Reanúdase o prazo para a presentación de solicitudes de admisión de alumnado en centros docentes con fondos públicos , polo tempo que restaba, de xeito que se iniciará o luns. día 11 de maio e rematará o día 18 do mesmo mes. O calendario do proceso pódese consultar no arquivo adxunto

Calendario do proceso

Resolución da Consellería

Por motivos de seguridade e prevención de riscos da pandemia establecerase un protocolo baseado nas normas que aconsellan as autoridades sanitarias  e as propias da Consellería de Educación.

Protocolo de atención ao público (Recomendaciós sanitarias)

1.- Procurar chamar ao centro con anterioridade para fixar unha hora de atención aproximada.

     Para entrar avisar desde o videoporteiro que está a carón da porta de entrada ao centro.

2.- Manter as distancias tal como están sinaladas no recinto de secretaría

3.- Acudir ao centro só unha persona e sen a presencia de nenos/as

4.- Vir coa documentación preparada e fotocopiada

5.- Acudir con mascariila preferentemente.

6.- A entrada da zona de secretaría, haberá xel de mans para limpiarse.

7.- O horario de atención ao público será de 10:00h a 13:00h.

8.- Recórdase que todo este proceso tamén se pode realizar telemáticamente a través da seguinte dirección:

https://www.edu.xunta.es/admisionalumnado

Presentamos a toda a Comunidade educativa do IES Laxeiro o Documento - Guía de adaptación das actividades lectivas e que ten como referencia as Instrucións do 27 de abril de 2020 da Dirección Xeral de Educación e Formación Profesional e Innovación Educativa da Consellería de Educación da Xunta de Galicia.

Un documento elaborado polo Equipo Directivo co refrendo dos Xefes de Departamento en reunión da Comisión Pedagóxica e co visto bo do Claustro do Profesorado.

Con el tratamos de clarificar e explicar tanto a alumnado coma aos pais e nais as normas e adaptacións que imos a seguir no centro durante esta 3ª avaliación para avaliar a todo o noso alumnado neste ano tan complicado debido ao COVID-19.

Documento- Guía

Instrucións da Consellería

Sirva de testemuña esta carta que escribiu para vos e para as vosa familias unha profesora do IES Laxeiro. A través dela queremos manifestar todo o que sentimos e e todo que desexamos neste momentos tan duros tanto o Equipo Directivo, coma o profesorado do voso centro.

                                                                                                Avaliación e semana santa

Moi bo día a todas e todos,

Antes de nada, espero que estedes ben e levando esto o mellor posible. Como sabedes, hoxe fixemos a avaliación, así que mañá, a partir das 13:00 horas publicaranse as notas. Se alguén ten problemas e non lle chegan que mo faga saber, ou por correo ou ao teléfono.
Como sabedes tivemos que poñer as notas sen os últimos exames, pero asegúrovos que o profesorado tiñamos notas de clase abondo de cada alumno/a. Intentamos ser o máis xustos posibles, dadas as condicións.
Sei que todo esto está sendo complicado, que moitos alumnos/as están agobiados porque enviamos moitas tarefas. Para nós esto tamén é novo, estamos intentando traballar doutra forma, todo o día pegados ao ordenador contestando correos. Estamos intentando facelo o mellor que podemos, e as cousas que vexamos que non funcionan ben ir cambiándoas. Tamén estamos investigando o alumnado que poda ter problemas de conexión a internet ou falta de medios (oredenadores) para poder solucionalo, a equipa directiva está traballando a tope con este tema, e con todos os demais, asegúrovolo.
Quero darvos as GRAZAS porque entendo que non é sinxela esta situación, estar en casa, teredes seguramente traballo tamén, e a maiores atender aos vosos fillos/as, que seguro se queixan de que os facemos traballar moito, pero a maioría estano facendo moi ben, estou moi orgullosa de cómo se están adaptando a estas circunstancias tan complexas.
Para a semana descansamos, pero á volta de semana santa poreime en contacto con todas/os para comentarvos os resultados da avaliación e informarvos, en canto nolo comuniquen, de cómo imos traballar no terceiro trimestre.
Espero que estedes ben, moitas grazas e coidádevos moito.

Unha profesora do IES Laxeiro

AXUDAS COMEDOR ESCOLAR XESTIÓN DIRECTA.CORONAVIRUS: COVID-19

A presente orde ten por obxecto establecer as bases reguladoras dunha liña de axudas as familias do alumnado que ostenta a condición de gratuíto e do que por renda familiar resulta pagador dun euro nos centros educativos públicos non universitarios xestionados pola Consellería de Educación, Universidade e Formación Profesional que imparten os niveis de ensinanza básica obrigatoria no segundo ciclo de educación infantil, en educación primaria e no ensino secundario obrigatorio. E dicir, a familias que durante o curso escolar pagan 0 euros polo comedor, ou 1€ polo mesmo.

Para mais información ler os arquivos adxuntos

Axudas a alumnado bolseiro do comedor

Instrucións da Secretaría Xeral Técnica

Orde do 27 de marzo axudas comedor

ANEXO I Solicitude

Desde a Dirección do IES Laxeiro somos conscientes das inquedanzas que neste momento ten tanto o alumnado coma as súas familas polo futuro do presente curso escolar. A situación que estamos vivindo alterou en gran maneira o curso 19-20.

Por ese motivo e polo que enviamos este comunicado para que de algún xeito aclare e tranquilice na medida do posible todas esas dúbidas que neste intre son evidentes.

