Unha nova actividade de Escola de familias, "Cara unha educación consciente", terá lugar este mércores, 11 de maio ás 19:30 horas.

O relatorio será conducido pola psicopedagoga Ana Fontán.

Será por streaming no enlace www.lalin.gal/aquelar e toda a comunidade educativa está convidada a participar.

Tamén podes consultar o cartaz do evento.

Estes son os gañadores do IX Concurso de Micropoemas e Microrrelatos dos centros educativos de A Estrada. 

De esquerda à dereita e de arriba a abaixo:

• Alexandra Paz, Lara García, Alba Campos, Mariana Torrado. Abaixo: Saleta Lueiro e Brais Cerviño.

A entrega de premios vai ser o dia 25 de maio no Teatro principal ás 20:30h. Os alumnos poderán ir acompañados das súas famílias.

Noraboa aos premiados!

Dende o equipo da MeGaBiblio queremos informar a toda a Comunidade Educativa que nestes momentos o desorde que vedes é debido aos traballos de recolocación dos libros nos andeis e á adaptación ao novo sistema informático de xestión KOHA.

Esperemos poder ter as instalacións a punto o antes posible! Grazas pola vosa comprensión.

O vindeiro venres 6 de maio, ás 20:00 horas, terá lugar a actividade de Escola de familias "Educar no uso de internet e as TIC".

Estará dirixida por Patricia Gómez, psicóloga especialista e integrante da Unidade de Psicoloxía do consumidor e do usario da USC.

Será por streaming dende a ligazón www.lalin.gal/aquelar e toda a comunidade educativa está convidada a participar. 

Todo o alumnado que fixo a solicitude de admisión, dentro do prazo establecido, está admitido no centro para o curso 2022-2023.

As solicitudes fóra de prazo están á espera da resolución por parte da Inspección Educativa.

* O alumnado que veña para 1º de bacharelato debe ter en conta o prazo excepcional este ano (só ata o 12 de maio) para a solicitude de bolsa (beca) para o curso que ven. Se non foron informados no seu centro actual consulten a noticia publicada un pouco máis abaixo nesta web.

Durante os días 6, 7, 8 e 9 de abril, o alumnado de Latín de 1º e 2º de Bacharelato realizou unha viaxe de estudos a Valencia dentro do proxecto estatal de agrupación de Centros "Grecia e Roma nas túas mans", do que forma parte o MGB xunto cos centros IES 9 d’OCTUBRE de Carlet (Valencia) e o IES Sáenz de Buruaga de Mérida. Estiveron acompañados polos profesores Marisa Otero e Álvaro P. Vilariño.

O primeiro día tivo lugar unha visita guiada polo centro da cidade de Valencia: torres de Serrano, pazo da Generalitat, catedral, Lonxa, e outros monumentos e lugares de interese. O xoves achegámonos ata o Museo arqueolóxico de Alicante e o castelo de Santa Bárbara, e xa pola tarde, ao VilaMuseu de La Vila Joiosa. O venres foi o día dos Ludi Saguntini, onde despois de realizar varios obradoiros (latine loquendo, escritura) subimos ata o teatro de Sagunto para ver a representación dunha obra de Plauto, a Aulularia. Na baixada, parada na Domus Baebia, aula didáctica de Cultura Clásica. A tarde foi para a visita á praia da Malvarrosa e de novo o centro de Valencia. Despedimos a esta fermosa cidade o sábado, coa visita ao Oceanográfic e á cidade das artes e das ciencias.

Neste álbum de Flickr pódense ver as imaxes da viaxe.

Este martes 19 de abril, o alumnado de 1º e 2º de bacharelato de Economía asistíu no salón de actos do centro a unha charla organizada pola Consellería de Educación dentro do Programa Eduemprende en colaboración con Afundación (Obra Social ABANCA).

A ponente foi Carlota Sánchez Puga, coordinadora adxunta da Área de Educación Superior de Afundación e a temática da mesma “Tendencias económicas que van marcar a economía do futuro”, resoltou de gran interese para o alumnado.

Ao longo deste mes de abril, o noso centro concentrará a posta en común das iniciativas realizadas dentro do proxecto EDUsaúde de promoción de estilos de vida activos e saudables, realizadas este curso no IES Manuel García Barros.

O mércores 6 de abril conmemórase o Día Mundial da Actividade Física e dende o proxecto EDUsaúde promovéronse camiñatas seguindo a Ruta da Zona Deportiva, na contorna do noso centro. Aproveitando o bo tempo o profesorado de educación física, nas súas clases, e tamén todos profesorado do centro nas gardas activas, estivemos a camiñar nos últimos días, conseguindo sumar máis movemento na nosa xornada escolar.

