A Rede de Formación Permanente do Profesorado reuniuse en Sanxenxo os pasados días 10 e 11 de decembro para facer unha posta en común do traballo elaborado sobre o novo modelo competencial da función docente. Durante estas dúas xornadas presentouse o resultado deste esforzo conxunto que definirá o marco no que basear unha nova concepción da formación do profesorado.

Os videiros días 30 de novembro e 1 de decembro , en horario de 16:30 a 20:30,   terá lugar no salón de actos do CIFP Compostela a actividade  presencial O modelo experimental da FP dual en Galicia .

Esta é unha actividade  do Plan Anual 2015-16 ,cuxos obexectivos inclúen coñecer o marco normativo da FP dual, coñecer a estrutura dos proxectos de FP dual en Galicia así como elaborar un plan de estudos para un proxecto de FP dual.

Nesta actividade formativa participaran como relatores  asesores da Dirección Xeral de Educación, Formación Profesional e Innovación Educativa , así como o director dun centro educativo con modalidade  de  FP dual e representantes de empresas colaboradoras

Enlace Fprofe:

https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=66982

Xuntase arquivo coa relación de seminarios aprobados polo CFR da Coruña para o curso 2015/2016

Acaba de ser publicada a Resolución de avaliación da comisión de selección de estadías formativas en empresas ou institucións para o ano 2015. Das 50 estadías concedidas, 45 foron avaliadas positivamente. Destas 45, 41 foron realizadas en empresas ou institucións de Galicia. Nas seguintes gráficas pódense consultar os datos máis relevantes desta avaliación.

Está publicada a convocatoria de Proxectos de Formación para o profesorado de Formación Profesional (PFFP) para o curso 2015-16. Esta modalidade de formación se desenvolve nos  propios centros educativos para favorecer e estimular o traballo en equipo do profesorado, sendo  os propios solicitantes  os que  deseñan  a actividade. Isto permite dar resposta a necesidades puntuais de formación , detectadas nos distintos  departamentos dos centros educativos, e que non foron cubertas na oferta de cursos do Plan Anual de Formación. Os materiais que se consideren de  calidade, elaborados o finalizar estes proxectos, serán difundidos pola Dirección Xeral de Educación , Formación Profesional e Innovación Educativa.
A convocatoria é idéntica ao do curso pasado.

Resumo

• Aprobaranse ata 75 proxectos
• A contía máxima é de 1500€,  e poderá incluír a docencia de persoas expertas, así como material ofimático (ata 200€), bibliográfico (ata 200€) e funxible, sempre xustificándoos debidamente.
• A duración debe ser de entre 20 e 50 horas. A docencia pode ser de ata o 50% da duración total.
• Entre 4-12 profesores:
  • funcionarios (non substitutos/as) dalgún dos corpos e especialidades que imparten na FP.
  • dun ou mais centros educativos de niveis non universitarios que impartan ensinanzas de formación profesional.
  • que actualmente impartan docencia en Formación Profesional.
  • que dependan da Consellería de Cultura, Educación e Ordenación Universitaria.

Calendario de entrega de documentación

• A selección dos proxectos e a publicación dos proxectos concedidos farase no mes de Decembro de 2015.
• Posteriormente os asesores de formación do CFR/CAFI poranse en contacto cos/oas coordinadores/as dos proxectos concedidos para acordar unha reunión de asesoramento onde se lles explicaría o procedemento de desenvolvemento do proxecto e as súas tarefas como coordinador/a.
• As sesións de traballo do grupo, poderán comezar a partires da aprobación do proxecto.

Os participantes nesta actividade, a proposta da Comisión de selección,  recibirán un certificado acreditativo da súa participación no proxecto, onde  constarán o número de horas de traballo  realizadas. Á persoa coordinadora da actividade, poderáselle asignar ata un 30% máis do número de horas correspondentes aos participantes.

Esta actividade é a primeira edición das dúas previstas no presente plan anual de formación do profesorado de FP 2015-16. Por unha banda preténdese informar ao profesorado das características e normativa reguladora dos ciclos de FP Básica en Galicia. Para iso analizarase o Decreto 107/2014, do 4 de setembro, tentando aclarar aqueles aspectos que poidan resultar mais confusos.

Ademais, tamén se quere ofrecer unha visión da problemática a que se enfrenta e características específicas do traballo do docente que imparte nestos ciclos.

O horario previsto para esta actividade é de dúas sesións os xoves 12 e 19 de Novembro de 16:30 a 20:30. Xa que esta é unha actividade de tipo centralizada, segundo o artigo 19.1 da Orde do 7 de abril de 2008 (DOG 23/4/2008) :

A admisión a estas actividades implica o permiso para asistir a elas. Este permiso seralles notificado á inspección educativa e á dirección do centro.

Data de comezo: 12/11/2015

Data de finalización: 19/11/2015

Lugar de celebración: Salón de Actos do CIFP Compostela

Número de horas totais: 8

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=66975

O sábado día 26 de setembro celebrarase na EGAP a Xornada inicial da Formación pedagóxica e didáctica a efectos de docencia para ensinanzas de Formación Profesional, para o profesorado de formación profesional que non pode acceder á realización do Máster Universitario en Profesorado de Educación Secundaria Obrigatoria e Bacharelato, Formación Profesional e Ensino de Linguas.