As presentacións levaranse a cabo os días 15, 16 e 17 de setembro co seguinte horario:

Ao longo do martes 14 de setembro se informará ás familias, a través do Abalar Móbil, dos grupos de alumnado.

INSTRUCCIÓNS INICIAIS PARA O CURSO 2021-2022.

MODELO DE DECLARACIÓN RESPONSABLE (o alumnado deberá traela asinada o día da presentación)

Nas seguintes ligazóns tedes toda a información sobre o calendario de fin de curso, devolución libros e datas matrícula:

• Calendario probas extraordinarias de setembro, publicación notas e reclamacións.
• Información devolución dos libros de Fondo Libros da ESO.
• Información devolucións libros da ANPA - Bacharelato.

O profesorado que coordina o programa Meteoescolas no noso centro quere facer balance do desenvolvemento de dito proxecto este curso facendo constar os seguintes agradecementos:

• Ao alumnado de 3º de ESO e 1º BAC A pola profesional e sistemática recollida de datos meteorolóxicos ao longo de todo o curso (actividade que realizou cada día unha parella durante a 1ª hora de clase).
• Aos alumnos Adrián Blanco e Daniel Ruibal de 1º de BAC A pola montaxe electrónica da estación de calidade do aire sacrificando os seus recreos do mes de maio.
• Ao profesor Arturo Vizcarra por ceder altruistamente unha tablet que facilitou a recollida de datos por parte do alumnado na estación meteorolóxica manual.
• Á profesora Patricia Pérez por colaborar co seu grupo dos mércores a 1ª hora na recollida de datos da estación meteorolóxica manual.

Respecto do desenvolvemento global do proxecto, inda que non se puido levar adiante nun curso tan complicado organizativamente o tratamento estatístico dos datos meteorolóxicos históricos que actualmente xa están dixitalizados (quedará pendente como obxectivo prioritario para o vindeiro curso), si que estamos moi satisfeitos por ter acadados dous dos obxectivos prioritarios deste curso:

• Establecer unha rutina sistemática de rexistro de datos meteorolóxicos da estación manual do centro por parte do alumnado que permita seguir incorporando datos á web de Meteoescolas.
• Incorporar un sistema automático de medición que permita rexistrar datos meteorolóxicos básicos (temperatura e humidade), con vistas a ser ampliado en vindeiros cursos (pluviometría e dirección e velocidade do vento).

En relación co anterior aproveitamos para informar que este curso o noso centro incorporouse á rede estatal de centros Educacont, da cal somos o primeiro centro de Galicia en participar. O obxectivo principal de dita rede é o estudo da contaminación na contorna dos centros escolares para o cal instalouse un sistema de control baseado en Arduino alimentado por enerxía solar, xunto cos seus correspondentes sensores e cuxos datos pódense consultar en tempo real nesta páxina.

Para finalizar este curso diferente pola COVID-19, pero que no centro quixemos que fose un ano activo, o luns 21 e martes 22 de xuño o alumnado do centro participou de encontros deportivos de diferentes modalidades deportivas.

Os resultados dos gañadores das finais aparecen na táboa:

Pero o máis importante foi a gran participación do alumnado, o respecto das normas nas xornadas deportivas e a inestimable colaboración do alumnado de bacharelato nas arbitraxes e organización.

Video "Escarlatina, a cociñeira defunta" en versión Kamishibai, elaborado por un grupo de alumnos e alumnas do MGB:

O pasado 1 de xuño celebrouse, no Teatro Principal da Estrada, o acto de entrega simbólica de premios da VIII Festa das palabras organizada por Dinamizaestrada (Coordinadora de EDLG dos centros educativos da Estrada).  Non puido haber público por causa das medidas de seguridade con motivo da pandemia da covid 19.

Aquí tedes o video do acto e nesta ligazón podedes acceder á galería de imaxes:

Na seguinte ligazón podedes ver as infografías elaboradas polo alumnado da materia de Cultura Científica de 1º de Bacharelato coa profesora Lucía Lijó:

A matrícula extraordinaria para o curso 2021-2022 realizárase día 6 de setembro, con cita previa, por cursos segundo o seguinte horario:

As solicitudes deben presentarse na secretaría do centro seguindo as normas de hixiene que a situación actual obriga. Para poder cumprir co distanciamento social e garantir a seguridade das familias e do persoal do centro, será preciso solicitar cita previa no teléfono 986590104.