Principalmente queremos comunicar o seguinte:

1º.Avaliarase o segundo trimestre co traballo feito e modificaranse os contidos e competencias do terceiro

No IES Laxeiro estamos elaborando o proceso da 2ª avaliación co traballo desenvolvido ata a interrupción das clases presenciais. Agardando as instrucións oportunas cremos qe entre o día 2 ou 3 de abril entregaranse telematicamente as notas correspondentes a esa 2ª avaliación.

En canto a 3ª haberá que agardar as instrucións tanto do Ministerio coma da Comunidade Autónoma para analizar o currículo e competencias da mesma.

2º. A ABAU desenvolverase antes do 10 de xullo, no caso da convocatoria ordinaria, e antes do 10 de setembro, no caso da extraordinaria

As datas para a convocatoria ordinaria se sitúen entre o 22 de xuño e o 10 de xullo, con marxe para publicar os resultados ata o 17 de xullo, e para a extraordinaria antes do 10 de setembro, coa publicación de resultados antes do 18 dese mesmo mes. Canto ao exame, acordouse manter un modelo similar ao actual, cos mesmos tempos de realización, e aumentar a opcionalidade.

3º. Canto á Formación Profesional, insistiuse na necesidade de garantir que todo o alumnado titule, para o que o Ministerio anunciou a publicación dunha norma que vai fundir nun único módulo os actuais de Formación en Centros de Traballo (FCT) e de Proxecto. No caso dos ciclos de grao medio e na FP Básica, onde non existe módulo de Proxecto, establecerase un traballo final.

Polo tanto agardaremos as correspondentes instrucións para tomar determinacións con este alumnado de 2º ano de ciclos.

Para mais información poden acudir ao portal de Consellería de Educación ou ben no comunicado da Conferencia Sectorial.

Non queríamos deixar pasar esta oportunidade sen recoradar que todo o profesorado, dentro das limitacións que a nivel de medios informaticos poida haber, estase volcando en paliar esta situación con envios de traballos telemáticos que o alumnado de todos os niveis poden realizar e que o profesorado correxirá oprtunamente. Por ese motivo pregamos aos pais que vixien e controlen a realización destas actividades.

Nos apartados seguintes aparece a normativa e a documentación relativa ás accións formativas para desempregados:

- Orde do 17 de abril de 2019 Regulamento

_ Orde decembro 2019 Axudas

- AnexoI solicitude axudas

_ Anexo II solicitude axudas

- Información  axudas

- TMVG0309 Certificación

- Horario do curso TMVG0309

- Deberes e dereitos do alumnado

Efectuado o sorteo das rifas da cesta de nadal 2019, comunicamos que o número agraciado co premio foi o seguinte

                                                                               4777

Este mércores 4 celebrouse no recinto ferial da semana verde de Silleda unha nova edición do “Cross escolar”, actividade programada dentro do XOGADE que é o plan de deporte en idade escolar da Xunta de Galicia.
74 alumnos/as do IES Laxeiro de 1º, 2º e 3º da ESO tomaron parte nunha competición na que tiveron que facer un percorrido que rondaba 1 km de lonxitude, nunha mañá fría e solleira que permitiu desfrutar ao alumnado dunha xornada de actividade física ao aire libre. 
Salientar o bo comportamento de todos/as participantes, rematando con esforzo as súas probas e con resultados meritorios, con especial mención a Ihcene Bouchaila, que rematou en 2º posto na categoría infantil feminina e Jacobo Guerreiro que foi terceiro na cadete masculina.
Parabens a todos e un agradecemento especial ao profesorado que colaborou co departamento de EF (Sara e Mónica).

Para ver as fotos debes identificarte coa túa conta @ieslaxeiro.com

E o día chegou. Un día cheo de emocións, de bágoas, un día no que Luís Gustavo foi quen de tirarnos aínda agora máis dun sorriso. Luís Gustavo era moito más ca un xefe de estudos. Moito máis ca un profesor de Física e Química. Moito máis ca un compañeiro. Moito máis ca un esposo. Moito máis ca un fillo. Moito máis ca un pai. Todo el era "moito máis".
Si, seino. Cando alguén morre, quen queda limítase a enxalzar todo canto de bo tivo a persoa que vén de falecer. Pero é tan diferente neste caso! Os testemuños aportados polo seu exalumnado, feito motu propio e dende o corazón, son unha proba diso. Pero a maior proba foi a cantidade de xente que onte veu ao noso centro. O noso salón de actos non estaba cheo, estábao máis. O vestíbulo, o patio de fóra... E non só era a cantidade, era o silencio, o respecto, a estima, o amor que se respiraba... e era tamén o orgullo de formar parte dunha comunidade educativa que responde cando hai que facelo, era o orgullo de profesora vendo a ese alumnado implicado, a ese alumnado músico, a ese alumnado silencioso, a ese alumnado axudante... Luís Gustavo estaba alí entre nós, sorrindo, orgulloso de que todo saíse ben. Sentín que ao rematar unha palmada súa me dicía cariñoso, vez máis: ves como non era para tanto? Sempre te pos demasiado nerviosa e sempre sae todo ben...
Seguimos chorándote, Luís Gustavo.

Na prensa:

https://www.lavozdegalicia.es/noticia/deza/2019/11/17/luis-gustavo-corazon-laxeiro/0003_201911D17C3991.html

https://www.farodevigo.es/portada-deza-tabeiros-montes/2019/11/17/o-ies-laxeiro-lembra-ao/2203775.html