Forma de participación
Presencial
Modalidade
Curso
CFR, lugar, temporalización e prazas
Referencia: L1501023
Centro de formación e recursos: Lugo
Temporalización:  29/06/2015  -  03/07/2015
Data límite de inscrición: 15/06/2015
Lugar: CIFP Politécnico de Lugo
Prazas:  20
Horas totais
Horas presenciais: 30
Horas non presenciais: 0
Destinatarios
    Ciclos formativos
      + Sanidade
        # Ciclos formativos de grao medio
          - CMSAN01 - Emerxencias sanitarias
            * MP0053 - Loxística sanitaria en emerxencias
            * MP0055 - Atención sanitaria inicial en situacións de emerxencia
            * MP0056 - Atención sanitaria especial en situacións de emerxencia
            * MP0060 - Teleemerxencias
Corpos e especialidades
511118 - Catedráticos de ensino secundario. Procesos sanitarios
511117 - Catedráticos de ensino secundario. Procesos diagnósticos clínicos e procedementos ortoprotésicos
590117 - Profesores de ensino secundario. Procesos diagnósticos clínicos e produtos ortoprotésicos
590118 - Profesores de ensino secundario. Procesos sanitarios
591219 - Profesores técnicos de formación profesional. Procedementos de diagnóstico clínico e ortoprotésico
591220 - Profesores técnicos de formación profesional. Procedementos sanitarios e asistenciais
Criterios de selección
Os xerais do Plan anual.
Obxectivos

1. Coñecer a atención ao parto extrahospitalario.Adquirir coñecementos e destrezas na atención ao paciente pediátrico.
2. Coñecer o funcionamento e aplicación do SVB e DESA, así como o material de control de vía aérea.
3. Coñecer os fundamentos da triaxe.Analizar os principios de teleemerxencia.

Contidos

1. Soporte Vital Básico e Avanzado no paciente pediátrico. Desfibrilación Externa Semiautomática.
2. Arritmias cardíacas.
3. Atención ao parto.
4. Triaxe.
5. Teleemerxencia

Relatores: Dr. Manuel Castro Maestre e Dr. Paulino Rivadulla Barrientos

Máis información: Curso creado na aula virtual do CFR de Lugo

Asesora de referencia: Marta Arias López

cfr.lugo.linguisiticosocial@edu.xunta.es

Tel. 982251068

Referencia: S1501073
Centro de formación e recursos: CAFI
Temporalización:  06/07/2015  -  10/07/2015
Data límite de inscrición: 14/06/2015
Lugar: Santiago de Compostela
Prazas:  25

Destinatarios:

  + Administración e xestión
    # Ciclos formativos de grao medio
    # Ciclos formativos de grao superior

• Ciclos formativos

Obxectivos:

1.Analizar a normativa reguladora da actividade dos autónomos e das PEMES.

2.Coñecer os procedementos de xestión.

3.Realizar supostos prácticos que reflictan as situacións reais máis habituais.

Contidos:

1.A declaración censal: alta, baixa e modificacións dos empresarios e profesionais. O CIF.

2.As obrigas tributarias dos empresarios en módulos, estimación directa ou sociedade limitada.

3.Os pagos fraccionados trimestrais e as liquidacións trimestrais. Declaracións informativas.

4.As facturas:requisitos.

5.As sancións e recargos. O embargo do salario.

6.Realización de supostos prácticos.

Relatora:

Dona Remedios Vázquez Gil (Axencia Tributaria de Santiago)

Temporalización:

Do 6 ao 10 de xullo de 9 a 15 horas (horas totais: 30).

Descrición da actividade en fprofe.

Os días 27 de maio e 9 -10 de xuño, terán lugar no CFR de Vigo as XORNADAS: V1402027-PRIMEIROS AUXILIOS EN EDUCACIÓN, cunha duración de 10 horas.

A partires do vindeiro 13 de abril, iniciarase un curso en rede programado para profesorado da familia de Administración e Xestión “Xestión Administrativa e comercial avanzada con aplicación informática”.

Os obxectivos deste curso inclúen coñecer a aplicación informática FactuSol, así como o seu manexo mediante a resolución de supostos prácticos.

A actividade estenderase durante 7 semanas. Durante ese tempo deberanse completar as tarefas que a titora  propoña. Como axuda estarán dispoñibles a través do email e dos foros para contestar dúbidas e resolver problemas, e ademais haberá documentación de axuda colgada na mesma aula virtual. Para recibir a certificación correspondente, debe facerse correctamente o mínimo das tarefas que a titora estableza.
Como é un curso en rede, cada participante pode conectarse á aula virtual no tempo e horario que considere oportuno.