O alumnado que veña doutro centro, agás os procedentes do CEIP "Pérez Viondi" ademais da documentación que figura relacionada abaixo deberán meter no sobre branco unha certificación académica oficial dos estudos realizados anteriormente.

O alumnado no momento da matricula presentará:

• Dúas copias cubertas e asinadas do impreso de matrícula do curso correspondente que se presentarán na ventaniña de secretaría para o seu selado (ver táboa superior).
• Un sobre branco DINA4, co nome completo do alumno/a e o curso no que se matricula na parte  dianteira e no seu interior estarán, debidamente cubertos e asinados, os seguintes impresos:
•  1 Foto tamaño carné co nome completo do/a alumna/a escrito pola parte traseira.
•  1 copia do DNI (se non se entregou anteriormente no centro)
• Autorización actividades.
• Autorización emprego da imaxe.
• Autorización recollida.
• Información e consentimento TIC. (só o alumnado novo no centro)
• Clausula informativa protección de datos.
• Xustificante de pago do seguro escolar. Importe: 1,12.-€. (O seguro escolar so é para alumnado de 3º e 4º da ESO, e 1º e 2º de Bacharelato). O pago é obrigatorio e realizarase na conserxería do centro antes de proceder a entregar a documentación da matrícula na secretaria. Só se admitirá o importe exacto, non se devolverá cambio.
• Solicitude CUALE 2021-2022 (para o alumnado de Bacharelato, só no caso de estar interesado)
• Impreso ANPA (só as familias interesadas en facerse socios da ANPA)

Os impresos deberán descargarse das ligazóns sinaladas en azul. O sobre blanco deberá mercarse.

As dúbidas sobre as materias ou itinerarios serán atendidas nos seguintes enderezos:

• pilmeijome@iesgarciabarros.org (orientadora)
• direccion@iesgarciabarros.org (directora)

O sábado 12 de xuño tivo lugar, no patio do centro, a despedida ao alumnado de 2º de Bacharelato.

Na seguinte ligazón podedes acceder á galería de imaxes:

Vídeo do alumnando, traballo coordinado polo profesor Xoán Xosé Pérez:

Vídeo elaborado pola profesora Marisa Otero o paso polo instituto do alumnado que agora despedimos:

O pasado mércores, 9 de xuño, celebraremos a II Xornada solar do IES MGB, na que:

• Durante toda a mañá cociñamos diante da fachada Sur do edificio (fachada da entrada principal) con varias cociñas e fornos solares diversos produtos (pizzas, biscoitos, mazás asadas) que foron degustados polo alumnado ao rematar as clases a 6ª hora.
• Tamén se colocaron a carón das cociñas solares varios paneis informativos sobre a importancia da enerxía solar como fonte de enerxía alternativa primordial na loita contra o cambio climático (exposición cedida amablemente por ADEGA)

Podedes ver todas as imaxes neste ligazón.

Dentro da semana do día do Medio Ambiente, o día 8 foi o día dos océanos. Por esta razón, persoas voluntarias de 1 ESO estivemos recollendo os plásticos do patio do centro. Desta forma evitaremos que os plásticos cheguen aos ríos e océanos, evitando a contaminación que provocan. Esta é unha actividade de educación e voluntariado ambiental cuxo obxectivo  e que todas as persoas do centro tomen conciencia e se evite o uso de plásticos e embalaxes. Temos que comeza por reducir o seu uso!!

Pódedes ver as fotos nesta ligazón.

Nas seguintes ligazóns tedes toda a información sobre o calendario de fin de curso, devolución libros e datas matrícula:

• Calendario fin de curso e avaliación extraordinaria de 2º de Bacharelato.
• Información datas devolución dos libros de Fondo Libros.
• Información das datas de matrícula.

Hoxe 11 de Xuño os alumnos da cooperativa CODOURADA entregaron a Rocío González, presidenta da Asociación estradense en defensa dos animais (PALLEIRÁNS) a doazón correspondente aos beneficios acadados.