Un ano máis organizamos a Feira das Profesións 2024 en colaboración cos departamentos de orientación dos IES de Ames e Brión. Nesta edición contaremos con máis de 40 expositores entre os que se atopan centros que imparten ciclos formativos de FP, universidades, corpos e forzas de seguridade, profesionais independentes de distintos campos, empresas e administracións públicas. Este ano, como novidade, contaremos cun espazo no que terán lugar diversas charlas de orientación ás que o alumnado poderá asistir libremente se son do seu interese.
A feira terá lugar no pavillón polideportivo de Brión o xoves 4 de abril, e aparte de alumnado poderá asistir libremente o público xeral e as familias pola tarde entre as 16:00 e 18:30 horas. As 18:30 horas terá lugar o acto de clausura coa presenza das alcaldías dos tres concellos e representación das direccións dos centros organizadores.
Animámosvos a que visitedes a Feira pola tarde en familia, que de seguro vos axudará na toma de decisión da futura traxectoria académica e/ou profesional dos vosos fillos.
O día 23 de febreiro a nosa alumna de 2º de Bacharelato, Lucía Capeáns participou na XIX Olimpíada de Bioloxía na Fase Autonómica Galega realizada na Facultade de Bioloxía da Universidade de Vigo. E aínda que non quedou entre os 3 seleccionados para a fase nacional, ten o mérito de ser unha das 80 alumnas e alumnos que pasaron a fase previa a nivel de toda Galicia. E sobre todo tivo a oportunidade de disfrutar dun día con estudantes de diversas partes da comunidade nun ambiente universitario onde realizaron unha proba moi completa cunha parte escrita e 4 prácticas de laboratorio. De postre unha charla científica sobre o Anisakis impartida polo profesor Raúl Iglesias Blanco. Parabéns, Lucía.
Achéganse o resumo das programacións
1º ESO
2º ESO
3º ESO
4º ESO
1º BAC
2º BAC
FPB
1º SMR
2º SMR
1º ASIR
2º ASIR
O vindeiro venres 2 de febreiro ás 19:00 horas terá lugar unha unha nova sesión da Escola de Familias. Neste caso grazas á financiación da ANPA do centro contamos co experto en ciberseguridade José Torres. Consideramos que é una ponencia do máximo interese para todas as familias polo que recomendamos a asistencia á mesma, lembrando que teñen que inscribirse a través do correo : orientacion.ies.xulian.magarinos@edu.xunta.gal
O título da charla é "Condutas de risco online e ciberdelincuencia", e nela se abordarán as seguintes temáticas:
- Telefonía móbil: seguridade nos dispositivos e protección da información.
- Xeolocalización e redes wifi
- Mensaxería instantánea móbil: whatsapp, telegram, etc.
- Ciberacoso: tipos, tratamento e prevención. Grooming, sexting, stalking, ciberbullying.
- Protección da intimidade e da privacidade
- Redes sociais
- Videoxogos
- Intelixencia artificial
- Metaverso.
José Torres é Experto Universitario en investigación da ciberdelincuencia. Diplomado polo Instituto Nacional de Ciberseguridade (INCIBE) como especialista en privacidade e seguridade nas Redes Sociais. Diplomado polo Centro Nacional de Excelencia en Ciberseguridade (CNEC) como especialista no análise de evidencias dixitais. Tamén foi membro do Consello Asesor do estudo de UNICEF sobre o impacto da tecnoloxía na adolescencia. Desde o ano 2006 é responsable do Equipo de Investigación Tecnolóxica da Policía Xudicial da Guardia Civil de Pontevedra, e ten participado en numerosos proxectos de investigación, tales como o desenvolvemento da plataforma "VICUS", deseñada para a localización a nivel mundial de pornografía infantil nas redes P2P ou o programa "TWICUS", para a análisis e detección do ciberbullying en Twitter.
O equipo de Biblioteca preparou con moito agarimo unha variada selección de estimulantes lecturas para que disfrutedes durante estas vacacións. Que pasedes un moi bo Nadal !
Xa están publicadas as listaxes definitivas de solicitudes de Fondo libros (4º ESO) e das axudas de material escolar. Poden consultar os libros adxudicados na aplicación web Fondo Libros da Consellería de Educación ou no taboleiro de anuncios do centro.
Poden pasar polo centro a recoller o vale de material escolar entre as 10:00 e as 13:30 durante o mes de xullo ou a partir do 1 de setembro.
