Durante as dúas próximas semanas, do 25 de xaneiro ao 5 de febreiro, repartirase froita fresca de tempada, durante o 1º recreo, ao alumnado da ESO.

Esta iniciativa forma parte da campaña de distribución de froita fresca convocada polo Fondo Galego de Garantía Agraria.

"Voar", é unha das actividades levadas a cabo no centro co gallo do 25/11/21, neste caso por alumn@s de Plástica e Música, en apoio ás mulleres e ós nenos maltratados pola violencia machista. Con este traballo queremos expresar e visibilizar a solidaridade da nosa comunidade con todas e cada unha das persoas que sufren por causa tan execrable".

Hoxe 18 de xaneiro, por fin chegou o noso composteiro!! A partir de agora xa podemos recoller e compostar os residuos orgánicos da cafetería e das merendas. O composteiro tróuxonolo Manolo Dominguez, biólogo e educador ambiental do Plan Revitaliza da Deputación de Pontevedra, Explicounos como reducir os nosos residuos e a importancia da separación selectiva. En canto á compostaxe explicounos que vai e que non vai ao composteiro e como coidalo. A partir de agora o alumnado de primeiro da ESO serán os encargados/as de xestionar o composteiro.

Fotos da charla e instalación do composteiro.

Comeza o ano con novos éxitos do alumnado do MGB no V Torneo de Badminton Deputación de Pontevedra.

Noraboa!!

Nova na prensa: Faro de Vigo

(Foto do Faro de Vigo)

Esta situación de pandemia está directamente relacionada coa perda de biodiversidade no planeta. Depende de nós como consumidores, minimizar a destrución da natureza, por este motivo dende a comunidade educativa do IES Manuel García Barros queremos darvos unha serie de consellos para un NADAL SOSTIBLE!!

• Consellos elaborados polo alumnado de Ciencias da Terra e do Medioambiente (2º Bac)
• Infografías creadas polo alumnado de Tecnoloxías da Información e da Comunicación (2º Bac)

Pincha enriba das imaxes para ver as infografías completas.

Como en anos anteriores, os IES da Estrada veñen de elaborar unhas recomendacións de lecturas (narrativa e cómic) para estas vacacións de Nadal. Podes botarlles unha ollada e descargalas en arquivo *.pdf picando nesta ligazón.

Lembra que podes levar libros en vacacións!

Xián Fernández Andrade, Ana Gestoso Froján, Andrea Martínez Ruso e Henar Rodrigo Pérez, alumnas e alumnos de 2º de Bacharelato de Artes durante o curso pasado, veñen de recibir o Premio especial 25 Aniversario Ponte nas Ondas no II Certame Escolar de Podcasts en Galego Xosé Mosquera Pérez, co seu traballo Morriña, que podedes escoitar na seguinte ligazón:

Parabéns aos galardonados!!

Outras ligazóns:

• Web de Ponte nas Ondas coa resolución dos premios.
• Nova no Diario de Pontevedra

Manuel Abelleira, ex alumno do centro, vén de recoller un pequeno agasallo dos profesores de Fundamentos da Arte e Antropoloxía para agradecerlle as charlas impartidas ao alumnado sobre a súa experiencia como arqueólogo en Exipto.

A iniciativa Gardas Activas do departamante de Educación Física do MGB en prensa:

• Ligazón á nova na web
• Ligazón á nova en formato pdf

Dentro das iniciativas do contrato programa que tenta incrementar a actividade física durante o horario lectivo, presentamos un video de baile, realizado por alumnado voluntario de 2º de bacharelato, adaptando un coñecido baile para poder practicar na aula, cando chove, sen moverse do posto (cumplindo coas medidas de seguridade para a prevención da COVID-19):

A Consellería publicou a Orde pola que se regula o procedemento para a distribución de máscaras entre o alumnado da ESO no curso 2020-2021 (código de procedemento ED330E).

O prazo de solicitude será do 16 ao 27 de novembro de 2020 (ambos inclusive).

• Non ten que presentar solicitude e terá dereito ao reparto de máscaras  todo o alumnado beneficiario do Vale de Axuda de Material Escolar no presente curso.
• Poderá presentar a solicitude:
• Alumnado de familias con renda per cápita igual ou inferior a 6000 €. e que non obtivo vale de material. (A renda que se ten en conta é a do ano 2018).
• Alumnado matriculado en Educación Especial.
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65%.

A solicitude deberá presentarse na secretaría do centro mediante os Anexos I e II  da convocatoria xunto coa copia do libro de familia onde figure o alumno e o resto de membros da familia. No caso de separación ou divorcio deberá achegar copia da sentencia.

O xoves, 5 de novembro, participaron Pili Meijome e Augusto Otero no desenvolvemento da xornada do programa A Ponte entre o Ensino Medio e a USC.

Na seguinte ligazón pódese acceder a toda a información transmitida polo profesor Celso Rodríguez Fernández, Coordinador do Programa e Delegado do Reitor da USC para asuntos de Ensino Medio:

• Información do Programa.
• Información da CIUG.

O Centro de Formación e Recursos (CFR) de Pontevedra ofrece ás familias a posibilidade de formación no seu acompañamento ao alumnado e no coñecemento das ferramentas tecnolóxicas que enriquecen a experiencia de aprendizaxe dende os fogares.

Máis información, vídeos e titorias na aula virtual do CFR de Pontevedra nesta ligazón.

As redes sociais funcionan hoxe, 4 de novembro, para unha boa causa. A través delas xurdiu un movemento contra a homofobia e o sexismo que tenta que a mocidade se esqueza dos estereotipos e baixo o lema ‘A ROUPA NON TEN XÉNERO’ mobilizouse á xuventude en xeral a vestir con saia. O noso alumnado non podía ser menos e foron varios os e as que trouxeron esta indumentaria. NORABOA por ese éxito de convocatoria!!!!!!

Máis imaxes deste día nesta ligazón.