IES A SANGRIÑA

Reparto de libros de texto de 4º de ESO

Mar, 17/09/2024 - 19:32 — IES A Sangriña

eso 4 sangriña

O mércores 18 de setembro, procederase ao reparto de libros do FONDO SOLIDARIO DE LIBROS DE TEXTO de 4º ESO no seguinte horario:

9:15 - 9:45 - 4º ESO A

9:45 - 10:15 - 4º ESO B

10:15 - 10:45 - 4º ESO C

Só poderán recoller os libros de texto o pai, a nai ou o/a titor/titora legal do alumno ou da alumna beneficiaria do Fondo Solidario de Libros de Texto. No caso de que nese día non podan asistir á entrega dos libros poden autorizar a unha persoa maior de idade para que así o faga. (Na autorización deberán constar os nomes, apelidos e DNI da persoa autorizada e da que autoriza a recollida de libros).

Para calquera dúbida ou aclaración poden dirixirse á vicedirección do centro.

As nosas alumnas Edumob chegaron a Francia

Lun, 16/09/2024 - 19:05 — IES A Sangriña

As estudantes de intercambio de francés do IES A Sangriña xa chegaron a Francia co programa Edumob. EduMob é un programa de intercambio individual de alumnado en réxime de reciprocidade con alumnado matriculado en centros pertencentes á Région Académique de Grand Est (Francia) para o curso 2024/2025.

Estamos seguros de que esta estadía será moi produtiva, de que perfeccionarán o seu francés e de que vivirán unha importante experiencia de crecemento persoal.

Formulario da ANPA para a solicitude de libros de texto

Lun, 16/09/2024 - 18:57 — IES A Sangriña

ANPA libros de texto IES A SANGRIÑA

A ANPA do IES A Sangriña puxo ao dispor dos seus asociados e asociadas un formulario de Google para a petición dos libros de textos do banco de libros da ANPA para este cursos escolar.

As solicitudes deben realizarse, en todo caso empregando este formulario e para poder facelo é requisito indispensable ser socio/a da ANPA.

Podedes acceder ao formulario pulsando aquí.

Reparto de libros de texto de 3º de ESO

Ven, 13/09/2024 - 17:12 — IES A Sangriña

O luns 16 de setembro, procederase ao reparto de libros do FONDO SOLIDARIO DE LIBROS DE TEXTO de 3º ESO no seguinte horario:

10:00 - 10:30- 3º ESO A

10:30 - 11:00- 3º ESO B

11:00 - 11:30- 3º ESO C

Para calquera dúbida ou aclaración poden dirixirse á vicedirección do centro.

Validación de materias aprobadas 1º de ciclos de FP

Xov, 12/09/2024 - 18:18 — IES A Sangriña

Infórmase ao alumnado repetidor de 1º curso dos ciclos de Formación Profesional que ten que proceder a solicitar a valición en secretaría das materias aprobadas do ano anterior.

Por defecto, este alumnado aparece matriculado nas materias que substitúen no novo plan de estudos ás xa aprobadas.

A XEFATURA DE ESTUDOS

Reparto de libros de texto de 1º e 2º de ESO

Mér, 11/09/2024 - 22:04 — IES A Sangriña

Entre mañá xoves 12 de setembro e o venres 13 deste mesmo mes, procederase ao reparto de libros do FONDO SOLIDARIO DE LIBROS DE TEXTO de 1º e 2º de ESO. O día e as horas de recollida serán as seguintes:

1º de ESO - Xoves 12 de setembro:

10:00 - 10:40- 1º ESO A

10:40 - 11:15- 1º ESO B

11:15 - 12:00- 1º ESO C

2º de ESO - Venres 13 de setembro:

10:20 - 11:00- 2º ESO A

11:20 - 12:00- 2º ESO B

12:00 - 12:30- 2º ESO C

Só poderán recoller os libros de texto o pai, a nai ou o/a titor/titora legal do alumno ou da alumna beneficiaria do Fondo Solidario de Libros de Texto. No caso de que nese día non podan asistir á entrega dos libros, poden autorizar unha persoa maior de idade para que así o faga (na autorización deberán constar os nomes, apelidos e DNI da persoa autorizada e da que autoriza a recolla de libros).

Para calquera dúbida ou aclaración podedes dirixirvos á vicedirección do centro.

Moitas grazas pola vosa colaboración.

Actos de presentación do 11 de setembro de 2024

Xov, 05/09/2024 - 19:48 — IES A Sangriña

Para a realización dos actos de presentación do curso 2024 - 2025, o alumnado acudirá ao centro segundo a hora de inicio da presentación do seu curso, tal e como figura na imaxe superior, o próximo día 11 de setembro. Os actos de presentación terán lugar, cos distintos titores/as, nas aulas de referencia e prégase a máxima puntualidade ao alumnado convocado.

O alumnado dos respectivos cursos acudirá á hora indicada ao vestíbulo do centro desde o cal será conducido ás súas aulas de referencia polos seus titores/as

Despois de cada acto de presentación, o alumnado continuará co seu horario lectivo normal ata o final da xornada.