Enlace Fprofe:http://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=61039

Os días 7, 15 e 23 de abril terán lugar as Xornadas de actualización laboral 2015, no CFR de Vigo para profesorado de FP das familias de FOL e Administración e Xestión.

Ao igual que en anos anteriores, volverase a desenvolver a actividade “Xornadas de Actualización Laboral 2015” curso  programado para profesorado das familias de Formación e Orientación Laboral  e Administración e Xestión.

Neste curso farase un análise das novidades na normativa Laboral e de Seguridade Social para o ano 2015.

Esta actividade estenderase durante 2 semanas, os días 16,17 e 23 de marzo en horario de 17 a 20.30 horas nas aulas do CAFI.

Enlace Fprofe

https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=61042

Ata o vindeiro día 2 de marzo, está aberto o prazo de preinscrición da modalidade formativa  Estadías Formativas en Empresas. Esta convocatoria está dirixida unicamente ao profesorado funcionario de Formación Profesional inicial, e de Ensinanzas Artísticas e Deseño.

O profesorado substituto non pode participar nesta modalidade formativa. Os interinos si.

As Estadías Formativas, brindan ao profesorado a oportunidade de actualizar os seus coñecementos e da realidade do seu sector, colaborando cunha empresa do seu ámbito profesional. Existen tres tipos:

• As estadías de tipo A, na que o profesorado interesado pode solicitar ocupar unha das 20 prazas ofertadas nalgunha das empresas coa que a Consellería de Cultura, Educación e Ordenación Universitaria ten establecido un convenio de colaboración.
• As estadías de tipo B, na que o profesorado interesado é o responsable de propoñer a empresa, tras acordar previamente con eles as condicións da súa estancia. Deste tipo de estadías distínguense dúas categorías:
  • Tipo B-1 , se a sede da empresa está en Galicia: 20 prazas.
  • Tipo B-2 , no caso de que a sede da empresa estea en Europa pero non en Galicia: 10 prazas.

Temporalización

O período de realización das estadías comprende dende o 15 de abril de 2015 ata o 11 de setembro, sen incluír o mes de agosto (agás casos excepcionais). Nese intervalo, o profesorado debe consensuar coa empresa o seu horario, dentro dos seguintes límites:

• A duración mínima das estadías é un total de 40 horas e a duración máxima 160 horas.
• Como mínimo as sesións diarias deben ser de 4 horas interrompidas e o máximo é de 8 horas.
• Deben facerse como mínimo dúas sesións por semana.
• A temporalización proposta non debe interferir coa das actividades lectivas. Deben facerse fóra do horario lectivo.

Solicitude

O profesorado interesado debe solicitar a súa participación a través de fprofe, no apartado GT,SP,PFAC,PFFP. Cada interesado/a deberá solicitala súa preinscrición poñendo a modalidade na que está interesado, o CFR ou CAFI da súa área xeográfica, e premendo no botón Presentar.

É importante decatarse que o botón de gravar só serve para almacenar unha copia de borrador, pero non se completa a solicitude de preinscrición ata premer en Presentar.

Posteriormente e sempre tras o remate do prazo de preinscrición a persoa interesada, deberá entregar no CFR ou CAFI correspondente, a solicitude de inscrición segundo o seguinte modelo.

1. O prazo para facer a preinscrición é ata o próximo día 2 de marzo (incluído).

2. O prazo para entregar a inscrición no CFR ou CAFI correspondente é ata o próximo día 16 de marzo (incluído).

3. Nos últimos días do mes de marzo publicarase no apartado de Estadías formativas da páxina web da Subdirección xeral de FP, a listaxe de solicitudes seleccionadas para realizar as estadías e o importe da axuda concedida para a mesma.

4. Por último, os asesores de formación de profesorado, porase en contacto cos beneficiarios/as para ofrecerlles asesoramento.

Certificación

Ao termo de cada estadía, o profesorado participante deberá entregar ao asesor/a de formación que o asesore e a través de fprofe:

• unha memoria final, resumindo a súa experiencia.
• unha actividade de aplicación directa na aula, na que aplique o aprendido no ensino dalgún módulo con atribución para a súa especialidade.
• Os xustificantes dos gastos de desprazamento: billetes, tíckets, etc.

Tras o remate da presente convocatoria de estadías formativas, a Comisión de selección avaliará a documentación e informes presentados, e decidirá o número de horas de formación que deberán certificarse por cada estadía, cun máximo de 3 horas de formación por cada 10 horas de estadía. Por exemplo, para o caso dunha estadía de 160 horas, como máximo poderán certificarse 160·0.3 = 48 horas.

Máis información en: http://www.edu.xunta.gal/fp/estadias-formativas-en-empresa