No enlace podedes consultar toda a información referida ao fin de curso para a ESO e 1º de bacharelato.

Enlace ao calendario detallado.

Datas clave:

• Día 23 ás 17 horas. Publicación das notas na plataforma Abalar Móbil.
• Día 25 entre 10 e 14 horas. Revisións co profesorado da materia.
• Días 25 e 29 entre 10 e 14 horas. Solicitudes de revisión ante os departamentos.
• Día 30. Envío dos consellos orientadores.

O alumnado de 1º de Bacharelato deberá devolver os libros que ten en préstamo do Fondo da ANPA os días 1 e 2 de xullo, en horario de maña. Os libros das materias suspensas poderán esperar a setembro.

Para alumnado de 2º de Bacharelato anunciaremos nesta web os días de recollida dos libros, que será despois da celebración das EBAU.

Realizada a avaliación final de 2º de Bacharelato, titularon 82 dos 87 alumnos/as matriculados este curso.

E acadaron Matricula de Honra, cos catro mellores expedientes: Nuria Sanmartín Figueira, María Mato Requeijo, Mencía Vidal Obelleiro e Ana Quintela Mato.

A todas e todos queremos trasmitirlle a nosa noraboa e os nosos mellores desexos na nova etapa que comezan.

En recordo dos tempo que pasaron no centro, a profesora Marisa Otero elaborou o seguinte video:

Nova en La Voz de Galicia.

O vindeiro luns 8, ás 18 horas, publicaremos as notas finais de 2º de bacharelato na plataforma Abalar Móbil. No enlace podedes consultar a información referida a revisión das cualificacións co profesorado da materia e cos departamentos.

Para o alumnado que así o desexe, poderá recoller o boletín no centro o martes 9, entre 9 e 11 horas da mañá, concertando antes a entrega no teléfono do centro, o 986 590104.

Calendario.

Trámites que debe realizar o alumnado de 2º de Bacharelato que supera o curso na avaliación ordinaria do 8 de xuño:

Depósito do Titulo de Bacharelato (obrigatorio), documentación a presentar:

• Impreso de solicitude cuberto e asinado.
• Fotocopia do DNI.
• Impreso de taxas (Debe ir a iniciar taxa, seleccionar o candado aberto  e  despois a  descargar modelo en blanco, cubrir as 3 follas e levalas a entidade bancaria donde fará o pago. No centro deberá entregar unha das copias seladas pola entidade bancaria. Documento cos códigos para cubrir os impresos.

Matrícula para a ABAU, documentación a presentar:

• Impreso de matrícula cuberto e asinado. Lembrar que o enderezo electrónico para futuros trámites coa CIUG debe ser diferente ao do MGB.
• Fotocopia do DNI.
• Impreso de taxas   (deberá levar tres copias o banco, e no centro entregar unha selada pola entidade bancaria onde se realizou o pago (*).

Os impresos pódense descargar das ligazóns e tamén estarán dispoñibles para recoller na entrada do centro.

Maís información sobre as taxas. (*) Recordamos que no caso de ter dereito á reducción nas taxas deberá acompañar da documentación xustificativa correspondente).

PRAZO: do 10 ao 16 de xuño.

As solicitudes deben presentarse na secretaría do centro seguindo as normas de hixiene que a situación actual obriga.

A próxima semana o profesor Augusto Otero impartirá unha charla destinada ao alumnado de 2º de Bacharelato: "ABAU 2020: NORMATIVA E ASPECTOS PRÁCTICOS”.

Planificáronse dúas sesións (co aforo limitado):

• Xoves 11, ás 12:15h, en Usos Múltiples (prazas agotadas).
• Venres 12, ás 12:15h, en Usos Múltiples (prazas agotadas).
• Luns 15, ás 12:25, na Aula de 2º de Bacharelato C

O alumnado interesado en asistir deberá anotarse cubrindo un formulario que recibirán por correo electrónico.

Na seguinte ligazón pódese acceder a toda a información que o alumnado debe coñecer sobre a normativa-organización que regula a ABAU e os seus aspectos máis prácticos:

PRESENTACION CHARLA ABAU 2020

Respectando todas as medidas de prevención establecidas, programaranse varias datas para a celebración presencial da charla impartida polo profesor Augusto Otero, en varias quendas e con aforo limitado. Informoremos nos próximo días.

Finalizado o prazo de presentación de solicitudes de admisión para o próximo curso informámoslles que todo o alumnado que solicitou praza no IES Manuel García Barros está admitido para o curso 2020-2021.

