4º ESO

Concerto Final de Curso 2024

21 Xuño, 2024 - 12:31 — dirección

Leer máis

O alumnado de 2º da ESO, que teña feito 15 anos ou os faga no ano natural en curso, deberá ser proposto excepcionalmente e a criterio do equipo docente e o responsable da orientación do centro para incorporarse á formación profesional básica.

O alumnado procedente de 3º e 4º da ESO poderá solicitar a petición propia, xunto cos seus pais, nais ou persoas titoras, a incorporación a un ciclo de grao básico. Poderá presentar a solicitude no seu centro de orixe sen necesidade de ser proposto e sen figurar na relación inicial de alumnado proposto polo centro.

O prazo de presentación de solicitudes comeza o día 24 de xuño de 2024 e remata o día 4 de xullo de 2024, ás 14:00 h.

O alumnado de 2º ESO proposto excepcionalmente para incorporarse á formación profesional básica será avisado polo centro o día 24 de xuño de 2024. Este alumnado poderá, se así o considera, rexistrar a solicitude (Solicitude ED522A) de incorporación a un ciclo de Formación Profesional Básica na secretaría do centro no plazo anteriormente indicado.

Aquel alumnado de 3º ESO e 4º ESO que desexe incorporarse a un ciclo de Formación Profesional Básica deberá formalizar a súa solicitude (Solicitude ED522A) na secretaría do centro no plazo anteriormente indicado.

3 adxuntos

Admisión a FP. Curso 2024-2025

8 Xuño, 2024 - 15:53 — orientacion

Publicación das instrucións xerais e dos calendarios do proceso de admisión ás ensinanzas de formación profesional para o curso 2024-2025.

Leer máis

Premios extraordinarios de ESO ao rendemento académico 2023-2024

8 Xuño, 2024 - 11:41 — admin

O venres, día 7 de xuño, iníciouse o período de presentación de solicitudes para participar nos premios extraordinarios de ESO ao rendemento académico 2023-2024 (código de procedemento ED311D) cuxa orde de convocatoria foi publicada no DOG o pasado 6 de xuño.

CALENDARIO ESO (3ª AVALIACIÓN E EXTRAORDINARIA)

2 Maio, 2024 - 11:19 — dirección

En documento adxunto pódese consultar o horario de entraga de notas e de reclamacións correpondente á avaliación final da ESO.

1 adxunto

Lista provisional de alumnado admitido - Curso 2024-2025

25 Abril, 2024 - 09:15 — admin

Publicada no taboleiro de anuncios do centro a lista provisional de alumnado admitido para o curso 2024-2025. O alumnado que figura como non admitido pode obter praza na adxudicación subsidiaria do mes de xullo de 2024. Figura, polo tanto, como alumnado en reserva.

Información completa sobre o proceso de admisión 2024-2025 premendo AQUÍ.

Axudas para o alumnado con necesidades específicas de apoio educativo (NEAE) para o curso 2024-25

23 Abril, 2024 - 12:18 — orientacion

As axudas están dirixidas a persoas que presentan unha necesidade específica de recibir apoio educativo (NEAE) derivado dalgunha das seguintes situacións de tódalas etapas educativas que se cursan neste centro e presente a seguinte documentación xustificativa:

Discapacidade: Certificado de discapacidade igual ou superior ao 25%
Trastorno grave de conduta ou da comunicación e da linguaxe:

Certificado dun equipo de valoración e orientación dun centro base e do Instituto de Maiores e de Servizos Sociais ou órgano correspondente da comunidade autónoma ou Certificado do equipo de orientación educativa e psicopedagóxica, do departamento de orientación do teu centro educativo ou da comunidade autónoma. O certificado debe axustarse ao modelo que obterás cando enchas o formulario.
Informe dun equipo de orientación educativa e psicopedagóxica ou do Departamento de Orientación para indicar que tipo de asistencia necesitas, duración etc.
Certificado do inspector de zona para acreditar que necesitas estes tratamentos porque esta axuda non a ofrece o teu centro ou porque non podes matricularche nun centro no que se preste.
Memoria do centro onde vas recibir a reeducación que informe sobre as características do tratamento, a súa duración e o custo.Declaración responsable da persoa que vai impartir a reeducación. Debe acreditar que ten a formación necesaria para iso.