Este día o servizo de transporte escolar non realizará o traxecto matutino de ida pero si realizará o traxecto de volta.

No caso de que os titores/as teñan algunha incompatibilidade co seu horario lectivo persoal e este horario de presentación, primará o horario de presentación cos seus titorandos/as.

A dirección.

Descarga aquí a convocatoria oficial.

Convocatoria do claustro extraordinario (9 de setembro)

Mér, 04/09/2024 - 12:18 — IES A Sangriña

claustro sangriña

Consulta a convocatoria oficial do Claustro extraordinario de profesorado de IES A Sangriña para o 9 setembro.

O claustro celebrarase entre as 11:30 e as 12:30 horas.

Nesta sesión entregaranse os horarios do profesorado, farase elección do día non lectivo propio do IES A Sangriña e achegaranse informacións varias e de interese.

Descarga aquí a convocatoria oficial.

1 adxunto

Nova directiva da ANPA Baixo Miño

Mar, 03/09/2024 - 18:17 — IES A Sangriña

O novo equipo da ANPA do IES A Sangriña somos un grupo de nais e pais de alumn@s que aceptamos o reto de continuar co funcionamento da “ANPA Baixo Miño” do IES A Sangriña, con moita ilusión e esforzo. O noso interese ao formar esta ANPA é, principalmente, a educación dos nosos fillos e fillas en permanente colaboración coa comunidade Educativa e o profesorado do centro.

A Xunta Directiva está conformada por:

Presidenta: Rosa M.ª Lomba Pérez

Vicepresidenta: Josefina Baz Pacheco

Secretaria: Yolanda Higuero Araujo

Tesoureiro: Jose Ramón Franco Rodríguez

Vogais: Luis Eduardo Castro Rodríguez, Juan Manuel Pérez Diego , Marcos Álvarez González e Carmen Rodríguez Verde.

O medio de comunicación connosco é:

Teléfono da ANPA: 684734863
E-mail: anpaiesaguarda@gmail.com

Animámosvos a que vos asociedes, para participar activamente na mellora da calidade educativa do alumnado e do centro. A cota por familia e curso escolar é de 35€ para as famililas que o fagan por primeira vez e de 25€ para os seguintes cursos. No concepto do pago da ANPA é necesario poñer: nome e apelidos de todos os fillos/as e cursos. Prazo de pago: 20 de setembro.

NÚMERO DE CONTA: ES91 0049 4984 7827 1617 1257 (Banco Santander)

Seguimos co préstamo de libros de texto. Neste curso enviaremos, en breve, un formulario Google Forms para que solicitedes os que necesitades; poñede mais de dúas opcións xa que aseguramos un e a segunda opción según disponibilidade.

* Prazo para cubrir o formulario: 20 setembro.

Os libros entregaranse por quendas de cursos nun horario establecido.

Se o pago ou petición se fai fóra de prazo, entregaremos das existencias que queden.

Para acceder ó préstamo de libros do fondo da ANPA débense cumprir as seguintes condicións:

• Pertencer a Anpa e estar ao corrente dos pagos da cota da ANPA.

• Respetar as datas límites para pagar a cuota e anotarse na petición de libros da ANPA.

• Repectar as datas de recollida e entrega dos libros.

• Cumprir as normas de conservación dos libros:

* Os libros teñen que devolverse en bo estado, non se pode escribir neles nin subliñar, nin maltratalos.

* É responsabilidade das familias forrar os libros novos ou os libros prestados con forro deteriorado.

* Os libros cando se devolven teñen que ter un forro bo estado.

* A perda ou deterioro dun libro penalizarase repoñendoo ou pagando 50€.

O incumplimento destas normas pode supoñer unha reducción do número de libros no próximo curso. Haberá un contrato de préstamo para cada usuario que se firmará na recollida dos libros.

Poremos selo con Nova Anpa onde cada usuario apuntará nome, apelidos e curso.

Solicitaranse os libros vía formulario Google Forms cumprindo os prazos.

Así mesmo vos recordamos que calquera nai ou pai pode formar parte do noso equipo de traballo se así o desexa.

Aproveitamos para dar a benvida a todos aqueles que se incorporan por primeira vez ao centro!

Atentamente, a Xunta Directiva da ANPA do IES A Sangriña.

Resolución definitiva do Fondo solidario de libros de texto e axudas para material escolar para o alumnado da ESO (2024-2025)

Lun, 22/07/2024 - 20:59 — IES A Sangriña

Libros de texto IES A Sangriña

Segundo establece a ORDE do 7 de maio de 2024 pola que se regula a participación no fondo solidario de libros de texto, o vindeiro venres 26 de xullo publicaranse, no taboleiro situado na entrada do centro, as listaxes definitivas do Fondo solidario de libros de texto e axudas para material escolar para o alumnado da ESO.

O reparto dos libros de texto farase ao inicio de curso, nun día e horas que se determinarán en canto comecen as clases.