A matrícula para o alumnado que supere todas a materias en xuño formalizárase nos primeiros días do mes de xullo. Nas próximas semanas publicaremos instrucións máis detalladas.

Recordámoslles que está aberto o prazo de presentación de solicitudes para o Fondo de Libros e Axudas de material, máis información nesta ligazón.

A partir do luns 25 de maio retomamos as clases presenciais para 2º de bacharelato segundo o calendario do enlace. Lembra que seguimos en estado de alarma:

1. Non esquezas a túa mascarilla.

2. Mantén a distancia de seguridade (2 metros).

3. Desinfecta as túas mans ao entrar no centro e sigue estrictamente as indicacións que atoparás na entrada.

Enlace ao horario!

Enlace ás instrucións!

A Resolución do 5 de maio de 2020, da Secretaría Xeral Técnica da Consellería de Presidencia, Administracións Púlbiass e Xustiza (DOG num. 86, do 6 de maio), no ámbito educativo, establece os seguintes acordos:

• Retablecer o procedemento de admisión de alumnado:
• Prazo de presentación de solicitudes do 11 ao 18 de maio. O procedemento se pode realizar de xeito telemático na aplicación admisionalumnado (recomendable), ou presentar a solicitude no propio centro (anexo II cuberto, xunto cunha fotocopia do DNI do/a alumno/a).
• Publicación das listaxes provisionais do alumnado admitido e non admitidos antes do 9 de xuño de 2020. Con 3 día hábiles para formular reclamacións.
• Publicación das listaxes defintivas do alumnado admitidos e non admitidos antes do 26 de xuño de 2020.
• Apertura dos centros educativos:
• Dende o luns, 11 de maio, o instituto estará aberto de 9:00h a 14:00h.
• Recordamos que os deprazamentos ao centro educativo só se deben realizar para os trámites estrictamente necesarios, e no caso de acceder ao interior rogamos empreguen mascarilla e sigan as instruccións que se establezan na entrada do mesmo.
• As consultas serán atendidas no teléfono do centro (986590104) no horario de apertura o no correo electrónico ies.garcia.barros@edu.xunta.es

OLLO!!!

O ALUMNADO XA MATRICULADO NO CENTRO OU O ALUMNADO DO PÉREZ VIONDI NON TEN QUE SOLICITAR PRAZA.

O 28 de abril é o día da EF na rúa, pero este ano temos que celebralo dende as nosas casas.

O MGB segue a practicar deporte, e animámovos a que subades unha foto facendo deporte na casa (é moi sinxeo, un click no + da esquina inferior dereita do muro). #DEFC2020

A comunidade do IES MGB queremos dar un paso adiante e expresar o noso sentir, a nosa unión nestes momentos. Fundirnos con tantos seres xunt@s, unir as nosas voces, apoiarnos n@s nos@s, apoiarnos e que outr@s sintan que aquí estamos, que loitamos por resistir e que XUNT@S, UNID@S RESISTIREMOS!!!

A iniciativa na prensa:

• Faro de Vigo - 27/04/2020

A iniciativa dos Departamentos de Música, e coa colaboración do Departamento de Educación Plástica, convidamos a toda a comunidade educativa (alumnado, profesorado, persoal non docente, familias, ...) a participar na gravación dun vídeo.

Para saber máis pincha nesta ligazón.

Data límite para o envio dos vídeos: venres 10 de abril.

Lembramos que, tal e como se informa todos os anos ao inicio do curso, está a disposición dos pais, nais e responsables legais do alumnado do IES Manuel García Barros a aplicación para smartphones “Abalar Móbil”. A partir da mesma poderase acceder, entre outros, aos seguintes servizos básicos relacionados co alumno/a:

• Cualificacións académicas.
• Mensaxes informativas por parte do profesorado, titor e equipo directivo, DE ESPECIAL IMPORTANCIA NO ACTUAL PERIODO DE SUSPENSIÓN DE CLASES.

Pódese obter máis información sobre o Abalar Móbil nas seguintes ligazóns:

• Guía para as familias
• Respostas ás preguntas máis frecuentes
• Formulario de incidencias e consultas

Para instalar a aplicación Abalar Móbil pode empregar as ligazóns seguintes:

Smartphone Android	Smartphone Iphone
http://play.google.com/store/apps/details?id=es.xunta.edu.abalarmobil	http://itunes.apple.com/es/app/abalarmobil/id660608502

Os centros non temos instrucións concretas máis aló da noticia na web da Consellería (consultar enlace). Informaremos ás familias e aos rapaces debidamente cando as haxa.