Trastorno do espectro autista:
Certificado médico dos servizos de saúde sostidos con fondos públicos e Certificado do equipo de orientación educativa e psicopedagóxica, do departamento de orientación do teu centro educativo ou da comunidade autónoma. O certificado debe axustarse ao modelo que obterás cando enchas o formulario.
Altas capacidades:
Presentar un informe do equipo de orientación educativa e psicopedagóxica ou do Departamento de Orientación do teu centro educativo para indicar que tipo de asistencia necesitas, a duración, etc. Este informe debe axustarse ao modelo que aparece co impreso de solicitude cando enchiches o formulario en liña e Memoria do centro que imparte o programa ao que vas asistir que informe sobre as características do tratamento, a súa duración e o custo.

Para ter dereito a recibir as axudas, a túa unidade familiar non debe superar a renda anual (a presentada no 2023) que marca a táboa da convocatoria. Por exemplo, se a túa familia formádela 4 persoas e a renda familiar é menor que 31.801 € ao ano, terías dereito a recibir as axudas.

PRAZO PARA A PRESENTACIÓN DE SOLICITUDES:

Do 30 de abril ao 13 de setembro de 2024.

UNIGOW: Plataforma de orientación vocacional para contactar con outros estudantes

22 Abril, 2024 - 13:57 — orientacion

Unigow é unha plataforma colaborativa de orientación que pon en contacto a estudantes de secundaria e bacharelato con estudantes da universidade para axudar aos primeiros a atopar a súa carreira ideal baseándose en experiencias reais de xente que xa o está vivindo.

Probas de nivel lingüístico Cambridge English - Convocatoria de reunión

9 Abril, 2024 - 22:12 — admin

O luns, día 22 de abril de 2024, ás 18:30 h o persoal de Cambridge English convoca a todo o alumnado inscrito nas probas de acreditación de nivel en lingua inglesa coa finalidade de preparar as probas e resolver posibles dúbidas. As familias do alumnado poden asistir a dita reunión, se así o desexan.

Recórdase que as probas realizaranse o sábado, día 04 de maio de 2024.

Bolsas Eurolingua

19 Marzo, 2024 - 19:25 — admin

Infórmase da apertura da 11ª Convocatoria das Bolsas Eurolingua para a realización de Cursos de Inglés en Irlanda de dúas semanas de duración durante o verán nun programa de inmersión todo incluído dirixido a estudantes de Secundaria, Ciclos e Universidade.

Poden consultar toda a información da convocatoria picando nesta ligazón: Becas Eurolingua.

O programa está becado ao 100% e inclúe:
Programa de 20 clases de inglés semanais.
Material didáctico.
Aloxamento en familias seleccionadas e residencia.
Programa de actividades culturais, visitas e excursións.
Certificado de aproveitamento do curso expedido polo colegio.
Teléfono de emerxencia 24 horas.
Non incluído, pero xestionable gratuitamente, o billete de avión.

Os requisitos para solicitar a bolsa son:

Idade mínima 14 anos.
Media académica de polo menos 6 puntos.
Estar matriculado neste curso nalgún destes estudos: ESO, Bacharelato, Ciclos Formativos ou Universidade (masters e doctorados incluídos).
Ter nacionalidade de calquera país da UE.

O prazo de solicitude para esta bolsa finaliza o 21 de abril. Se teñen calquera dúbida pódena consultar no noso apartado de preguntas frecuentes, respondendo a este e-mail ou no noso chat en liña.