneos no que se refire ás materias das que son responsables que contribúa a romper estereotipos que relacionen o desenvolvemento das competencias en oratoria con ámbitos estritamente lingüísticos.
• Práctica. A oratoria entendida como capacidade de utilizar a palabra para nos comunicar, require que a translación de contidos sexa feita dunha perspectiva eminentemente práctica.
• Orientada a resultados. Desde o primeiro momento as e os participantes terán como orientación a realización dunha exposición pública de curta duración que
  contribuirá a que cada participante busque a súa motivación para acadar un obxectivo claramente definido: unha exposición pública atractiva.

REFERENCIA: S1503016

TÍTULO:  Obradoiro de oratoria no ámbito educativo

HORAS PRESENCIAIS: 12

PRAZAS: 20

LUGAR: CAFI

A Rede de Formación Permanente do Profesorado reuniuse en Sanxenxo os pasados días 10 e 11 de decembro para facer unha posta en común do traballo elaborado sobre o novo modelo competencial da función docente. Durante estas dúas xornadas presentouse o resultado deste esforzo conxunto que definirá o marco no que basear unha nova concepción da formación do profesorado.

Neste apartado pódese consultar o Plan Anual de Formación do Profesorado do curso 2015/2016. Premendo sobre a imaxe accedese a toda a información. Pódese consultar directamente os diferentes apartados nas seguintes ligazóns:

1. Normas xerais

2. Convocatorias

3. Erasmus +

4. Formación en centros

5. Actividades a desenvolver polo CAFI

6. Actividades a desenvolver polo CFR da Coruña

7. Actividades a desenvolver polo CFR de Ferrol

8. Actividades a desenvolver polo CFR de Lugo

9. Actividades a desenvolver polo CFR de Ourense

10. Actividades a desenvolver polo CFR de Pontevedra

11. Actividades a desenvolver polo CFR de Vigo

12. Inscrición nas actividades

13. Enderezos de interese

Xúntase a Orde do 12 de xuño de 2015 pola que se regula o procedemento para o reintegro individual de gastos por asistencia a actividades de formación do profesorado non universitario para o ano 2015.

O prazo de presentación de solicitudes será de polo menos 10 días naturais de antelación con respecto á data de comezo da actividade. Para as actividades formativas que comezaron a partir do 1 de xaneiro, así como para aquelas que comecen a partir do día da publicación desta orde e que non poidan cumprir o prazo de solicitude de 10 días naturais de antelación, a solicitude entenderase en prazo sempre que sexa presentada dentro dos 15 días naturais a partir do día seguinte ao da publicación da presente orde no DOG.

Destinatarios e requisitos:

 1. Poderá solicitar os ditos reintegros o persoal docente funcionario de carreira que imparta as ensinanzas establecidas na Lei orgánica 2/2006, do 3 de maio, de educación, con destino en centros docentes públicos en que exerza docencia directa co alumnado, equipos de orientación específicos, postos de asesoría dentro da estrutura administrativa da consellería, e na Inspección educativa.

 2. Así mesmo, poderán cursar solicitude as persoas en situación de interinidade que manteñan esta condición tanto no momento da presentación da solicitude como no momento da resolución. Para estes efectos entenderase como persoal interino unicamente aquelas persoas que teñan nomeamento como tales ata o remate do curso ou cursos académicos correspondentes.

 Os solicitantes non poderán percibir outro tipo de axudas para a asistencia á actividade solicitada.

Documentación necesaria

 a) Orixinal ou fotocopia da convocatoria da actividade para a cal se solicita o reintegro.

b) No caso de que a persoa solicitante non estea exercendo docencia directa nun centro docente público, certificación expedida polo/a xefe/a de servizo da súa unidade administrativa con indicación do posto de traballo que ocupa.

c) Orzamento dos gastos de matrícula e desprazamento. En ningún caso se farán constar gastos de mantenza e aloxamento.

d) Memoria explicativa dos motivos polos que se desexa asistir á actividade e repercusión da asistencia a esta na súa función docente.

Máis información

Correo electrónico: reintegros.fprofe@edu.xunta.es

Tl.: 981 546 515/ 881 997 635

Servizo de Formación do Profesorado

Dirección Xeral de Educación, Formación Profesional e Innovación Educativa

Consellería de Cultura, Educación e Ordenación Universitaria

Data: 18 de abril 2015

Lugar de celebración: C.I.F.P Politecnico de Santiago

Número de horas totais: 8 horas

Enlace a fprofe :https://www.edu.xunta.gal/fprofe/procesaInicio.do?DIALOG-EVENT-verAct=verAct&cod_actividade=65487

Enlace a aula virtual:http://www.edu.xunta.gal/centros/cafi/aulavirtual/course/view.php?id=579