O curso “Técnicas, recursos e contextos para a expresión", destinado ao profesorado da familia de Servizos socioculturais e á comunidade, terá lugar do 6 ao 8 de xullo nas  aulas do CAFI en Santiago de Compostela.

Os obxectivos deste curso inclúen

 1.Adquirir técnicas e recursos para a expresividade e comunicación.
2. Mostrar recursos materiais, espaciais e estéticos para a planificación de actividades de teatro, c ontacontos e monicreques. Adquirir a ferramenta de " Rimas con Movemento".
3. Aplicar unha pedagoxía fundamentada na metodoloxía Waldorf.

Contidos desta actividade

1.Desenvolvemento neurolóxico, sensomotor e lingüístico do neno de 0 a 6 anos.
2. Didáctica e efecto das rimas con movemento no proceso de aprendizaxe infantil.
3. Didáctica e efecto dos contos breves e repetitivos, contados con monicreques de mesa ou escenificados.
4. Exercicios de articulación para o uso correcto da voz do educador e para mellorar a capacidade de expresión, comunicación e narración.
5. Metodoloxía Waldorf.
6. Didáctica e efecto das rimas con movemento no proceso de aprendizaxe infantil.

Esta actividade terá unha duración de 20 horas e contará  con Tamara Chubarovski como relatora especialista en voz e movemento.

Enlace Fprofe: http://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=67006

O próximo 6 de setembro comezará o curso “Implante e elaboración de próteses sobre implantes”, de 30 horas de duración e  programado para o profesorado da familia profesional de Sanidade.

Os obxectivos deste curso inclúen coñecer os implantes e os seus tipos, confeccionar próteses fixas implantos ou portadas así como confeccionar sobredentaduras sobre implantes.

Este curso se desenvolverá dende o 6 ata o 9 de setembro de 2015, no IES Lamas de Abade de Santiago .

Enlace a Fprofe: http://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=66995

As xornadas de electricidade e electrónica veñen celebrándose ininterrompidamente a segunda semana de setembro dende o ano 2010. Son sempre un punto de encontro entre todo o profesorado de electricidade e electrónica de Galicia que durante dous días se xuntan para ver aquelas experiencias máis salientables que se fan nas aulas, as novidades técnicas e tecnolóxicas que se producen; pero sobre todo para compartir as súas experiencias docentes do día a día.

Este ano as Xornadas celebraranse no IES Macías O Namorado en Padrón. Contarase coa participación de relevantes empresas e asociaciones do sector:

• Asociación Provincial de Industriales Electricistas y de Telecomunicaciones de A Coruña
• Ledisson
• Schneider Electric
• Legrand
• Siemens

Ademais haberá diversos obradoiros demostrativos, onde profesores de FP de diferentes centros educativos galegos amosarán maquetas e aplicacións educativas, de utilidade para o ensino nos ciclos da familia.

Estas Xornadas foron organizadas coa axuda da Asociación de profesores de electricidade e electrónica de Galicia, APEEGA, quenes dirixirán unha mesa redonda prevista para a derradeira sesión.

Data de comezo: 8/9/2015

Data de finalización: 9/9/2015

Lugar de celebración: IES Macías O Namorado (Padrón)

Número de horas totais: 8

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=67009

Ligazón á Aula Virtual: http://www.edu.xunta.gal/centros/cfrpontevedra/aulavirtual/course/view.php?id=355

Esta actividade vaise celebrar na aula 11 do CAFI o día 1 de setembro en horario de 10:00 a 14:00 e de 15:30 a 19:30. É un obradoiro no que se tratará de transmitir ao profesorado de FP participante as principais técnicas de comunicación oral para manter a atención do público.

O relator é David Fernández Veloso, experto en presentacións de produto e en argumentación comercial.

O programa de contidos é:

Data de comezo: 1/9/2015

Data de finalización: 1/9/2015

Lugar de celebración: Aula 11 do CAFI

Número de horas totais: 8

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=67000

Este curso é unha das novidades da oferta formativa do plan anual de formación do profesorado de FP 2015-16 dirixida ao profesorado da familia de transporte e mantemento de vehículos.

