Iníciase o proceso de solicitude de reserva de praza para o alumnado de 6º de Educación Infantil e 2º de Educación Primaria que pretenda continuar os estudos de primaria nos centros de adscrición correspondentes, nestes casos:

- Quintáns, Rañó, Pazo e Abuín: o CEIP ADR Castelao (Rianxo)

- Cuvide, Cruceiro, Outeiro e Capela: o CEP Xosé María Brea Segade (Taragoña).

*As familias que teñan previsto matricular @s nen@s nun centro  distinto aos adscritos non teñen que facer a reserva, deberá solicitar praza en dito centro cando se inicie o proceso de admisión en marzo.

 Prazo para presentar as solicitudes: 15 de xaneiro a 05 de febreiro de 2024.

 Deberán presentar o Anexo 2 debidamente cuberto na sede do CRA de Rianxo en Asados (Anexo_2_castelán)

 Tamén se permitirá presentar a solicitude en calquera dos lugares que establece a Lei 39/2015, do 1 de outubro, do Procedemento Administrativo Común, incluída a sede electrónica, para o que precisará de Chave 365 ou certificado dixital.

 Dentro da aplicación "admisionalumnado" hai instrucións para as familias que fagan a solicitude en rede. ENLACE ÁS INSTRUCIÓNS

 Poderase entregar a documentación na sede do CRA de Rianxo no seguinte horario (mellor chamar antes ao 629650523 para asegurarse de que estea aberta a sede administrativa).

Luns: de 12:30 a 14:00 h

Martes: de 12:30 a 14:00 h e de 16:00 a 18:00 h

Mércores: de 11:00 a 12:45 h

Xoves: de 9:00 a 14:00 h

Adxuntamos os formularios para poder descargar e imprimir da solicitude de reserva.