Podedes ver todas as imaxes neste álbum de Flickr.

Nesta última semana da avaliación tentaremos sumarnos a máis iniciativas activas como as xornadas activate  ou "baila la pena" de Macaco, promovidas pola Fundación Gasol.

Do 31 de marzo ao 3 de abril. Fomos ao museo Thyssen e ao Museo arqueolóxico nacional. Tamén visitamos o Prado e o Museo Reina Sofía. Tivemos unha fabulosa guía de arte, a nosa compañeira Beatriz Mera.

Paseamos polas rúas de Madrid e o Retiro, onde algúns alumnos pasearon en barca. Visitamos o sorprendente Xardín Botánico. Pudemos observar monumentos emblemáticos como a porta de Alcalá, o Ayuntamiento, e por suposto, "pateamos" as rúas de Serrano, a Castellana e estivemos na praza de Colón onde puidemos disfrutar da xigantesca imaxe de "Julia" de Plensa. Tamén visitamos a Real Academia de Bellas Artes de San Fernando cunha magnífica e sorprendente colección de pinturas e de grabados (Goya, Picasso...). Fomos unha noite ao teatro a ver "La Gran Depresión", de Nuria Roca e Antonia San Juan. Por suposto, paseamos pola Gran Vía, Puerta del Sol, Plaza Mayor, mercadillo de San Miguel, etc.

O comportamento dos nosos alumnos, como sempre, foi espectacular." Podedes ver as imaxes neste álbum de Flckr.

Xa están subidas a este álbum de Flickr as imaxes da viaxe a Madrid do bacharelato de Artes.

Este mércores 30 de marzo o alumnado de 2º bacharelato de Ciencias da Terra e do Medioambiente asistiu a 2 charlas organizadas pola Universidade de A  Coruña dentro do programa Charlas de Divulgación Científica 2021/2022

O ponente foi o o catedrático da UDC  na área de Enxeñaría Química o Dr. Manuel Soto Castiñeira.

A primeira charla tratou sobre a depuración ecolóxica con xuncos, espadanas e carrizos, sendo unha das principais liñas de investigación do grupo de Enxeñaría Química Ambiental. Este sistema de depuración por humedais elimina os principais contaminantes das augas residuais: materia orgánica, sólidos en suspensión, nitróxeno, fósforo e mesmo contaminantes emerxentes como son os farmacéuticos. A segunda charla foi sobre "O lixo-retrete, da túa man ao mar. Como previlo? onde se mostrou como moito do lixo recollido nas nosas praias procede das nosas casas.

Hoxe, mércores 30 de marzo, o alumnado de 4º ESO e 1º Bacharelato na materia de Economía participou nun charla impartida pola Escola Galega de Consumo sobre Consumo responsable e sostible, Etiquetado dos alimentos e a Axenda 2030.

A pasada semana o alumnado de primeiro de bacharelato do noso centro recibiu a visita de dous profesores convidados dentro do proxecto de promoción de estilos de vida saudables, EDUsaúde.

Lucy e Roi, da Asociación Xuvenil A Estación, explicaron en que consiste esta actividade deportiva, trouxeron os materiais, fixeron xogos e participaron activamente nun encontro de Jugger.

A experiencia, enmarcada dentro da iniciativa do departamento de educación física de promocionar as actividades físicas na contorna, resultou moi positiva e esperamos que axude a que o alumnado atope unha opción para desfrutar do seu tempo de ocio dun xeito activo.

Podes ver máis imaxes e un pequeno vídeo deste evente neste álbum de Flickr.

Neste arquivo pódese atopar o programa da Escola de familias que se vai a desenvolver proximamente e no que está convidada a participar toda a comunidade educativa .

O programa consta dun ciclo de conferencias e obradoiros, combinando as modalidades en liña e presencial. 

O luns 21 de marzo os alumnos de 1º Bacharelato da materia de Economía visitaron o Parlamento de Galicia.

Durante o percorrido aprenderon as funcións, a organización e a historia da institución; accederon as dependencias máis solemnes do pazo do Hórreo como o Salón dos Reis, a Biblioteca, os patios interiores e o Hemiciclo, onde protagonizaron un breve debate parlamentario.

Acompañaron aos alumnos as profesoras Fina Brea e Raquel Carballo.

Podes ver todas as fotos neste album de Flickr.