O seu obxectivo é formar aos asistentes nos fundamentos dos motores eléctricos: o seu funcionamento, as medidas e comprobacións que se poden efectuar, e o cometido dos seus compoñentes. O enfoque da actividade será práctico, traballando con motores eléctricos adquiridos en desguaces. Unha vez asimilados os diferentes contidos tratados ao longo desta actividade, se espera que o profesorado de automoción poida contar cunha base mais sólida para comprender o funcionamento e procedementos de reparación dos vehículos eléctricos e híbridos.

A actividade celebrarase na aula-taller 102 de Electrotecnia e na aula de informática técnica do CIFP Coroso (Ribeira) en horario de 9-14, entre os días 7 e 10 de xullo.

Data de comezo: 7/7/2015

Data de finalización: 10/7/2015

Lugar de celebración: CIFP Coroso

Número de horas totais: 20

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=66988

A partires do vindeiro día 29 celebrarase na aula ET-11 do CIFP Politécnico de Santiago unha nova edición da actividade "S1501059 Fibra óptica na nova ICT", destinada ao profesorado de FP da familia de Electricidade e electrónica. Este curso está enfocado á análise das novidades da última normativa de infraestruturas comúns de telecomunicación, relacionadas coa instalación e mantemento de redes de acceso de fibra óptica. Explicarase o emprego dos diferentes equipamentos de medida e instalación de redes ópticas, con experiencias prácticas.

O programa do curso é o seguinte:

29/06/2015          09:30  -  14:30          Novo Regulamento ICT2. Cambios substanciais con respecto á anterior normativa. Dimensionado das instalacións. Canalizacións e instalacións.

30/06/2015          09:30  -  14:30          Fibra óptica para a ICT2. Elementos de FO a empregar nas instalacións ICT2. Equipos electrónicos recomendados na ICT2: medidor de campo óptico. Xeradores de luz. Medidores Ópticos. Fusionadora. Certificador de redes.

01/07/2015          09:30  -  14:30          Conectorizacións de Fibra óptica e redes de datos. Prácticas de conectorización e fusión de fibra óptica. Prácticas de conectorización de rede de datos en categoría 6 (ICT2).

02/07/2015          09:30  -  14:30          Prácticas: LNB Óptico. Orientación. Axustes. Medidor de campo. Prácticas: medicións con equipos de fibra óptica. Prácticas: medicións coa certificadora de cables de datos.

Data de comezo: 29/6/2015

Data de finalización: 2/7/2015

Lugar de celebración: Aula ET-11 do CIFP Politécnico de Santiago

Número de horas totais: 20

Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=66969

Ligazón á Aula Virtual: http://www.edu.xunta.gal/centros/cafi/aulavirtual/course/view.php?id=370

O día 29 de xuño comezará o curso” Ensaios físicos coa máquina de ensaios universais” programado para o profesorado das familias profesionais de Química, Madeira, moble e cortiza, e Fabricación mecánica.

Os obxectivos deste curso inclúen coñecer o fundamento e funcionamento da máquina universal de ensaios, realizar ensaios de tracción, compresión e flexión utilizando diferentes matrices, así como realizar ensaios de dureza.

Esta actividade desenvolverase dende o día 29 de xuño ata o día 1 de xullo, en horario de 9:30 a 14:30, no Laboratorio de Ensaios Físicos do CIFP Politécnico de Santiago.

Enlace  a Fprofe:http://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=66991

O próximo 6 de xullo comezará o curso” Experimentación en Enxeñaría Química”,  programado para o profesorado da familia profesional de Química.

Os obxectivos deste curso inclúen reproducir os procesos químicos industriais a nivel de laboratorio, ademais de coñecer e  controlar as operación das plantas de proceso químico e coxeración de enerxía. Con este curso se pretende ampliar os repertorios de clases  experimentais para o CS de Química Industrial.

Esta actividade, cunha duración de 30 horas, desenvolverase entre os días 6 e 9  de xullo, na Planta Piloto da Escola Superior de Enxeñaría Química da USC (Campus Sur. Santiago de Compostela)

enlace a Fprofe: http://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=66992

Á falta da presentación oficial do Plan de Formación para o profesorado de Formación Profesional 2015-2016, xa podedes consultar o documento no seguinte PDF adxunto.