A ANPA (asociación de nais e pais do MGB) informa sobre a segunda sesión da Escola de Pais, que terá lugar o vindeiro xoves 30 de abril, ás 20:30 horas, no Teatro Principal da Estrada.

O vindeiro 12 de maio do 2009 os/as alumnos/as de 2º ESO visitarán o Parque Experimental de Sotavento. Sairán ás 08:45 horas e voltarán ás 18:10 horas aproximadamente. Para máis información sobre o parque premer aquí

Mañá venres 24 de abril no Auditorio de Goián ás 20:30 horas haberá unha nova de representación do Taller de Expresión Artística do MGB, finalista da Mostra de Teatro do Miño, que optan o premio do público. Sairán autobuses gratuitos postos polo Concello.  

Xa podedes ver (e descargar) as fotografías da viaxe a París. Encontraralas  na nova galería de imaxes do MGB en Flickr.

Se alguén quere todas as fotos e os vídeos, debe falar con Arturo e ir provisto dun lápis de memoria de 2 gigas (como mínimo...!).

Os alumnos Lucía Rodríguez Vázquez, Álvaro Brey Vilas, Sara Campos Rosende e Paula Romero Bermúdez (3º ESO), dirixidos por Augusto Otero participarán na II Olimpiada Galega de Química organizada polo colexio Oficial de Químicos de Galicia que celebrarase na sua fase de zona o venres 24 de abril na Facultade de Química da USC. Para máis información premer aquí

Con motivo do recente premio concedico a Dormes?, o profesor Miguel Carbajal foi entrevistado o pasado venres no programa "Preguntoiro" do Correo TV.

Xa están fixadas as datas para os exames finais das asignaturas pendentes. Podes consultalas no taboleiro de clase, no panel de Secretaría ou ben descargar aquí o ficheiro. Se tes calquera dúbida, diríxete ao correspondente xefe de Departamento.

Convócase claustro ordinario para o vindeiro xoves, 23 de abril de 2009, ás 16:30 horas. Premer aquí para ver a orde do día.

A vindeira semana do 20 ao 24 de abril poderemos contemplar na Aula de Usos Múltiples do centro, unha exposición de Javier Miguens patrocinada pola Pinacoteca Juan Sanmartin Cao, que leva o título "Arousa Submarina". Ademáis o luns 20 de abril a 4ª hora os /as alumnos/as de 4º ESO A e 1º Bacharelato A asistirán a unha conferencia  impartida polo autor.

Hoxe, ás 21:30 horas, no Teatro Principal da Estrada, asistiremos a unha nova representación de Dormes?, unha creación do Taller de Expresión Artística do MGB, dirixida por Miguel Carbajal. Nesta ocasión estarán presentes os delegados dos premios nacionais de teatro "Buero Vallejo", de cara a unha posible participación na fase final deste certame, que terá lugar en Madrid a finais de curso.

Desexamos o maior éxito para toda "a compañía", e que pronto poidan estar ensaiando para esa final nacional. Sorte hoxe!.

Pablo Sanmartín Andújar, alumno de 1º C de ESO do MGB é o novo Campeón de España de bádminton na categotía sub13, nas modalidades de individual e dobres. A competición celebrouse o fin de semana do 28 e 29 marzo en Sevilla. Desde aquí queremos felicitalo e animalo a continuar a súa progresión, así como eloxiar o traballo e a humildade que amosa día a día: noraboa.  

O vindeiro venres  3 de abril os alumnos Diego Oliveira Sánchez, Álvaro García Martínez, Jorge Luis Porto Fuentes e Daniel Vázquez Vázquez participarán na Masterclass Europea de Física (Física de partículas coas mans"), organizada pola Facultade de Física da Universidade de Santiago de Compostela. Para saber máis premer aquí

O martes 14 de abril de 2009 será día non lectivo. É un dos dous días dos que dispoñen os centros cando os festivos locais caen fóra do calendario lectivo.

Resolución do 24 de marzo de 2009, da Secretaría Xeral da Consellería de Educación e Ordenación Universitaria. Premer aquí.