Pancho Novoa, vigués e veciño de Pontevedra, é profesor de Ensino Secundario xubilado, músico e presidente da Agrupación Astronómica Rías Baixas. Desde pequeno, Pancho sentiuse atraído pola ciencia, tal e coma xa lle pasara ao seu tío, o astrónomo Rafael Cid Palacios. Tamén lle gustou sempre a música, igual que ao seu irmán Pablo, compoñente de Golpes Bajos. Pancho estudou Bioloxía en Santiago de Compostela e mentras facía a carreira gañaba a vida de concerto en concerto, tocando a guitarra e cantando. Cando daba clases en Vigo xa lle gustaba levar os seus alumnos facer observacións astronómicas. Onte, veu ao IES A Sangriña para transmitir os seus coñecementos ao noso alumnado de Bioloxía e Xeoloxía de 3º e 4º de ESO.
