Reunida a xunta electoral no día de hoxe, e recollidas as candidaturas presentadas en tempo e forma, publicamos as candidaturas presentadas e a composicións das mesas electorais escollidas por sorteo.

Alumnado.

Familias.

Profesorado.

O pasado mércores 10 de novembro o alumnado de 1º ESO, acompañado por tres profesoras, visitou o Parque Arquelóxico da Arte Rupestre de Campo Lameiro.

Podedes ver máis fotos neste álbum de Flickr!

O alumnado de 1° e 2º da ESO do noso centro participou na carreira de campo a través do programa XOGADE, dentro do Proxecto de Vida Activa e Deportiva promovido polo departamento de Educación Física.

Destacar o esforzo dos nenos e nenas participantes nunha mañá con frío e néboa nas instalacións da zona deportiva da Estrada, nun percorrido de 1300 metros con bastante dificultade.

Parabéns ao alumnado pola gran participación e implicación na actividade!

Neste álbum de Flickr podedes ver máis fotos.

Nas ligazóns seguintes podedes consultar as convocatorias de eleccións ao Consello Escolar para alumnado, familias e profesorado:

• Convocatoria ConselloEscolar Familias
• Concocatoria Consello Escolar alumnado
• Convocatoria DOG 27 de setembro (normativa)

Para calquera consulta ao respecto podedes escribir ao enderezo direccion@iesgarciabarros.org

O pasado xoves 29 de outubro, tivo lugar unha saída cultural á Ribeira Sacra cos alumnos de 2BAC, visitando os Peares, a igrexa de San Pedro de Rocas (Esgos) e a súa contorna (Fonte de San Bieito), e o embarcadoiro de Santo Estevo de Nogueira de Ramuín, onde se realizaou un paseo en catamarán polos Canóns do Sil.

Tras a comida foi o turno do mosterio de Santo Estevo, visitando o seu claustro para, a continuación, poñer rumbo a Celanova onde tivo lugar unha excepcional exposición e interpretación do seu afamado órgano (ver vídeo!). A visita continuou coa nosa xoia mozárabe, San Miguel de Celanova, rematando a xornada coa visita e baño no campamento de Aquis Querquennis en Bande.

A actividade foi organizada polo departamento de Xeografía e Historia, en colaboración coas profesoras dos Departamentos de Música e Lingua Galega (Esther Sánchez, Beatriz Mera, María Varela e Teresa Filloy).

Máis fotos neste álbum de Flickr!

Xefatura territorial vén de autorizar como festivos do centro os seguintes días:

• martes, 7 de decembro
• luns, 16 de maio

Parabéns para Belén Troitiño que vén de gañar o Premio Extraordinario das ensinanzas artísticas profesionais na modalidade de Música da Xunta de Galicia.

É a primeira vez que un alumno do Conservatorio da Estrada acada esta distinción. A clarinetista fala da súa traxectoria profesional neste artigo do Faro de Vigo.

Ben merecido pola súa dedicación e traballo!

O xoves 28 de outubro o alumnado de 1º de bacharelato, dentro da clase de educación física, contou coa visita do adestrador do Clube Atletismo A Estrada, Marcos Otero.

Esta actividade enmarcase dentro das propostas do departamento de EF para a promoción da actividade física saudable no noso alumnado, a colaboración dos clubes e entidades deportivas do Concello co Reto Activo MGB e unha das iniciativas dos Plan Proxecta e o CPInova que se desenvolven este curso no noso centro. Estes proxecto de innovación educativa pretenden promocionar estilos de vida activos e saludables no alumnado, dando a coñecendo as múltiples posibilidades de práctica de actividades físicas e deportivas na súa contorna, coa idea de que todo movemento suma saúde.

A actividade resultou moi positiva, grazas á experiencia de Marcos, que presentou a práctica do atletismo coma unha alternativa de ocio activo e saudable, tentando deixar a un lado os prexuizos que poida ter o alumnado sobre a necesidade de "ser bo" para practicar deporte nos clubes deportivos.

Dende o departamento de educación física gustaríanos felicitar a Marcos polo seu traballo e agradecer a súa colaboración co centro na promoción da actividade física e a saúde.

Máis fotos neste album de Flickr

Así recolle a prensa o acto de entrega de diplomas do pasado xoves:

• Noticia de entrega dos diplomas no Faro de Vigo
• Noticia na Voz de Galicia
• Na páxina da Xunta de Galicia

Para celebrar o Día da Biblioteca Escolar (24 de outubro), o xoves 21 de outubro (ás 10,00 da mañán) Valentín García Gómez (Secretario Xeral de Política Lingüística) entregará aos rapaces que colaboraron como axudantes da biblioteca escolar nos cursos 2020-2021 e 2019-2020 os diplomas que acreditan a súa participación no programa "Bibliotecas Escolares Solidarias", da  Dirección Xeral de Centros e Recursos Humanos (Consellería de educación) coa colaboración da Dirección Xeral de Xuventude, Participación e Voluntariado, da Consellería de Política Social.

Aqueles axudantes que están a cursar estudos universitarios serán convocados próximamente.

Libros:

1. Moby Dick
2. El día en que Edu se convirtió en cucaracha
3. Moda sostenible

Películas:

1. El fundador
2. El Show de Truman
3. Los chicos del coro

O pasado mércores 13 de outubro o alumnado de 3º ESO viaxou a Santiago para visitar a cidade e asistir á representación teatral "Tacao" da compañía MOVING COMPASS, no marco da XXVI edición do Festival Internacional de Títeres de Santiago de Compostela.

Mañá, mércores 20, e o xoves 21 de outubro, os axudantes da biblioteca de 2.º, 3.º e 4.º de ESO farán a entrega dos carnets da Biblioteca no horario seguinte:

• Mércores 20 na 3.ª hora: 1.º ESO A (Inglés con Mª Ángel) e 1.º ESO C (Reforzo con Teresa Filloy) Entregarán os carnés: Nicolás Moure e Marco Montenegro, de 2º ESO B (en Tecnoloxía con Lorena)
• Mércores 20 na 5ª hora: 1.º ESO B (Galego con María Mansilla).Entregarán os carnés: Mateo Villanueva (de 2.º ESO C, en Francés con Teresa Iglesias) e Ángela Caeiro (de 4.º ESO B, en Galego con Miguel Bugallo/Inés)
• Xoves 21 na 5ª hora: 1.º ESO C (Francés con Alicia). Entregan os carnés: Aroa Carballo (de 3.º ESO C en Inglés con Fina Brea) e Roberto Vieites (de 3.º ESO A en Plástica con Celia).

O martes 5 de outubro o alumnado de 2º de Bacharelato da materia de Economía da empresa e FUAX visitou a empresa IBERLUFFA (Ibérica de exponxas vexetais) en Caldas de Reis.

A visita iniciouse na plantación de luffas coas explicacións do proceso produtivo, características do froito, fermentación e secado, deseño e troquelado, comercialización do produto e loxística da empresa.

A actividade foi organizada polo departamento de Ecomomía e os alumnos estiveron acompañados pola profesora Raquel Carballo (máis imaxes neste álbum)

E se aínda non sabes o que é unha luffa, consulta esta páxina!