IES A SANGRIÑA

Hoxe, día 19 de novembro, celébrase o Día Internacional da Muller emprendedora (Women's Entrepreneurship Day o WED), que foi creado en 2014 por Wendy Diamond, unha emprendedora e filántropa comprometida con fortalecer o liderazgo feminino no mundo empresarial.

Para conmemoralo, o alumnado do Ciclo Superior de Administración e Finanzas elaborou unha serie de carteis que se expoñen en dous murais instalados no centro para dar a coñecer diferentes mulleres emprendedoras, tanto do ámbito galego como internacional, e para que as súas figuras sexan coñecidas e recoñecidas polos máis peques do noso instituto.

Moitas grazas polo voso compromiso!

Hoxe en día a doazón e transplante de órganos é unha práctica terapéutica perfectamente consolidada na nosa contorna, que foi un agasallo de vida para as máis de 9 700 persoas que recibiron un órgano e máis de 20 000 que recibiron un tecido na nosa comunidade.

Debemos destacar o labor de todos os colectivos profesionais que dalgunha maneira fan posible o funcionamiento do programa de doazón e transplante así como o máis merecido recoñecemento aos máis de 3 300 doantes galegos e aos seus familias pola solidariedade mostrada, porque cando dixeron SI á doazón, dixeron SI ao mellor agasallo que é a VIDA; "a vida, o mellor agasallo"​.​

Para coñecer de preto esta realidade, o departamento de Ciencias Naturais organizou unha charla na que se expuxeron vivencias desde o punto de vista dun doutor especializado e dun paciente transplantado. Na sesión participou o alumnado de 3º de ESO e o alumnado de Anatomía Aplicada de 1º de Bacharelato.

Para saber máis, preme aquí.

Aínda dentro das actividades organizadas polo Centro de Información da Muller do Concello da Guarda para este 25 N proxectouse, no día de onte, o filme O Corno. Baixo a coordinación do Grupo de Igualdade do IES A Sangriña, asistiu á dita proxección no Centro Cultural o alumnado de 1º de Bacharelato.

O CORNO é un filme galego, dirixido por Jaione Camborda, que vén de ser recentemente premiado no prestixioso Festival Internacional de Cine de San Sebastián. Este drama ambiéntase na Illa de Arousa, no ano 1971. María é unha muller que gaña a vida mariscando. Tamén é coñecida na illa por axudar outras mulleres nos seus partos con especial dedicación e coidado. Tras un inesperado suceso, vese obrigada a fuxir e comeza unha perigosa travesía que a fará loitar pola súa supervivencia. Buscando a súa liberdade, María decide cruzar a fronteira por unha das rutas de contrabando entre Galicia e Portugal.

Esta exitosa longametraxe proxectarase tamén para todo o público que queira asistir o próximo venres 15 de novembro ás 20:30 no centro cultural dentro da programación do "VII Ciclo de Cine y mujer rural" que organiza o Ministerio de Agricultura, Pesca e Alimentación.

Os departamentos de Administración e Economía organizaron esta mañá un taller subvencionado con fondos do programa Eduemprende sobre o Plan de empresa como clave do emprendemento.

O taller, que tiña como obxectivo recrear o deseño dun plan de empresa foi impartido pola consultora empresarial DHAIS, especializada na consultoría tecnolóxica.

DHAIS é unha consultora creada por profesionais especializados en diferentes ramas da xestión empresarial con ampla experiencia na dixitalización de procesos, os seus obxectivos son:

• Situar á comunidade empresarial á vangarda da industria 4.0.
• Implantar proxectos de dixitalización que melloren os procesos empresariais actuais.
• Acadar altos índices de éxito na tramitación de axudas públicas para proxectos xestionados directamente e mediante colaboracións con terceiros.

O Plan de Emprendemento do Sistema Educativo de Galicia, Eduemprende pretende sensibilizar a toda a comunidade educativa e favorecer a introdución do espírito emprendedor no alumnado desde idades temperás.