Tamén están publicados no taboleiro de anuncios do centro os libros de 3º ESO que se facilitarán ao alumnado do centro para materias que non están dentro do proxecto Edixgal. Lembramos que estes libros se prestan a maiores do material Edixgal facilitado, a través dun procedimento propio do IES Xulián Magariños, co que se pretende dar utilidade aos libros dispoñibles no centro e aforrar custos as familias.
Hoxe tivo lugar o sorteo para entrar na sección bilingüe de Xeografía e Historia de 3º ESO. A gran demanda por parte do alumnado, que superaba o límite previsto, fixo que fose necesario recurrir a un sorteo para adxudicar as prazas.
Proximamente abrirase o prazo para formalizar a matrícula para o vindeiro curso 2023-2024 do alumnado de ESO e Bacharelato. É moi importante que respeten no posible o seguinte calendario e horario para evitar aglomeracións e axilizar o proceso. A data límite será en todo caso o 7 de xullo.
Alumnado que vai cursar
- 1º ESO : (Apelidos de A-L) : 4 de xullo || (Apelidos de M-Z) : 5 de xullo
(documentación adicional a aportar: fotocopia DNI alumno, fotocopia DNI pai e nai, 2 fotos actuais)
- 2º ESO : (Apelidos de A-L ) : 28 de xuño || (Apelidos de M-Z) : 29 de xuño
(documentación adicional a aportar: fotocopia DNI alumno, 1 foto actual)
- 3º ESO : 3 de xullo ( A-G de 9:30 a 11:00 / H-P de 11:00 a 12:30 / Q-Z de 12:30 a 14:00
(documentación adicional a aportar: fotocopia DNI alumno, 1 foto actual, resgardo do abono do seguro escolar)
- 4º ESO : 27 de xuño ( A-F de 9:30 a 11:00 / G-O de 11:00 a 12:30 / P-Z de 12:30 a 14:00
(documentación adicional a aportar: fotocopia DNI alumno, 1 foto actual, resgardo do abono do seguro escolar)
- 1º BAC : 30 de xuño ( A-G de 10:00 a 11:00 / H-R de 11:00 a 12:00 / S-Z de 12:00 a 13:00
(documentación adicional a aportar: fotocopia DNI alumno, 2 fotos actuais, resgardo do abono do seguro escolar)
- 2º BAC : 26 de xuño ( A-G de 10:00 a 11:00 / H-R de 11:00 a 12:00 / S-Z de 12:00 a 13:00
(documentación adicional a aportar: fotocopia DNI alumno, 1 foto actual, resgardo do abono do seguro escolar)
SOBRES DE MATRÍCULA
Os sobres están dispoñibles en conserxería. Aparte do impreso de matrícula inclúen o impreso para o pago do seguro escolar, impreso de inclusión en alerta escolar
Lembramos que o alumnado a partir de 3º ESO e ata os 28 anos de idade, ten que aboar o Seguro Escolar Obrigatorio (1,12 euros)
IMPRESOS DE MATRÍCULA A EFECTOS INFORMATIVOS
O equipo de Biblioteca ten un espazo nas redes para a difusión, colaboración e intercambio das actividades efectuadas no Programa lectura e familias. Atoparedes propostas e contidos de gran interese. Parabéns a todos os participantes no programa.
E para que pasedes un bo rato de lectura neses días de descanso, o equipo de biblioteca ten interesantes propostas para vós. (clicade na imaxe para ver en detalle)
Achégase calendario de fin de curso.
O último día de clase, mércores 21, o alumnado de 1º e 2º de ESO devolverá o equipo EDIXGAL limpo e en perfectas condicións (ordenador, cargador , lápis e maletín con arnés). O ordenador será revisado e actualizado e lle será entregado de volta no inicio do curso 23-24. Se algún alumno cambia de centro tamén terá que entregar a caixa do ordenador e un documento de devolución asinado pola familia.
Igualmente o alumnado ten que devolver en correcto estado todos os libros de texto que lle foran prestados polo fondo de libros ou polos departamentos. Lembramos que a correcta devolución dos libros e material que lles fora prestado este ano é condición indispensable para poder participar no fondo solidario de libros ou recibir o equipo EDIXGAL no vindeiro curso. Tamén se devolverán as chaves da taquilla para ter dereito á devolución da fianza, e os libros que se colleran prestados na biblioteca.
