A  Xornada G2402024 HISTORIA, USOS E APRENDIZAXE DA LINGUA ESCRITA que terá lugar o sábado 16 de novembro no Palacio de Congresos de Santiago de Compostela e que ten como destinatarios o profesorado das etapas de infantil e primaria na que tentaremos respostar  a estas preguntas:

• Que implica ensinar a ler e escribir?

• Estamos formando lectores e escritores competentes?

• Sabemos crear contextos que inviten a ler, escribir, falar e escoitar?

• Como se respecta a diversidade do alumnado ante o difícil reto de mellorar a competencia lectora e escrita?.

Adxúntovos Programa da Xornada para difusión ao claustro por si fora do voso interese.

Aberto o prazo de inscripción en Fprofe co código G2402024:https://www.edu.xunta.gal/fprofe/procesaBusquedaInscricionCursos.do

Con motivo da celebración do 25 de novembro, Día Internacional contra a Violencia de Xénero, a Dirección Xeral de Loita contra a Violencia de Xénero e a Dirección Xeral de Ordenación e Innovación Educativa convocan un Concurso de imaxes gráficas e pezas audiovisuais.

O obxecto do concurso é a realización de traballos, consistentes en imaxes gráficas e pezas audiovisuais, coa finalidade de promover a reflexión sobre a loita contra a violencia de xénero dentro dos centros educativos de Galicia, a través dunha acción que fomente a participación cidadá no rexeitamento público e frontal contra a violencia de xénero e sensibilizar sobre a importancia de valores como o respecto e a igualdade entre mulleres e homes.

Prepara un proxecto, preséntanolo a Aula Nova e ven aproveitar todo o material que temos ao teu dispor!

Máis información en: https://www.edu.xunta.gal/portal/node/44563

Despois da publicación do Plan Anual de Formación do Profesorado xa se coñecen os cursos en rede que se celebrarán para o seguinte curso a través da Plataforma Telemática Galega (PLATEGA). Co fin de facilitar a súa búsqueda podedes consultar esta ligazón:

• CURSOS EN REDE

O CAFI pon a disposición do profesorado galego unha serie de cursos de formación aberta na Plataforma de Teleformación Galega (PLATEGA) que polo seu contido, relacionado co manexo de ferramentas dixitais e as metodoloxías para o seu aproveitamento, poderán servir de axuda no desenvolvemento do traballo docente.

Estes cursos, que incluirán só a parte teórica, pretenden servir de guía e non poderán ser entendidos como actividades formativas certificables nin terán o habitual soporte de titorización co que contan os cursos Platega.

Como acceder?

1. Accede directamente á categoría de Formación aberta en Platega na seguinte ligazón

Introduce o teu usuario e contrasinal da conta edu.xunta.gal

Exemplo: coa conta usuarioplatega @ edu.xunta.gal sería

Usuario: usuarioplatega

Contrasinal: xxxxx

Ou, se xa estás en Platega, podes escribir na caixa de busca de cursos as palabras "formación aberta”

2. Escolle na listaxe o curso ao que queiras acceder e fai clic no seu título.

3. Fai clic en “Matricúlame”

Para calquera consulta en relación coa formación aberta podes escribir ao enderezo cafi.educaciondixital@edu.xunta.gal

Competencia dixital docente

RESOLUCIÓN do 5 de xullo de 2024, da Dirección Xeral de Centros e Recursos Humanos, pola que se convocan diferentes procedementos para a obtención da acreditación da competencia dixital docente para o persoal docente non universitario dos centros educativos da Comunidade Autónoma de Galicia.

Enlace: https://encr.pw/EXHJf

Xúntase a Resolución do 5 de xullo de 2024, da Dirección Xeral de Centros e Recursos Humanos, pola que se convocan diferentes procedementos para a obtención da acreditación da competencia dixital docente para o persoal docente non universitario dos centros educativos da Comunidade Autónoma de Galicia.

• O prazo de presentación de solicitudes rematará o 30 de setembro de 2024.

• Normativa reguladora: RESOLUCIÓN do 5 de xullo de 2024 da Dirección Xeral de Centros e Recursos Humanos, pola que se convocan licenzas por formación para o curso académico 2024/25 destinadas ao funcionariado docente non universitario e se aproban as bases de concesión.
• Prazo de inscrición: Ata o 22 de xullo de 2024, inclusive.
• Persoas destinatarias: Persoal docente que pertence aos corpos que imparten as ensinanzas establecidas na LOE, destinado este ano en centros educativos públicos dependentes da Consellería.

Ligazón ao Portal Educativo

O curso de creación de Recursos Educativos Dixitais na plataforma Platega, organizado polo CAFI, é unha iniciativa que permite ao profesorado galego deseñar e compartir recursos innovadores. Participar neste curso non só contribuirá ao desenvolvemento profesional dos docentes, senón que tamén beneficiará aos estudantes con materiais educativos dixitais máis atractivos e interactivos. Por outro lado, os contidos deste curso tamén poden ser un recurso de interese para o profesorado que quiera solicitar unha licenza por formación no curso 24/25. Podes acceder nesta ligazón 

O curso  G2302004 Creación de contidos dixitais baseados en vídeo 360º  conta cun total de 15 prazas. A actividade, aberta a profesorado de todos os corpos e especialidades, está orientada a formar aos/ás docentes tanto no manexo básico de cámara vídeo/foto 360 como nas técnicas básicas para a creación de contidos educativos con vídeos/fotos 360 (edición audiovisual, introdución a ferramentas educativas).

O curso, que se desenvolverá na sede do Centro Autonómico de Formación e Innovación en Santiago de Compostela,  dará comenzo o 15 de maio e será de 15 horas. As sesións celebraranse os días 15, 22, 31 de maio e 7 de xuño. Todos as sesións serán pola tarde a partir das 16.30 horas.

Información e inscrición en www.edu.xunta.gal/fprofe